| 章节 | 全民台语圣经汉罗经文 | 注释 |
| 14:1 | 偤大王亚玛谢(代下25：1-24)以色列王约哈斯ê kiáⁿ约阿施第二年，偤大王约阿施ê kiáⁿ亚玛谢坐位。 | 注释 串珠 原文 典藏 |
| 14:2 | 伊坐位ê时，二十五岁，tī耶路撒冷做王共二十九年。伊ê老母ê名叫做E-ho-a-tan，是耶路撒冷人。 | 注释 串珠 原文 典藏 |
| 14:3 | 亚玛谢行上主看做好ê tāichì，总是，无亲像伊ê祖先大卫，to̍h是照伊ê老父约阿施所行ê一切去行。 | 注释 串珠 原文 典藏 |
| 14:4 | 总是，山头坛iáu未废除，人民犹原tī山头坛献祭烧香。 | 注释 串珠 字典 原文 典藏 |
| 14:5 | 早前hiahê人臣thâi死伊ê老父偤大王，taⁿ国权一下坚固，to̍h kā inthâi死。 | 注释 串珠 原文 典藏 |
| 14:6 | 总是，无kā in ê kiaN2thâi死，照摩西律法ê册所记载，上主命令讲：「M̄-thang因为kiáⁿ来thâi死老父，mā m̄ thang因为老父来thâi死kiáⁿ，ta̍k人tio̍k因为本身ê罪来死。」 | 注释 串珠 字典 原文 典藏 |
| 14:7 | 亚玛谢tī盐ê山谷thâi死以东人一万，koh征服西拉，kā她改名叫做Iok-thel，直到今á日。 | 注释 串珠 原文 典藏 |
| 14:8 | Hit时，亚玛谢差使者去见耶户ê孙，约哈斯ê kiáⁿ，以色列王约阿施，讲：「来，咱两人tī战场相见面。」 | 注释 串珠 原文 典藏 |
| 14:9 | 以色列王约阿施差使者去见偤大王亚玛谢讲：「黎巴嫩ê草刺差使者去见黎巴嫩ê柏香树，讲：『Kā你ê chabó͘ kiáⁿ hō͘我ê kiáⁿ做bó͘。』后来，黎巴嫩有一只野兽经过，thún踏hitê草刺。 | 注释 串珠 字典 原文 典藏 |
| 14:10 | 你已经phah赢以东，心就骄傲，你掠chitê做荣光，tī厝内安然toa3to̍h好，ná ē beh起事惹灾祸，hō͘本身kah偤大国做伙倒坏？」 | 注释 串珠 原文 典藏 |
| 14:11 | 总是，亚玛谢m̄肯听。就ánne，以色列王约阿施起来，tī偤大ê伯示麦kah偤大王亚玛谢tī战场相见面。 | 注释 串珠 原文 典藏 |
| 14:12 | 偤大tī以色列ê面前thâi输，ta̍k人走tńg去in ê布棚。 | 注释 串珠 原文 典藏 |
| 14:13 | 以色列王约阿施tī伯示麦掠tio̍h亚哈谢ê孙，约阿施ê kiáⁿ偤大王亚玛谢，to̍h来到耶路撒冷，拆毁耶路撒冷ê城墙，tùi以法连门到角门共四百肘， | 注释 串珠 字典 原文 典藏 |
| 14:14 | koh kā上主殿内kah王宫金库所有ê金银kah器具，lóng the̍h去，koh掠人去做准当，to̍h倒tńg去撒马利亚。 | 注释 串珠 字典 原文 典藏 |
| 14:15 | 约阿施其他ê tāichì，见若伊所行ê kah伊ê能力，以及kah偤大王亚玛谢交战ê tāichì，kám无lóng记tī以色列chiahê王ê记录？ | 注释 串珠 字典 原文 典藏 |
| 14:16 | 约阿施kah伊ê祖先同困，kah以色列chiahê王做伙葬tī撒马利亚。伊ê kiáⁿ耶罗波安续接伊做王。 | 注释 串珠 原文 典藏 |
| 14:17 | 偤大王亚玛谢死亡(代下25：25-28)以色列王约哈斯ê kiáⁿ约阿施死了后，偤大王约阿施ê kiáⁿ亚玛谢iáu koh活十五年。 | 注释 串珠 原文 典藏 |
| 14:18 | 亚玛谢其他ê tāichì，kám无lóng记tī偤大列王ê记录？Tī耶路撒冷有人结党beh害亚玛谢。 | 注释 串珠 字典 原文 典藏 |
| 14:19 | 伊to̍h逃走去拉结，in差人jiok伊到拉吉，tī hia kā伊thâi死。 | 注释 串珠 原文 典藏 |
| 14:20 | 人to̍h用马载伊ê身尸来到耶路撒冷，kah伊ê祖先葬做伙tī大卫ê城。 | 注释 串珠 字典 原文 典藏 |
| 14:21 | 偤大众人设立亚撒利雅续接伊ê老父亚玛谢做王。Hit时，伊chiah十六岁。 | 注释 串珠 原文 典藏 |
| 14:22 | 亚玛谢王kah伊ê祖先同困了后，亚撒利雅起E-lot ê城，hō͘她犹原归偤大国ê管辖。 | 注释 串珠 原文 典藏 |
| 14:23 | 以色列王耶罗波安二世偤大王约阿施ê kiáⁿ亚玛谢十五年，以色列王约阿施ê kiáⁿ耶罗波安tī撒马利亚坐位，总共做王四十一年。 | 注释 串珠 原文 典藏 |
| 14:24 | 伊行上主看做pháiⁿ ê tāichì，无离开尼八ê kiáⁿ耶罗波安hō͘以色列犯罪ê。 | 注释 串珠 原文 典藏 |
| 14:25 | 伊恢复以色列交界ê地，tùi哈马口到亚拉巴海，照上主—以色列ê上帝托他ê奴仆Gat-he-huil人A-mit-thài ê kiáⁿ—先知约拿所讲ê话。 | 注释 串珠 原文 典藏 |
| 14:26 | 因为上主看tio̍h以色列人真艰苦，无论受拘束ê á是自由ê lóng无去，mā无人帮赞以色列。 | 注释 串珠 原文 典藏 |
| 14:27 | 上主m̄ bat讲beh kā tī天下擦消以色列ê名，就托约阿施ê kiáⁿ耶罗波安ê手来kā in救。 | 注释 串珠 原文 典藏 |
| 14:28 | 耶罗波安其他ê tāichì，见若伊所行ê kah伊ê能力，伊án怎交战，án怎回复大马士革kah哈马，to̍h是早前属偤大ê，hō͘ in koh归以色列，kám无lóng记tī以色列chiahê王ê记录？ | 注释 串珠 字典 原文 典藏 |
| 14:29 | 耶罗波安kah伊ê祖先以色列chiahê王同困了后，伊ê kiáⁿ撒迦利雅续接伊做王。 | 注释 串珠 原文 典藏 |