章节 | 全民台语圣经汉罗经文 | 注释 |
1:1 | 以利亚kah亚哈谢王亚哈死了后,摩押背叛以色列。 | 注释 串珠 原文 典藏 |
1:2 | 亚哈谢tùi撒马利亚ê楼顶ê栏杆跋落来,致病;to̍h差使者kā in讲:「Lín去问以革伦ê神明Ba-al-che-but ,我chitê病会好á-bē?」 | 注释 串珠 字典 原文 典藏 |
1:3 | 总是,上主ê使者kā提斯比人以利亚讲:「你起来,上去接撒马利亚王ê使者,kā in讲:『Lín去问以革伦ê神明Ba-al-che-but ,kám是因为以色列中无上帝?』 | 注释 串珠 字典 原文 典藏 |
1:4 | 所以,上主ánne讲:『你bē tàng koh落去你所上去ê眠床,一定ē死!』」以利亚to̍h去。 | 注释 串珠 字典 原文 典藏 |
1:5 | 使者tńg来见王,王问in讲:「Lín是án怎tńg来?」 | 注释 串珠 原文 典藏 |
1:6 | 使者应伊讲:「有一个人tú tio̍h阮,kā阮讲:『你去,lín tńg去见差lín ê王,kā伊讲,上主ánne讲:你差人去问以革伦ê神明Ba-al-che-but ,kám是因为以色列中无上帝?所以,你bē koh落去你所上去ê眠床,一定ē死!』」 | 注释 串珠 字典 原文 典藏 |
1:7 | 王问in讲:「来tú tio̍h lín,kā lín讲chiahê话ê,伊ê形状啥款?」 | 注释 串珠 原文 典藏 |
1:8 | In应讲:「伊穿有毛ê衫,腰縖皮带。」王讲:「这是提斯比人以利亚。」 | 注释 串珠 字典 原文 典藏 |
1:9 | 王to̍h差排长chhōa伊hit五十人去以利亚hia,伊上去伊hia;你看,以利亚坐tī山顶。排长kā伊讲:「上帝ê奴仆,王讲,你tio̍h落来。」 | 注释 串珠 原文 典藏 |
1:10 | 以利亚应排长讲:「我若是上帝ê奴仆,愿火tùi天落来,烧你kah你hit五十人!」to̍h有火tùi天落来烧伊kah伊hit五十人。 | 注释 串珠 原文 典藏 |
1:11 | 王koh差一个排长,chhōa伊hit五十人,去以利亚hia。伊to̍hka7伊讲:「上帝ê奴仆,王讲,你tio̍h赶紧落来!」 | 注释 串珠 原文 典藏 |
1:12 | 以利亚应in讲:「我若是上帝ê奴仆,愿火tùi天落来,烧你kah你hit五十人!」to̍h有上主ê火tùi天落来,烧伊kah伊hit五十人。 | 注释 串珠 原文 典藏 |
1:13 | 王koh差第三队ê排长chhōa伊hit五十人。Hitê第三队ê排长上去,跪tī以利亚ê面前,恳求伊讲:「上帝ê奴仆,求你掠我ê性命kah你chit五十个奴仆ê性命做宝贝! | 注释 串珠 原文 典藏 |
1:14 | 你看,已经有火tùi天落来烧死以前两 个排长kah in ta̍k个五十人;taⁿ求你看我ê性命做宝贝!」 | 注释 串珠 原文 典藏 |
1:15 | 上主ê使者kā以利亚讲:「你kah伊落去,m̄免惊伊。」 | 注释 串珠 原文 典藏 |
1:16 | 以利亚to̍h起来,kah伊落去见王,kā伊讲:「上主ánne讲:『你差人去问以革伦ê神明Ba-al-che-but ,kám是因为以色列中无上帝hō͘你问他ê话?所以,你bē koh落来你所上去ê眠床,一定tio̍h死!』」 | 注释 串珠 字典 原文 典藏 |
1:17 | 王就死,照以利亚所传上主ê话。王无kiáⁿ,约兰续接王位,tī偤大王约沙法ê kiáⁿ约兰第二年。 | 注释 串珠 原文 典藏 |
1:18 | 亚哈谢其他ê tāichì,kám无记tī以色列chiahê王ê记录? | 注释 串珠 字典 原文 典藏 |