章节 | 全民台语圣经汉罗经文 | 注释 |
24:1 | 大卫调查人口(代上21:1-27)上主koh受气以色列人,激动大卫来害in,to̍h讲:「Tio̍h去算以色列人kah偤大人。」 | 注释 串珠 卢俊义 原文 典藏 |
24:2 | 王吩咐kah伊tī ・leh ê军长约押讲:「你taⁿ去遍行以色列众支族,tùi但到别是巴,点算人民,hō͘我知人民ê数额。」 | 注释 串珠 卢俊义 原文 典藏 |
24:3 | 约押kā王讲:「无论人民gōa chē,愿上主—你ê上帝加添百倍,koh hō͘我ê主—我ê王亲目看tio̍h。总是,我ê主—我ê王ná ē欢喜chitê tāichì?」 | 注释 串珠 卢俊义 原文 典藏 |
24:4 | 总是,王ê话赢过约押kah hiahê军长。约押kah hiahê军长to̍h tùi王ê面前出去,点算以色列ê人民。 | 注释 串珠 卢俊义 原文 典藏 |
24:5 | In过约旦河,扎营tī亚罗珥,tī迦得山谷中ê城ê正pêng,kah雅谢相近, | 注释 串珠 卢俊义 原文 典藏 |
24:6 | koh到基列kah Tha-thim-ho͘t-sī ê地,koh到Tan-iá-an,se̍h到西顿, | 注释 串珠 卢俊义 原文 典藏 |
24:7 | koh到推罗坚固ê城,kah希未人以及迦南人所有ê城,koh出去到偤大南方ê别是巴。 | 注释 串珠 卢俊义 字典 原文 典藏 |
24:8 | In遍行全地,经过九月日koh二十工,to̍h倒tńg到耶路撒冷。 | 注释 串珠 卢俊义 原文 典藏 |
24:9 | 约押用算人民ê数额呈报hō͘王知。Gia̍h刀ê勇士,以色列人有八十万,偤大人有五十万。 | 注释 串珠 卢俊义 字典 原文 典藏 |
24:10 | 大卫点算人民ê数额了后,心就kakī 责备。大卫kā上主讲:「我行chitê tāichì大大有犯罪。上主ah,求祢除去祢ê奴仆ê过失,因为我所行ê是真戆。」 | 注释 串珠 卢俊义 原文 典藏 |
24:11 | 大卫天光早起起来ê时,上主ê话临到先知迦得,to̍h是大卫ê先见,讲: | 注释 串珠 卢俊义 原文 典藏 |
24:12 | 「你去kā大卫讲,上主ánne讲:『Taⁿ我用三项hō͘你,你拣一项,我thang对你来行。』」 | 注释 串珠 卢俊义 原文 典藏 |
24:13 | 迦得to̍h来通知大卫,对伊讲:「你kám ài你ê地饥荒七年?Á是ài你ê对敌jiok你,你tī伊ê面前逃走三月日?Á是ài瘟疫tī你ê地三日久?Taⁿ你tio̍h 斟酌想看一下,我thang用啥物话回覆差我来ê。」 | 注释 串珠 卢俊义 原文 典藏 |
24:14 | 大卫kā迦得讲:「我真为难,咱宁可陷落tī上主ê手,因为他有丰盛ê怜悯,我m̄愿陷落tī人ê手。」 | 注释 串珠 卢俊义 原文 典藏 |
24:15 | 上主就降瘟疫hō͘以色列,tùi透早到所定tio̍h ê时,tùi但到别是巴,人民中间死七万人。 | 注释 串珠 卢俊义 原文 典藏 |
24:16 | 当天使伸手tī耶路撒冷,beh kā它灭掉ê时,上主就后悔降落chitê灾祸,to̍h kā灭人民ê天使讲:「够额à,kiu你ê手。」Hit时,上主ê使者tī耶布斯人亚劳拿ê稻埕。 | 注释 串珠 卢俊义 字典 原文 典藏 |
24:17 | 大卫看tio̍h phah人民ê天使,to̍h kā上主讲:「祢看,犯罪ê是我,悖逆ê mā是我;总是,chiahê kui群ê羊有做啥物?愿祢ê手攻击我,kah阮父ê家。」 | 注释 串珠 卢俊义 字典 原文 典藏 |
24:18 | Hit日,迦得来见大卫,kā伊讲:「你上去,tī耶布斯人亚劳拿ê稻埕,kā上主起一座坛。」 | 注释 串珠 卢俊义 字典 原文 典藏 |
24:19 | 大卫照迦得ê话上去,照上主ê命令。 | 注释 串珠 卢俊义 原文 典藏 |
24:20 | 亚劳拿teh看,看tio̍h王kah伊ê人臣tùi对面来,亚劳拿to̍h出去,仆tī土脚kā王拜。 | 注释 串珠 卢俊义 原文 典藏 |
24:21 | 亚劳拿讲:「我ê主—我ê王来奴仆chia chhòng啥?」大卫讲:「我来beh买你chitê稻埕,kā上主起一座坛,hō͘人民中间ê瘟疫soah去。」 | 注释 串珠 卢俊义 字典 原文 典藏 |
24:22 | 亚劳拿kā大卫讲:「我ê主—我ê王,照你所看做好ê the̍h来献。你看,chia有牛thang做烧祭,有phah五谷ê器具kah套牛ê枷车thang做柴。 | 注释 串珠 卢俊义 字典 原文 典藏 |
24:23 | 我ê王,亚劳拿kā这一切送hō͘王。」亚劳拿koh kā王讲:「愿上主—你ê上帝接纳你。」 | 注释 串珠 卢俊义 原文 典藏 |
24:24 | 王kā亚劳拿讲:「M̄-thang lah,我ē照价钱kā你买;我无ài用白白得tio̍h ê物做烧祭,献hō͘上主—我ê上帝。」大卫to̍h用五十舍客勒ê银,买hitê稻埕kah牛。 | 注释 串珠 卢俊义 字典 原文 典藏 |
24:25 | 大卫tī hia kā上主起一座坛,献烧祭kah谢恩祭。Án-ne上主听in为地方所求ê,瘟疫tī以色列中to̍h soah去。 | 注释 串珠 卢俊义 字典 原文 典藏 |