章节 | 全民台语圣经汉罗经文 | 注释 |
8:1 | 大卫ê军事胜利(代上18:1-17)Chit时了后,大卫phah腓利士人,hō͘ in屈服;大卫koh tùi腓利士人ê手征服Bí-tek-an-má。 | 注释 串珠 卢俊义 字典 原文 典藏 |
8:2 | 大卫koh去phah摩押,hō͘ in倒tī地里,用索á来量,量两条索á长ê hō͘伊死,量满一条索á长ê hō͘伊活。摩押人to̍h归服大卫,来进贡。 | 注释 串珠 卢俊义 字典 原文 典藏 |
8:3 | 大卫phah琐巴王利合ê kiáⁿ 哈大底谢,hit时,利合去大河想beh恢复伊ê权势。 | 注释 串珠 卢俊义 原文 典藏 |
8:4 | 大卫掠伊ê马兵一千七百kah步兵二万,大卫kā战车ê马割断它ê脚筋,只有留一百台车ê马。 | 注释 串珠 卢俊义 字典 原文 典藏 |
8:5 | 大马士革ê亚南人来帮赞琐巴王哈大底谢,大卫就thâi死亚南人二万二千。 | 注释 串珠 卢俊义 原文 典藏 |
8:6 | 就ánne,大卫tī大马士革ê亚南设立军营。亚南人to̍h屈服大卫,来进贡。大卫无论去tó位,上主lóng hō͘伊khah赢。 | 注释 串珠 卢俊义 原文 典藏 |
8:7 | 大卫征服哈大底谢 hiahê人臣所捾金ê屏牌,带到耶路撒冷。 | 注释 串珠 卢俊义 字典 原文 典藏 |
8:8 | 大卫王koh tùi属哈大底谢ê Pí-tha kah Be-lō͘-thah ê城,得tio̍h真chē铜。 | 注释 串珠 卢俊义 原文 典藏 |
8:9 | 哈拿王Tô-í听tio̍h大卫phah赢哈大底谢 ê军队, | 注释 串珠 卢俊义 原文 典藏 |
8:10 | Tô-i2to̍h差伊ê kiáⁿ约南去见大卫王,kā伊请安,kā伊祝福,因为伊phah赢哈大底谢。因为哈大底谢 kah Tô-í tiāⁿ-tiāⁿ 交战,约南ê手mā有带银器、金器kah铜器。 | 注释 串珠 卢俊义 原文 典藏 |
8:11 | 大卫王to̍h用chiahê物做圣,献hō͘上主,亲像早前用伊所khah赢列国ê金银做圣来献。 | 注释 串珠 卢俊义 字典 原文 典藏 |
8:12 | to̍h是tùi亚南、摩押、亚扪人、腓利士人kah亚玛力所得tio̍h ê,以及tùi琐巴王利合ê kiáⁿ 哈大底谢所抢来ê。 | 注释 串珠 卢俊义 原文 典藏 |
8:13 | 大卫tī盐ê山谷phah死亚南一万八千人,倒tńg来ê时,to̍h得tio̍h大名声。 | 注释 串珠 卢俊义 原文 典藏 |
8:14 | 伊koh tī以东设军营,to̍h是tī以东全地设军营。以东人to̍h lóng归服大卫。大卫无论去tó位,上主lóng hō͘伊khah赢。 | 注释 串珠 卢俊义 原文 典藏 |
8:15 | (大卫ê大臣代上18:14-17)大卫做以色列人民ê王,大卫秉公行义tī伊ê人民。 | 注释 串珠 卢俊义 原文 典藏 |
8:16 | 洗鲁雅ê kiáⁿ约押做军长,亚希律 ê kiáⁿ约沙法做史官。 | 注释 串珠 卢俊义 原文 典藏 |
8:17 | 亚希突ê kiáⁿ撒督kah亚比亚他ê kiáⁿ亚希米勒做祭司,西莱雅做书记。 | 注释 串珠 卢俊义 原文 典藏 |
8:18 | 耶何耶大ê kiáⁿ比拿亚统辖基利提人kah Pí-lí-thê人,大卫hiahê kiáⁿ做领袖。 | 注释 串珠 卢俊义 原文 典藏 |