| 章节 | 全民台语圣经汉罗经文 | 注释 |
| 20:1 | 约拿单帮赞大卫大卫tùi 拉玛ê拿约逃走，来到约拿单ê面前，讲：「我做啥物？我有啥物pháiⁿ？Tī你ê老父ê面前有啥物罪，伊竟然teh siàu想我ê性命？」 | 注释 串珠 卢俊义 原文 典藏 |
| 20:2 | 约拿单kā伊讲：「决断m̄是，你bē致到死。我ê老父做tāichì，无论大细，无一项无hō͘我知。我ê老父kám kantaⁿ隐瞒我chit项tāichì？绝对无ánne。」 | 注释 串珠 卢俊义 原文 典藏 |
| 20:3 | 大卫koh chiùchōa讲：「你ê老父一定知我tī你ê面前得tio̍h恩典。伊ê心想讲：m̄ thang hō͘约拿单知，恐惊伊ē忧闷。我kí上主ê永远ê活命kah你ê活命来chiùchōa，我离开死亡只有一步niā-niā。」 | 注释 串珠 卢俊义 原文 典藏 |
| 20:4 | 约拿单kā大卫讲：「你ê心所意爱ê，我ē kā你做。」 | 注释 串珠 卢俊义 原文 典藏 |
| 20:5 | 大卫kā约拿单讲：「明á载是初一，我应该tio̍h kah王坐桌，求你容允我去bih tī田里，到第三日ê-hng。 | 注释 串珠 卢俊义 原文 典藏 |
| 20:6 | 你ê老父若看我无tī ・leh，你to̍h讲：『大卫迫切求我准伊tńg去伊ê本城伯利恒，因为伊全家beh tī hia献年祭。』 | 注释 串珠 卢俊义 原文 典藏 |
| 20:7 | 伊若讲，好à，你ê奴仆to̍h有平安；伊若受气，to̍h知伊决意beh害我。 | 注释 串珠 卢俊义 原文 典藏 |
| 20:8 | Taⁿ你tio̍h施恩hō͘你ê奴仆，因为你早前有hō͘你ê奴仆kah你kí上主来结约。我若有罪，请你本身thâi我，ná tio̍h带我到你ê老父hia？」 | 注释 串珠 卢俊义 原文 典藏 |
| 20:9 | 约拿单讲：「我决断无对你ánne行，因为我若真正知我ê老父决意beh害你，我kám bē kā你讲？」 | 注释 串珠 卢俊义 原文 典藏 |
| 20:10 | 大卫kā约拿单讲：「你ê老父若用pháiⁿ声sàu应你，啥人ē来kā我讲？」 | 注释 串珠 卢俊义 原文 典藏 |
| 20:11 | 约拿单应大卫讲：「来à，咱出来去田里。」两人to̍h出去田里。 | 注释 串珠 卢俊义 原文 典藏 |
| 20:12 | 约拿单kā大卫讲：「愿上主—以色列ê上帝做见证，明á载chit时á是第三日，我探看我ê老父，若有好意思ǹg大卫，我kám bē差人kā你讲？ | 注释 串珠 卢俊义 原文 典藏 |
| 20:13 | 我ê老父若有意思beh害你，我ē kā你讲，hō͘你平安去，若无，愿上主加倍责罚约拿单。愿上主kah你同在，亲像他bat kah我ê老父同在。 | 注释 串珠 卢俊义 原文 典藏 |
| 20:14 | M̄-nā我活leh ê时，你tio̍h对我显明上主ê慈爱，免得我死亡， | 注释 串珠 卢俊义 原文 典藏 |
| 20:15 | to̍h是上主tùi地chiūⁿ全部剪除大卫ê对敌ê时，你mā永远m̄ thang对我ê家绝断你ê恩惠。」 | 注释 串珠 卢俊义 原文 典藏 |
| 20:16 | 约拿单to̍h kah大卫ê家结约，讲：「愿上主tùi大卫chiahê对敌ê手来讨伊。」 | 注释 串珠 卢俊义 原文 典藏 |
| 20:17 | 约拿单因为疼大卫，to̍h kah伊koh chiùchōa，因为伊疼伊亲像疼kakī ê性命。 | 注释 串珠 卢俊义 原文 典藏 |
| 20:18 | 约拿单kā伊讲：「明á载是月ê初一，你ê位放空，beh讲你无tī ・leh。 | 注释 串珠 卢俊义 字典 原文 典藏 |
| 20:19 | 等到第三日，你tio̍h赶紧落去到你前tú tio̍h tāichì所bih ê所在，tī Í-sek ê石磐hia thèng候。 | 注释 串珠 卢俊义 原文 典藏 |
| 20:20 | 我ē射三支箭tī石磐边，ná亲像teh考靶。 | 注释 串珠 卢俊义 字典 原文 典藏 |
| 20:21 | 我ē差一个gín-á，讲：『你去chhōe hiahê箭。』我若kā gín-á讲：『你看，箭tī你chit pêng，tio̍h拾起来。』你to̍h thang tńg来；我kí永远活ê上主来chiùchōa，你ē有平安无害。 | 注释 串珠 卢俊义 字典 原文 典藏 |
| 20:22 | 我若kā gín-á讲：『你看，箭tī你hit-pêng。』你to̍h tio̍h去，因为是上主差你去。 | 注释 串珠 卢俊义 字典 原文 典藏 |
| 20:23 | 讲tio̍h你我今á日所讲ê，有上主tī你kah我ê中间，一直到永远。」 | 注释 串珠 卢俊义 原文 典藏 |
| 20:24 | 大卫to̍h去bih tī田里。到初一，王坐桌teh beh食。 | 注释 串珠 卢俊义 字典 原文 典藏 |
| 20:25 | 王照常坐伊ê位，to̍h是óa tī壁边ê位，约拿单teh khiā，押尼珥坐tī扫罗ê身边，大卫ê位放空。 | 注释 串珠 卢俊义 字典 原文 典藏 |
| 20:26 | 总是，chit日扫罗无讲啥物，伊想讲大卫tú tio̍h tāichì，无清气，伊一定是无清气。 | 注释 串珠 卢俊义 原文 典藏 |
| 20:27 | 隔tńg工，to̍h是hit月ê初二，大卫ê位犹原放空。扫罗问伊ê kiáⁿ约拿单讲：「耶西ê kiáⁿ ná ē昨昏kah今á日lóng无来食？」 | 注释 串珠 卢俊义 字典 原文 典藏 |
| 20:28 | 约拿单应扫罗讲：「大卫迫切求我准伊去伯利恒。 | 注释 串珠 卢俊义 原文 典藏 |
| 20:29 | 伊讲：『求你准我去，因为阮tau tī城内有祭祀，我ê阿兄吩咐我去。Taⁿ我若tī你ê目chiu 前得tio̍h恩典，求你准去见我hiahê阿兄。』所以，伊无来kah王坐桌。」 | 注释 串珠 卢俊义 字典 原文 典藏 |
| 20:30 | 扫罗对约拿单受气，kā伊讲：「你chitê硬心悖逆ê chabó͘人ê kiáⁿ，我kám m̄知你拣耶西ê kiáⁿ kakī 取凌辱，致使你ê老母tú tio̍h thǹgpaktheh ê凌辱？ | 注释 串珠 卢俊义 原文 典藏 |
| 20:31 | 因为耶西ê kiáⁿ活tī地chiūⁿê时，你kah你ê国一定bē坚固。Taⁿ tio̍h差人去掠伊来我chia，伊一定tio̍h死。」 | 注释 串珠 卢俊义 原文 典藏 |
| 20:32 | 约拿单应伊ê老父扫罗，对伊讲：「伊án怎tio̍h死？伊kám有做啥物m̄ tio̍h？」 | 注释 串珠 卢俊义 原文 典藏 |
| 20:33 | 扫罗cho̍k hit支枪，beh凿约拿单，约拿单to̍h知伊ê老父决意behthâi大卫。 | 注释 串珠 卢俊义 字典 原文 典藏 |
| 20:34 | 就ánne，约拿单真受气，to̍h对桌里起来，tī初二chit日无食啥物。伊因为大卫来烦恼，是因为伊ê老父teh kā伊凌辱。 | 注释 串珠 卢俊义 字典 原文 典藏 |
| 20:35 | 隔工早起，约拿单照伊kah大卫约ê时，出去到田里，有一个gín-á kah伊去。 | 注释 串珠 卢俊义 原文 典藏 |
| 20:36 | Kā gín-á讲：「你走去chhōe我所射ê箭。」Gín-á走去，约拿单就射一支箭tī伊ê头前。 | 注释 串珠 卢俊义 字典 原文 典藏 |
| 20:37 | Gín-á来到约拿单ê箭射到ê所在，约拿单tī gín-á ê后面大声hoah：「箭kám m̄是tī你ê头前？」 | 注释 串珠 卢俊义 原文 典藏 |
| 20:38 | 约拿单koh叫gín-á讲：「赶紧o͘h，赶紧去，m̄ thang延chhiân。」约拿单ê gín-a2to̍h去拾hit支箭，倒tńg来伊ê主人hia。 | 注释 串珠 卢俊义 字典 原文 典藏 |
| 20:39 | 总是，gín-á m̄知这是啥物意思，只有约拿单kah大卫知chitê tāichì。 | 注释 串珠 卢俊义 原文 典藏 |
| 20:40 | 约拿单kā器械交带gín-á，吩咐讲：「你the̍h tńg去城内。」 | 注释 串珠 卢俊义 字典 原文 典藏 |
| 20:41 | Gín-á走了后，大卫to̍h tùi南pêng一个所在出来，仆tī土脚，拜三拜，两人相chim，做伙啼哭，大卫koh khah伤心到极。 | 注释 串珠 卢俊义 原文 典藏 |
| 20:42 | 约拿单kā大卫讲：「你taⁿ平安去，咱两人已经kí上主ê名chiùchōa讲：『愿上主tī你kah我ê中间koh tī你ê kiáⁿ孙kah我ê kiáⁿ孙ê中间，一直到永远。』」大卫to̍h起来离开去；约拿单mā tńg去城内。 | 注释 串珠 卢俊义 原文 典藏 |