章节 | 全民台语圣经汉罗经文 | 注释 |
19:1 | 扫罗迫害大卫扫罗对伊ê kiáⁿ约拿单kah众人臣讲,tioh8thâi死大卫;总是,扫罗ê kiáⁿ约拿单不止kah意大卫。 | 注释 串珠 卢俊义 原文 典藏 |
19:2 | 约拿单kā大卫讲:「我ê老父扫罗想behthâi你,所以,明á早起你tio̍h小心,到一个偏僻ê所在,kakī bih起来。 | 注释 串珠 卢俊义 原文 典藏 |
19:3 | 我ē去你所bih ê田,khiā tī我ê老父身边。我kah我ê老父议论你ê tāichì,我所看tio̍h ê我ē kā你讲。」 | 注释 串珠 卢俊义 原文 典藏 |
19:4 | 约拿单对伊ê老父扫罗论大卫,替伊讲好话,讲:「王m̄ thang得罪你ê奴仆—大卫,因为伊m̄ bat得罪你,伊对你所行ê lóng是好。 | 注释 串珠 卢俊义 原文 典藏 |
19:5 | 因为伊bat拚命thâi死hitê腓利士人,上主为以色列人民大行拯救。Hit时,你看tio̍h,不止欢喜,taⁿ ná ē无缘无故behthâi死大卫,流无罪ê人ê血来犯罪?」 | 注释 串珠 卢俊义 原文 典藏 |
19:6 | 扫罗听约拿单ê话,扫罗kí上主ê活命来chiùchōa讲:「我无beh hō͘伊死。」 | 注释 串珠 卢俊义 原文 典藏 |
19:7 | 约拿单叫大卫来,约拿单kā所有ê话对伊讲。约拿单chhōa大卫去见扫罗,伊犹原khiā tī扫罗ê面前。 | 注释 串珠 卢俊义 原文 典藏 |
19:8 | 以后koh有交战,大卫出去kah腓利士人交战,大大kā inthâi死,in to̍hti7伊ê面前逃走。 | 注释 串珠 卢俊义 原文 典藏 |
19:9 | 扫罗坐tī厝内,手gia̍h枪。Hit时,tùi上主hia来ê pháiⁿ神koh临到伊,大卫to̍h用手弹琴。 | 注释 串珠 卢俊义 字典 原文 典藏 |
19:10 | 扫罗beh用枪凿大卫,kā伊钉tī壁里;伊to̍htui3扫罗ê面前闪开,hit支枪凿入去壁里。Hit暝,大卫to̍h走,来闪避伊。 | 注释 串珠 卢俊义 字典 原文 典藏 |
19:11 | 扫罗差人到大卫ê厝顾守伊,thèng候天光beh kā伊thâi。大卫ê bó͘米甲对伊讲:「你今暝若无逃命,明á载你ē受thâi。」 | 注释 串珠 卢俊义 原文 典藏 |
19:12 | 米甲to̍h tùi窗á kā大卫坠落去,伊to̍h走去,来闪避扫罗。 | 注释 串珠 卢俊义 原文 典藏 |
19:13 | 米甲用厝内ê偶像hē tī眠床,头壳挂tī山羊毛ê枕头,用被盖teh。 | 注释 串珠 卢俊义 字典 原文 典藏 |
19:14 | 扫罗差人去掠大卫,米甲讲:「伊破病。」 | 注释 串珠 卢俊义 原文 典藏 |
19:15 | 扫罗koh差人去看大卫,讲:「连眠床扛来我chia,我thang kā伊thâi死。」 | 注释 串珠 卢俊义 字典 原文 典藏 |
19:16 | 使者入去,看tio̍h床里有偶像,头壳挂tī山羊毛ê枕头。 | 注释 串珠 卢俊义 字典 原文 典藏 |
19:17 | 扫罗对米甲讲:「你ná ē ánne骗我,放我ê对敌逃走?」米甲应讲:「伊kā我讲:『你放我去,若无,kám tio̍h我来thâi死你?』」 | 注释 串珠 卢俊义 原文 典藏 |
19:18 | 大卫走去,逃闪去到拉玛,见撒母耳,kā扫罗对伊所行ê tāichì,lóng kā伊讲。伊kah撒母耳to̍h去拿约tòa。 | 注释 串珠 卢俊义 原文 典藏 |
19:19 | 有人kā扫罗讲,你看,大卫tī拉玛ê拿约。 | 注释 串珠 卢俊义 原文 典藏 |
19:20 | 扫罗差使者去掠大卫,in看tio̍h一阵先知teh讲先知话,koh有撒母耳khiā tī in中间监督in;上帝ê圣神临到扫罗ê使者,in mā讲先知话。 | 注释 串珠 卢俊义 原文 典藏 |
19:21 | 有人kā chitê tāichì对扫罗讲,伊to̍h差别个使者去,in mā讲先知话。扫罗第三pái差使者去,in mā讲先知话。 | 注释 串珠 卢俊义 原文 典藏 |
19:22 | 后来,伊本身mā去拉玛,到Se-ko͘ ê大井hia,问人讲:「撒母耳kah大卫tī tó位?」有人kā伊讲:「你看,tī拉玛ê拿约。」 | 注释 串珠 卢俊义 字典 原文 典藏 |
19:23 | 伊to̍h去拉玛ê拿约,上帝ê圣神mā koh临到伊,伊ná行ná讲先知话,一直到拉玛ê拿约。 | 注释 串珠 卢俊义 原文 典藏 |
19:24 | 伊to̍hthng3衫,tī撒母耳ê面前讲先知话,kui日kui暝thǹgpaktheh倒teh。就ánne人teh讲:「扫罗kám mā列tī先知中?」 | 注释 串珠 卢俊义 字典 原文 典藏 |