| 章节 | 全民台语圣经汉罗经文 | 注释 |
| 15:1 | Kah亚玛力人交战撒母耳kā扫罗讲：「上主差我kā你抹油，设立你做王，治理他ê子民—以色列人；所以，你tio̍h听上主所讲ê话。 | 注释 串珠 卢俊义 原文 典藏 |
| 15:2 | 万军ê上主ánne讲：『以色列人出埃及ê时，亚玛力人án怎款待in，án怎截in ê路，我lóng ē记得。 | 注释 串珠 卢俊义 字典 原文 典藏 |
| 15:3 | Taⁿ你tio̍h去phah亚玛力，全部kā in灭亡，m̄ thang保惜in，kā男、女、gín-á kah食奶ê，以及牛、羊、骆驼kah驴á，全部kā inthâi死。』」 | 注释 串珠 卢俊义 字典 原文 典藏 |
| 15:4 | 扫罗to̍h招集人民tī Thi-la̍k-in，kā in点算，总共步兵二十万，偤大人一万。 | 注释 串珠 卢俊义 原文 典藏 |
| 15:5 | 扫罗到亚玛力ê城，埋伏tī山谷中。 | 注释 串珠 卢俊义 原文 典藏 |
| 15:6 | 扫罗kā基尼人讲：「Lín落去离开亚玛力人，免得我kā lín kah in做一下剿灭，因为以色列人出埃及ê时，lín bat好款待in。」就ánne，基尼人离开亚玛力人去。 | 注释 串珠 卢俊义 原文 典藏 |
| 15:7 | 扫罗phah亚玛力人，追哈腓拉到埃及头前ê书珥。 | 注释 串珠 卢俊义 原文 典藏 |
| 15:8 | 伊kā亚玛力王亚甲活活掠起来，用刀kā伊ê人民全部thâi死。 | 注释 串珠 卢俊义 字典 原文 典藏 |
| 15:9 | 总是，扫罗kah人民保惜亚甲，mā保惜siōng好ê羊、牛、牛á、羊á kah一切好ê物，m̄肯全部kā它灭掉。见若下贱m̄-chiâⁿ物ê，lóng全部thâi死。 | 注释 串珠 卢俊义 字典 原文 典藏 |
| 15:10 | 上主后悔hō͘扫罗做王Hit时，上主ê话临到撒母耳讲： | 注释 串珠 卢俊义 原文 典藏 |
| 15:11 | 「我为tio̍h设立扫罗做王来后悔，因为伊oa̍t tńg去无tòe我，无遵守我ê命令。」撒母耳真戚心，kui暝求上主。 | 注释 串珠 卢俊义 原文 典藏 |
| 15:12 | 撒母耳隔工早起，透早beh去迎接扫罗。有人kā撒母耳讲：「扫罗去到迦密，tī hia为kakī khiā石碑，koh oa̍t-tńg过去，落到吉甲。」 | 注释 串珠 卢俊义 原文 典藏 |
| 15:13 | 撒母耳到扫罗hia，扫罗kā伊讲：「愿上主kā你赐福，我已经遵守上主ê命令à。」 | 注释 串珠 卢俊义 原文 典藏 |
| 15:14 | 撒母耳讲：「Án-ne，to̍h有chitê羊meh-meh哮入我ê耳孔，kah我所听tio̍h牛teh ma-ma叫，是啥物原因？」 | 注释 串珠 卢俊义 字典 原文 典藏 |
| 15:15 | 扫罗讲：「In tùi亚玛力人hia带来ê，因为人民保惜siōng好ê羊kah牛，beh献hō͘上主—你ê上帝，其他ê阮lóng剿灭。」 | 注释 串珠 卢俊义 字典 原文 典藏 |
| 15:16 | 撒母耳kā扫罗讲：「你恬恬，我beh kā上主昨暝所kā我讲ê来kā你讲。」扫罗应伊讲：「请讲。」 | 注释 串珠 卢俊义 原文 典藏 |
| 15:17 | 撒母耳讲：「早前你虽然kakī 看做微细，kám m̄是受设立做以色列支族ê头？上主用油kā你抹，hō͘你做王来治理以色列。 | 注释 串珠 卢俊义 原文 典藏 |
| 15:18 | 而且上主差你出发去，吩咐你讲：亚玛力人是有罪ê人，你tio̍h去全部kā in剿灭掉，koh kah in交战，到in lóng灭亡。 | 注释 串珠 卢俊义 字典 原文 典藏 |
| 15:19 | 你án怎无遵thàn上主ê话，赶紧去抢物，行上主所看做pháiⁿ ê tāichì？」 | 注释 串珠 卢俊义 原文 典藏 |
| 15:20 | 扫罗kā撒母耳讲：「我实在有遵thàn上主ê命令，行上主所差我行ê路，掠亚玛力王亚甲来，全部剿灭亚玛力人。 | 注释 串珠 卢俊义 字典 原文 典藏 |
| 15:21 | 总是，人民tùi所抢ê物ê中间，取羊、牛，应该献ê物ê siōng好ê，beh tī吉甲祭献上主—你ê上帝。」 | 注释 串珠 卢俊义 字典 原文 典藏 |
| 15:22 | 撒母耳讲：「上主欢喜烧祭ê祭祀，kám亲像欢喜人遵thàn上主ê话？你看，遵thàn赢过献祭，遵thàn是赢过羊káng ê油。 | 注释 串珠 卢俊义 字典 原文 典藏 |
| 15:23 | 因为背叛是亲像行邪术ê罪，硬心是亲像服事虚假，亲像拜偶像。为tio̍h你弃sak上主ê话，他mā ē弃sak你，无koh hō͘你做王。」 | 注释 串珠 卢俊义 字典 原文 典藏 |
| 15:24 | 扫罗对撒母耳讲：「我有罪，因为我有犯tio̍h上主ê命令kah你ê话，是tùi我惊人民，听in ê话。 | 注释 串珠 卢俊义 原文 典藏 |
| 15:25 | Taⁿ求你赦免我ê罪，kah我tńg去，hō͘我thang敬拜上主。」 | 注释 串珠 卢俊义 原文 典藏 |
| 15:26 | 撒母耳kā扫罗讲：「我m̄ kah你tńg去，因为你弃sak上主ê命令，上主mā弃sak你，无koh hō͘你做以色列ê王。」 | 注释 串珠 卢俊义 原文 典藏 |
| 15:27 | 撒母耳oa̍t-tńg身beh离开，扫罗khiú伊ê衫á裾，衫to̍h裂断。 | 注释 串珠 卢俊义 字典 原文 典藏 |
| 15:28 | 撒母耳kā伊讲：「今á日上主hō͘以色列国kah你绝断，mā是ánne，beh kā国赏赐hō͘你ê厝边ê一个比你khah好ê。 | 注释 串珠 卢俊义 原文 典藏 |
| 15:29 | 以色列ê大能者无讲白贼，mā无后悔，因为他m̄是世间人，ē有后悔。」 | 注释 串珠 卢俊义 原文 典藏 |
| 15:30 | 扫罗讲：「我有罪，虽然ánne，求你尊重我tī我ê人民ê长老kah以色列人ê面前，kah我tńg去，hō͘我敬拜上主—你ê上帝。」 | 注释 串珠 卢俊义 原文 典藏 |
| 15:31 | 撒母耳to̍h oa̍t-tńg身tòe扫罗去，扫罗就敬拜上主。 | 注释 串珠 卢俊义 原文 典藏 |
| 15:32 | 撒母耳讲：「Lín tio̍h带亚玛力王亚甲来我chia。」亚甲就安心来到伊ê面前，亚甲讲：「死亡ê艰苦一定过去à。」 | 注释 串珠 卢俊义 原文 典藏 |
| 15:33 | 撒母耳讲：「你ê刀bat hō͘ chabó͘人无kiáⁿ，ánne你ê老母tī chabó͘人中间mā ē无kiáⁿ。」就ánne，撒母耳tī吉甲，上主ê面前，kā亚甲破做kui块。 | 注释 串珠 卢俊义 字典 原文 典藏 |
| 15:34 | 撒母耳去拉玛，扫罗上去伊ê厝，到扫罗ê基比亚。 | 注释 串珠 卢俊义 原文 典藏 |
| 15:35 | 撒母耳到伊死ê日，无koh来见扫罗，因为撒母耳为tio̍h扫罗忧闷。上主因为设立扫罗做以色列王，mā有后悔。 | 注释 串珠 卢俊义 原文 典藏 |