章节 | 全民台语圣经汉罗经文 | 注释 |
14:1 | 约拿单勇敢ê行为有一日,扫罗ê kiáⁿ约拿单kā gia̍h伊ê军器ê少年人讲:「来,咱来去hit-pêng,到腓利士人军营hia。」总是,伊无kā in老父讲。 | 注释 串珠 卢俊义 字典 原文 典藏 |
14:2 | 扫罗tī基比亚ê极头,坐tī Mik-lông ê石榴树脚,tòe伊ê差不多有六百人。 | 注释 串珠 卢俊义 字典 原文 典藏 |
14:3 | Koh有亚希突ê kiáⁿ 亚希亚,带祭司服,是Í-ka-phok ê阿兄,非尼哈ê kiáⁿ,以利ê孙,to̍h是tī示罗做上主ê祭司ê。人民m̄知约拿单有去。 | 注释 串珠 卢俊义 字典 原文 典藏 |
14:4 | 约拿单beh去腓利士ê军营,所beh过hiahê关口ê中间,chit pêng有牙形ê崎壁,hit-pêng mā有牙形ê崎壁,一个名叫Pò-siat,一个名叫Se-nî。 | 注释 串珠 卢俊义 原文 典藏 |
14:5 | 一个牙tī北pêng,kah密抹相对,一个tī南pêng,kah迦巴相对。 | 注释 串珠 卢俊义 原文 典藏 |
14:6 | 约拿单kā gia̍h伊ê军器ê少年人讲:「来,咱来去无受割礼ê人ê军营hia,kiámchhái上主ē替咱做tāichì;因为上主ê救人,无限定人ê chē少。」 | 注释 串珠 卢俊义 原文 典藏 |
14:7 | Gia̍h伊ê军器ê kā伊讲:「照你ê心所爱ê lóng照ánne行。Thang进前去,我kah你同心,我beh tòe你去。」 | 注释 串珠 卢俊义 字典 原文 典藏 |
14:8 | 约拿单讲:「咱beh经过hiahê人hia,hō͘ in看tio̍h咱。 | 注释 串珠 卢俊义 原文 典藏 |
14:9 | In若ánne kā咱讲:『Lín khiā ・leh,thèng候阮到lín hia。』咱就tiāⁿ-tiāⁿ khiā ・leh,无上去in hia。 | 注释 串珠 卢俊义 原文 典藏 |
14:10 | In若讲:『Lín起来阮chia。』咱to̍h chiūⁿ去,因为上主kā in交tī咱ê手中,chitê话thang做咱ê证据。」 | 注释 串珠 卢俊义 原文 典藏 |
14:11 | 两人to̍h hō͘腓利士防守ê兵看tio̍h,腓利士人讲:「希伯来人tùi所bih ê洞出来!」 | 注释 串珠 卢俊义 原文 典藏 |
14:12 | 防守ê兵kā约拿单kah gia̍h伊ê军器ê人讲:「Lín起来阮chia,阮有一项tāichì beh报lín知。」约拿单to̍h kā gia̍h伊ê ke-si ・ê讲:「你tòe我上去,因为上主kā in交tī以色列人ê手中。」 | 注释 串珠 卢俊义 原文 典藏 |
14:13 | 约拿单就手khîⁿ脚lèng peh起lí,gia̍h伊ê军器ê人tòe伊去。腓利士人倒tī约拿单ê面前,gia̍h伊ê军器ê人mā tòe伊ê后面来kā inthâi。 | 注释 串珠 卢俊义 原文 典藏 |
14:14 | 约拿单kah gia̍h伊ê军器ê人起头所thâi ê,差不多二十人,lóng是tī半亩园ê犁沟。 | 注释 串珠 卢俊义 字典 原文 典藏 |
14:15 | 就ánne,tī营房,tī田野,tī众人ê中间lóng phi̍h-phi̍h chhoah,防守ê兵kah抢劫ê兵mā lóng phi̍h-phi̍h chhoah;地mā摇动,致使phi̍h-phi̍h chhoah到极。 | 注释 串珠 卢俊义 原文 典藏 |
14:16 | 腓利士人败退Tī便雅悯ê基比亚,扫罗守望ê兵teh看,看tio̍h腓利士ê众军兵四散,四界乱乱走。 | 注释 串珠 卢俊义 原文 典藏 |
14:17 | 扫罗to̍h kā tòe伊ê人民讲:「Lín点算,看啥人tùi咱chia出去。」In点算了,to̍h知约拿单kah gia̍h伊ê军器ê人无tī ・leh。 | 注释 串珠 卢俊义 字典 原文 典藏 |
14:18 | 扫罗kā 亚希亚讲:「你tio̍h kā上主ê约柜带来。」因为hit时上主ê约柜tī以色列人ê所在。 | 注释 串珠 卢俊义 字典 原文 典藏 |
14:19 | 扫罗kah祭司讲话ê时,腓利士营中喊hoah ê声ná来ná大。扫罗to̍h kā祭司讲:「免动你ê手!」 | 注释 串珠 卢俊义 原文 典藏 |
14:20 | 扫罗kah tòe伊ê人民lóng聚集,来到战场,看tio̍h腓利士人ta̍k个用刀互相残杀,非常大乱。 | 注释 串珠 卢俊义 字典 原文 典藏 |
14:21 | 以前óa腓利士人ê希伯来人,tùi四方tòe到伊ê营ê,taⁿ mā颠倒tńg来帮赞tòe扫罗kah约拿单ê以色列人。 | 注释 串珠 卢俊义 原文 典藏 |
14:22 | Hiahê bih tī以法连山地ê以色列人,听tio̍h腓利士人逃走,in to̍h出来,jiok óa来in ê后面,来交战。 | 注释 串珠 卢俊义 原文 典藏 |
14:23 | Hit日,上主拯救以色列,一直战到伯亚文。 | 注释 串珠 卢俊义 原文 典藏 |
14:24 | 战后ê事件Hit日,以色列人真困苦,因为扫罗ǹg人民chiùchōa讲:「无等到日暗,thèng候我报我ê对敌ê冤仇ê chìn前,食物ê人tio̍h受咒诅。」所以,人民lóng无食啥物。 | 注释 串珠 卢俊义 字典 原文 典藏 |
14:25 | 众人入去树林,看tio̍h有蜜tī地chiūⁿ。 | 注释 串珠 卢俊义 原文 典藏 |
14:26 | 人民入去树林,看tio̍h有蜜teh滴,总是,无人敢用手the̍h来入嘴,因为人民惊hiahê chiùchōa ê话。 | 注释 串珠 卢俊义 原文 典藏 |
14:27 | 约拿单无听tio̍h in老父ǹg人民chiùchōa,所以,伸伊手里ê拐á尾tuh tī蜜房,伊ê手oat到嘴里,目chiu 就金。 | 注释 串珠 卢俊义 字典 原文 典藏 |
14:28 | 人民中间有一个人kā伊讲:「你ê老父ǹg人民严严chiùchōa讲:『今á日食啥物ê,tio̍h受咒诅。』」人民to̍h真厌倦。 | 注释 串珠 卢俊义 字典 原文 典藏 |
14:29 | 约拿单讲:「我ê老父害tio̍h chitê所在,lín看,我试探chit一点á蜜,目chiu 就金。 | 注释 串珠 卢俊义 原文 典藏 |
14:30 | 何况人民今á日若chhut-chāi意思食in所抢对敌ê物,phah死腓利士人kám无koh khah chē?」 | 注释 串珠 卢俊义 原文 典藏 |
14:31 | Hit日,in phah腓利士人,tùi密抹到亚雅仑,人民真厌倦。 | 注释 串珠 卢俊义 原文 典藏 |
14:32 | 人民就赶紧走去the̍h所抢ê羊、牛、牛á-kiáⁿ,thâi tī地里,肉iáu有血,就the̍h来食。 | 注释 串珠 卢俊义 字典 原文 典藏 |
14:33 | 有人kā扫罗讲:「人民得罪上主à,因为in食iáu有血ê肉。」扫罗讲:「Lín做m̄ tio̍h à,taⁿ tio̍h kō大块石头来我chia。」 | 注释 串珠 卢俊义 原文 典藏 |
14:34 | 扫罗koh讲:「Lín tio̍h tī人民ê中间四界行,kā in讲:『Ta̍k人牵in ê牛,ta̍k人牵in ê羊,来我chia,tī chiathâi来食,m̄ thang食iáu有血ê肉,来得罪上主。』」Hit暝,人民ta̍k人牵in ê牛去hiathâi。 | 注释 串珠 卢俊义 字典 原文 典藏 |
14:35 | 扫罗kā上主起一座坛,这是伊头一pái kā上主起ê坛。 | 注释 串珠 卢俊义 字典 原文 典藏 |
14:36 | 扫罗讲:「咱taⁿ tio̍h透暝落去jiok腓利士人,kā in抢,到天光,无留in一个人。」人民应讲:「你所看做好ê,就照ánne行。」祭司讲:「咱tio̍h来chia,亲近上主。」 | 注释 串珠 卢俊义 原文 典藏 |
14:37 | 扫罗问上主讲:「我tio̍h落去jiok腓利士人á m̄免?祢kámē kā in交hō͘以色列ê手?」Hit日,上主无kā伊应。 | 注释 串珠 卢俊义 原文 典藏 |
14:38 | 扫罗讲:「Lín人民中间ê序大lóng tio̍h起来chia,查明今á日chitê罪是在tī啥物? | 注释 串珠 卢俊义 原文 典藏 |
14:39 | 我kí救以色列ê永远活ê上主来讲,虽然我ê kiáⁿ约拿单mā tio̍h死。」总是,人民中间无kah一个人kā伊应。 | 注释 串珠 卢俊义 原文 典藏 |
14:40 | 伊to̍hka7以色列ê群众讲:「Lín khiā chit pêng,我kah我ê kiáⁿ约拿单khiā hit-pêng。」人民对扫罗讲:「你看做好ê,就照ánne行。」 | 注释 串珠 卢俊义 原文 典藏 |
14:41 | 扫罗kā上主—以色列ê上帝讲:「求祢指示实情。」就ánne拈tio̍h约拿单kah扫罗,人民lóng无tāichì。 | 注释 串珠 卢俊义 字典 原文 典藏 |
14:42 | 扫罗讲:「Tio̍h tī我kah我ê kiáⁿ约拿单ê中间来拈阄。」就拈tio̍h约拿单。 | 注释 串珠 卢俊义 原文 典藏 |
14:43 | 扫罗kā约拿单讲:「你kā我讲你做啥物事。」约拿单讲:「我实在用手里ê拐á尾ùn一点á蜜来试看māi leh,ánne我kám tio̍h死ā?」 | 注释 串珠 卢俊义 字典 原文 典藏 |
14:44 | 扫罗讲:「约拿单,你一定tio̍h死!愿上主ánne行,mā比ánne iáu khah重。」 | 注释 串珠 卢俊义 原文 典藏 |
14:45 | 人民kā扫罗讲:「约拿单已经行chitê大ê拯救tī以色列ê,伊kám tio̍h死?绝对m̄ thang。阮kí永远活ê上主来讲,伊一支头毛mā一定无ka-la̍uh tī地里,因为伊今á日kah上主做伙做tāichì。」就ánne,人民救约拿单免死。 | 注释 串珠 卢俊义 原文 典藏 |
14:46 | 扫罗to̍h chiūⁿ去,无koh jiok腓利士人。腓利士人mā tńg去in ê本所在。 | 注释 串珠 卢俊义 原文 典藏 |
14:47 | 扫罗ê王位kah家族扫罗掌管国ê权柄,治理以色列,去kah四箍围所有ê对敌交战,to̍h是攻击摩押人、亚扪人、以东kah琐巴chiahê王,以及腓利士人。伊无论去到tó位,lóng khah赢。 | 注释 串珠 卢俊义 原文 典藏 |
14:48 | 扫罗奋勇攻击亚玛力人,救以色列脱离抢in ê人ê手。 | 注释 串珠 卢俊义 原文 典藏 |
14:49 | 扫罗ê kiáⁿ是约拿单、亦施韦、麦基舒亚。伊两 个chabó͘ kiáⁿ ê名,大ê名叫做Bí-la̍h,细ê名叫做米甲。 | 注释 串珠 卢俊义 原文 典藏 |
14:50 | 扫罗ê bó͘,名叫做亚希暖,是亚希玛斯ê chabó͘ kiáⁿ。伊ê军长,名叫做押尼珥,是尼珥ê kiáⁿ,尼珥是扫罗ê阿叔。 | 注释 串珠 卢俊义 原文 典藏 |
14:51 | 扫罗ê老父基士,押尼珥ê老父尼珥,to̍h是A-mí-el ê kiáⁿ。 | 注释 串珠 卢俊义 原文 典藏 |
14:52 | 扫罗一生tiāⁿ-tiāⁿ kah腓利士人大交战,扫罗见若看tio̍h有能力ê人á是勇士,to̍h招集来óa伊。 | 注释 串珠 卢俊义 原文 典藏 |