章节 | 全民台语圣经汉罗经文 | 注释 |
13:1 | 抵抗腓利士人扫罗tú-á坐位ê时XX岁,做以色列王X2年ê时,(注:XX kah X2:学者认为chit两 个数字tī希伯来文抄本中受损或遗失,无法度复原;因为原文照字面读分别只有「一岁」kah「两年」。), | 注释 串珠 卢俊义 原文 典藏 |
13:2 | 伊to̍h为kakī tùi以色列中拣三千人,二千人跟tòe扫罗tī密抹kah伯特利山,一千跟tòe约拿单tī便雅悯ê基比亚;其他ê人,伊差in tńg去ta̍k人ê布棚。 | 注释 串珠 卢俊义 原文 典藏 |
13:3 | 约拿单phah迦巴腓利士人ê军营,腓利士人听tio̍h。扫罗就pûn哨角tī全地,意思是叫希伯来人lóng tio̍h听。 | 注释 串珠 卢俊义 字典 原文 典藏 |
13:4 | 以色列人民听tio̍h扫罗phah腓利士人ê军营,koh听tio̍h以色列人hō͘腓利士人讨厌,人民to̍h来跟tòe扫罗,聚集tī吉甲。 | 注释 串珠 卢俊义 原文 典藏 |
13:5 | 腓利士人聚集beh kah以色列人交战,有车三万台,马兵六千,步兵亲像海边ê沙hiah chē,to̍h起来tī伯亚文东pêng ê密抹扎营。 | 注释 串珠 卢俊义 字典 原文 典藏 |
13:6 | 以色列人看tio̍h kakī 危急,因为人民受窘迫,kakī 就bih tī山洞、树林、石穴,险要ê所在kah深坑。 | 注释 串珠 卢俊义 字典 原文 典藏 |
13:7 | Mā有希伯来人过约旦河来到迦特kah基列地。扫罗iáu koh tī吉甲,人民lóng phi̍h-phi̍h chhoah来跟tòe伊。 | 注释 串珠 卢俊义 原文 典藏 |
13:8 | 扫罗照撒母耳所定tio̍h ê日期,thèng候七日。撒母耳iáu未来吉甲,人民to̍h离开伊四散去。 | 注释 串珠 卢俊义 原文 典藏 |
13:9 | 扫罗讲:「Kā烧祭kah谢恩祭带来我chia。」伊to̍h献烧祭。 | 注释 串珠 卢俊义 原文 典藏 |
13:10 | 伊献烧祭tú-á了后,你看,撒母耳到à,扫罗出去kā伊迎接,beh kā伊请安。 | 注释 串珠 卢俊义 原文 典藏 |
13:11 | 撒母耳讲:「你做啥物tāichì?」扫罗讲:「因为我看tio̍h人民四散离开我,你mā无照所定tio̍h ê日期到,而且腓利士人已经聚集tī密抹。 | 注释 串珠 卢俊义 原文 典藏 |
13:12 | 所以,我讲:腓利士人ē到吉甲来攻击我,我koh iáu未求上主施恩,我to̍h勉强献烧祭。」 | 注释 串珠 卢俊义 原文 典藏 |
13:13 | 撒母耳对扫罗讲:「你做戆事à,因为你无遵守上主—你ê上帝所命令你ê诫命。若是有守,上主to̍h ētī以色列中坚固你ê王位到永远。 | 注释 串珠 卢俊义 原文 典藏 |
13:14 | Taⁿ你ê王位无久长,上主已经chhōe tio̍h合他ê心意ê一个人,而且上主mā定tio̍h伊来做他ê子民ê头,因为你无遵守上主所命令你ê。」 | 注释 串珠 卢俊义 原文 典藏 |
13:15 | 撒母耳to̍h起来,tùi吉甲上去便雅悯ê基比亚。扫罗点算tòe伊ê人,差不多有六百人。 | 注释 串珠 卢俊义 原文 典藏 |
13:16 | 扫罗kah伊ê kiáⁿ约拿单,以及tòe in ê人,lóng tòa tī便雅悯ê 迦巴;总是,腓利士人扎营tī密抹。 | 注释 串珠 卢俊义 原文 典藏 |
13:17 | 有抢劫ê tùi腓利士ê军营中出来,分做三队:一队oat tùi俄弗拉ê路,到书亚ê地去, | 注释 串珠 卢俊义 字典 原文 典藏 |
13:18 | koh一队oat tùi Pek-hô-lûn ê路去;koh一队oat tùi Che-pho-im ê山谷对面地界ê路,ǹg旷野去。 | 注释 串珠 卢俊义 字典 原文 典藏 |
13:19 | Hit时,以色列全地无一个phah铁师傅,因为腓利士人讲,恐惊希伯来人制造剑kah枪。 | 注释 串珠 卢俊义 字典 原文 典藏 |
13:20 | 以色列人ē kā伊ê犁、耙、斧头kah锄头磨利,ta̍k人tio̍h落去腓利士人hia。 | 注释 串珠 卢俊义 字典 原文 典藏 |
13:21 | 若beh鑢(lè)锄头、犁、三齿ê叉、斧头kah赶牛ê铁刺,tio̍h一pim ê工钱。 | 注释 串珠 卢俊义 字典 原文 典藏 |
13:22 | 所以,到交战ê日,tòe扫罗kah约拿单ê人无kah一个人手里有剑有枪ê,kantaⁿ扫罗kah伊ê kiáⁿ约拿单有。 | 注释 串珠 卢俊义 字典 原文 典藏 |
13:23 | 腓利士防守ê兵出去到密抹ê关口。 | 注释 串珠 卢俊义 原文 典藏 |