章节 | 全民台语圣经汉罗经文 | 注释 |
12:1 | 撒母耳离开前ê苦劝撒母耳kā以色列人民讲:「见若lín对我所讲ê话,我lóng有听tio̍h,设立一个王来管lín。 | 注释 串珠 卢俊义 原文 典藏 |
12:2 | 你看,taⁿ有一个王行tī lín ê面前。我已经老ā,头毛mā白,我ê kiáⁿ lóng tī lín chia。我tùi少年到taⁿ,lóng行tī lín ê面前。 | 注释 串珠 卢俊义 原文 典藏 |
12:3 | 我tī chia,lín tio̍h tī上主ê面前kah他所抹油ê ê面前,kā我做见证。我有牵啥人ê牛?牵啥人ê驴á?欺负啥人?压制啥人?对啥人ê手接受人ê乌纱,致使遮我ê目chiu ?若有,我ē还lín。」 | 注释 串珠 卢俊义 字典 原文 典藏 |
12:4 | 民众讲:「你m̄ bat欺负阮,m̄ bat压制阮,mā m̄ bat tùi人ê手the̍h啥物物。」 | 注释 串珠 卢俊义 原文 典藏 |
12:5 | 撒母耳kā in讲:「Lín tī我ê手无chhōe tio̍h啥物物,今á日上主对lín做见证,他所抹油ê,mā做见证。」 In讲:「愿他做见证。」 | 注释 串珠 卢俊义 原文 典藏 |
12:6 | 撒母耳kā人民讲:「早前设立摩西kah亚伦ê,chhōa lín ê祖先出埃及ê是上主。 | 注释 串珠 卢俊义 原文 典藏 |
12:7 | Taⁿ lín tio̍h khiā ・leh,我beh tī上主ê面前kah lín辩论上主对lín kah lín ê祖先所行一切公义ê tāichì。 | 注释 串珠 卢俊义 原文 典藏 |
12:8 | 早前雅各来到埃及,lín ê祖先mā有求叫上主,hit时,上主to̍h差摩西kah亚伦chhōa lín ê祖先出埃及,hō͘ in tòa tī chitê所在。 | 注释 串珠 卢俊义 原文 典藏 |
12:9 | 总是,in bē记得上主—in ê上帝,他to̍h kā in卖hō͘ 夏琐ê军长西西拉ê手,kah腓利士人ê手,kah摩押王ê手,一直到hiahê人来kā in攻击。 | 注释 串珠 卢俊义 原文 典藏 |
12:10 | In求叫上主讲:『阮有罪à,因为阮有离开上主,去服事巴力kah亚斯她录。Taⁿ求祢救阮脱离阮对敌ê手,阮beh服事祢。』 | 注释 串珠 卢俊义 原文 典藏 |
12:11 | 上主to̍h差耶路巴力、Be-tàn、耶弗他kah撒母耳,来救lín脱离四箍围对敌ê手,lín chiah平安tòa落去。 | 注释 串珠 卢俊义 原文 典藏 |
12:12 | Lín看tio̍h亚扪人ê王拿辖来kā lín攻击,to̍h对我讲:『M̄-lah,阮定tio̍h beh一个王来管理阮。』其实上主—lín ê上帝to̍h是lín ê王。 | 注释 串珠 卢俊义 原文 典藏 |
12:13 | Taⁿ看lín所拣所求ê王tī chia,你看,上主已经设立王来管lín。 | 注释 串珠 卢俊义 原文 典藏 |
12:14 | Lín若敬畏上主,服事他,听他ê话,无违背上主ê命令,lín kah kā lín管辖ê王mā顺服上主—lín ê上帝to̍h好。 | 注释 串珠 卢俊义 原文 典藏 |
12:15 | 设使lín m̄遵thàn上主ê话,违背上主ê命令,上主ê手就ē kā lín攻击,亲像早前攻击lín ê祖先ánne。 | 注释 串珠 卢俊义 原文 典藏 |
12:16 | Taⁿ lín tio̍h khiā ・leh,来看上主tī lín ê目chiu 前所beh行ê大事。 | 注释 串珠 卢俊义 原文 典藏 |
12:17 | 今á日kám m̄是割小麦ê时?我求上主,他ē起雷落雨,hō͘ lín mā知mā看出,lín为kakī 求设立王ê tāichì,tī上主ê面前所犯ê罪是真大。」 | 注释 串珠 卢俊义 字典 原文 典藏 |
12:18 | 就ánne,撒母耳求叫上主,上主to̍h tī chit日起雷落雨,众人to̍h真惊上主kah撒母耳。 | 注释 串珠 卢俊义 原文 典藏 |
12:19 | 人民kā撒母耳讲:「求你替你chiahê奴仆求上主—你ê上帝,免得阮死亡,因为阮为kakī 求一个王,真正是tī罪ê顶面加添罪。」 | 注释 串珠 卢俊义 原文 典藏 |
12:20 | 撒母耳kā人民讲:「M̄免惊,lín虽然行chitê pháiⁿ,总是,m̄ thang偏离无tòe上主,独独tio̍h尽心服事上主。 | 注释 串珠 卢俊义 原文 典藏 |
12:21 | M̄-thang偏离,因为偏离to̍h是遵thàn虚假ê物,无利益,mā无拯救ê,因为in是虚假。 | 注释 串珠 卢俊义 原文 典藏 |
12:22 | 上主为tio̍h kakī ê大名,一定无弃sak他ê子民,因为上主欢喜kā lín当做他ê子民。 | 注释 串珠 卢俊义 原文 典藏 |
12:23 | 讲到我替lín祈祷,绝对无停soah,致使得罪上主,我ē用好koh正直ê路kā lín指示。 | 注释 串珠 卢俊义 字典 原文 典藏 |
12:24 | 独独lín tio̍h敬畏上主,诚心实意服事他,因为lín tio̍h ē记得他为lín所做ê tāichì有gōa大。 | 注释 串珠 卢俊义 原文 典藏 |
12:25 | Lín若犹原做pháiⁿ,lín kah lín ê王会做一下灭亡。」 | 注释 串珠 卢俊义 原文 典藏 |