章节 | 全民台语圣经汉罗经文 | 注释 |
7:1 | 基列耶琳人来,带上主ê约柜上去,到tī山顶亚比拿达ê厝,kā伊ê kiáⁿ以利亚撒分别做圣,来顾守上主ê约柜。 | 注释 串珠 卢俊义 字典 原文 典藏 |
7:2 | 约柜tī基列耶琳ê日子真久,经过二十年,以色列全家追念上主。 | 注释 串珠 卢俊义 字典 原文 典藏 |
7:3 | 撒母耳统治以色列撒母耳kā以色列全家讲:「Lín若一心归顺上主,to̍h tio̍h tùi lín中间除去外邦ê神明kah亚斯她录,坚心归向上主,kantaⁿ服事他,他ē救lín脱离腓利士人ê手。」 | 注释 串珠 卢俊义 原文 典藏 |
7:4 | 以色列人to̍h除去chiahê巴力kah亚斯她录,kantaⁿ服事上主。 | 注释 串珠 卢俊义 原文 典藏 |
7:5 | 撒母耳讲:「Τio̍h tī米斯巴聚集以色列人民,我ē替lín对上主祈祷。」 | 注释 串珠 卢俊义 原文 典藏 |
7:6 | Into̍h聚集tī米斯巴,chhiūⁿ水来piàⁿ tī上主ê面前,tī hit日禁食,tī hia讲:「阮有得罪上主。」撒母耳to̍h tī米斯巴做士师,来拯救以色列人。 | 注释 串珠 卢俊义 原文 典藏 |
7:7 | 腓利士人听tio̍h以色列人聚集tī米斯巴,腓利士ê首领to̍h起来beh攻击以色列人,以色列人听tio̍h就惊腓利士人。 | 注释 串珠 卢俊义 原文 典藏 |
7:8 | 以色列人kā撒母耳讲:「愿你替阮求叫上主—咱ê上帝无soah,求他救咱脱离腓利士人ê手。」 | 注释 串珠 卢俊义 原文 典藏 |
7:9 | 撒母耳to̍h用一只食奶ê羊á,烧kui只来献hō͘上主做烧祭,撒母耳替以色列人求叫上主,上主有应伊。 | 注释 串珠 卢俊义 字典 原文 典藏 |
7:10 | 撒母耳teh献烧祭ê时,腓利士人进前来,beh kah以色列人交战。Τī hit日,上主起大声ê雷来攻击腓利士人,kā in phah乱,in to̍hti7以色列人ê面前thâi输。 | 注释 串珠 卢俊义 原文 典藏 |
7:11 | 以色列人tùi米斯巴出来,jiok腓利士人,kā in phah,一直到Pek-kah ê下面。 | 注释 串珠 卢俊义 原文 典藏 |
7:12 | 撒母耳用一块石头khiā tī米斯巴kah E-sia-nah ê中间,kā伊ê名叫做E-bian-ne-chel,讲:「到chit时,上主帮赞咱。」 | 注释 串珠 卢俊义 原文 典藏 |
7:13 | Tùi chit时起,腓利士人to̍h屈服,m̄敢koh入来以色列人ê境内。撒母耳一生ê日子中间,上主ê手攻击腓利士人。 | 注释 串珠 卢俊义 原文 典藏 |
7:14 | 腓利士人所有征服以色列人ê城,tùi以革伦到迦特,lóng还以色列人。In hiahê境界,以色列人mā tùi腓利士人ê手收倒tńg来。Hit时,以色列人kah亚摩利人和好。 | 注释 串珠 卢俊义 原文 典藏 |
7:15 | 撒母耳一生做以色列ê士师。 | 注释 串珠 卢俊义 原文 典藏 |
7:16 | 伊ta̍k年巡视伯特利、吉甲、米斯巴chiahê所在,处理以色列人中间ê问题。 | 注释 串珠 卢俊义 原文 典藏 |
7:17 | 然后,伊倒tńg去到拉玛,因为伊ê家tī hia,mā tī hia处理以色列人中间ê问题,mā tī hia kā上主起一座坛。 | 注释 串珠 卢俊义 字典 原文 典藏 |