| 章节 | 全民台语圣经汉罗经文 | 注释 |
| 20:1 | 以色列准备战争就ánne，以色列人民tùi但到别是巴lóng出来，kah tòa tī基列ê人，全会众聚集亲像一个人，tī米斯巴，来到上主ê面前。 | 注释 串珠 康来昌 原文 典藏 |
| 20:2 | 人民ê首领kah以色列众支族lóng kakī 来khiā tī上帝ê子民ê会中，gia̍h刀 ê步兵共四十万。 | 注释 串珠 康来昌 字典 原文 典藏 |
| 20:3 | (便雅悯人lóng听tio̍h以色列人上到米斯巴。)以色列人to̍h讲：「Chitê pháiⁿ事ê情由tio̍h kā阮讲明。」 | 注释 串珠 康来昌 原文 典藏 |
| 20:4 | Hitê利未人，to̍h是hông害死ê chabó͘人ê丈夫，应讲：「我kah我ê细姨去到便雅悯ê基比亚歇暝。 | 注释 串珠 康来昌 原文 典藏 |
| 20:5 | 基比亚人起来攻击我，暗时包围我歇ê厝，想beh害死我，koh强奸我ê细姨致到死。 | 注释 串珠 康来昌 原文 典藏 |
| 20:6 | 我to̍h kā我ê细姨割kui块，差人the̍h到以色列得tio̍h做产业ê全地，因为in tī以色列中行奸淫kah见笑事。 | 注释 串珠 康来昌 原文 典藏 |
| 20:7 | Lín所有ê以色列人tio̍h phah算议论。」 | 注释 串珠 康来昌 原文 典藏 |
| 20:8 | 人民lóng起来亲像一个人，讲：「阮无一个人beh去伊ê布棚，mā无一个人beh倒tńg去伊ê厝。 | 注释 串珠 康来昌 原文 典藏 |
| 20:9 | 阮对基比亚人beh ánne行，照所抽ê签去攻击伊。 | 注释 串珠 康来昌 字典 原文 典藏 |
| 20:10 | 阮beh tī以色列众支族中，一百人取十人，一千取一百，一万取一千，kā人民运粮，hō͘ in到便雅悯ê基比亚ê时，thang照in tī以色列中所行见笑ê tāichì来对待in。」 | 注释 串珠 康来昌 原文 典藏 |
| 20:11 | 就ánne，以色列人民聚集óa来攻击hitê城，大家联合亲像一个人。 | 注释 串珠 康来昌 原文 典藏 |
| 20:12 | 以色列chiahê支族差人四界去kā便雅悯ê支族讲：「Lín中间所行ê，是啥物pháiⁿ事？ | 注释 串珠 康来昌 原文 典藏 |
| 20:13 | Taⁿ lín tio̍h kā hiahê人，to̍h是基比亚ê匪类交出来，阮thang hō͘ in死，tùi以色列中除去hitê pháiⁿ。」总是，便雅悯人m̄肯听in兄弟以色列人ê话。 | 注释 串珠 康来昌 原文 典藏 |
| 20:14 | 便雅悯人tùi in hiahê城出来，聚集来到基比亚，beh kah以色列人交战。 | 注释 串珠 康来昌 原文 典藏 |
| 20:15 | Hit时，便雅悯人tùi ta̍k个城拣出gia̍h刀ê共二万六千人，另外iáu有基比亚人拣出七百个精练ê兵。 | 注释 串珠 康来昌 字典 原文 典藏 |
| 20:16 | Tī众人ê中间有七百个精练ê兵，习惯用倒手ê，ta̍k个人ē晓用索á hìⁿ石头，准准分毫无差。 | 注释 串珠 康来昌 字典 原文 典藏 |
| 20:17 | 便雅悯人以外，拣出以色列人gia̍h刀ê共四十万，lóng是战士。 | 注释 串珠 康来昌 字典 原文 典藏 |
| 20:18 | 攻打便雅悯人以色列人to̍h起来，到伯特利，问上帝讲：「阮中间啥人tio̍h tāi先去kah便雅悯人交战？」上主讲：「偤大tio̍h tāi先去。」 | 注释 串珠 康来昌 原文 典藏 |
| 20:19 | 以色列人透早起来，扎营攻击基比亚。 | 注释 串珠 康来昌 原文 典藏 |
| 20:20 | 以色列人to̍h出来，beh kah便雅悯人交战，以色列人排阵tī基比亚beh kā in攻击。 | 注释 串珠 康来昌 原文 典藏 |
| 20:21 | 便雅悯人to̍h tùi基比亚出来，hit日thâi死以色列人二万二千，lóng倒tī地里。 | 注释 串珠 康来昌 原文 典藏 |
| 20:22 | 以色列人to̍hkakī 奋勇，犹原tī头一日排阵ê所在koh排阵。 | 注释 串珠 康来昌 原文 典藏 |
| 20:23 | 以色列人tńg去，tī上主ê面前啼哭到ê-hng，问上主讲：「阮tio̍h koh上去kah阮ê兄弟便雅悯人交战á m̄免？」上主讲：「Τio̍h上去kā伊攻击。」 | 注释 串珠 康来昌 原文 典藏 |
| 20:24 | 第二日，以色列人to̍h进前去攻击便雅悯人。 | 注释 串珠 康来昌 原文 典藏 |
| 20:25 | 便雅悯人mā tī第二日tùi基比亚出来，kā in攻击，kohthâi死以色列人一万八千人，倒tī地里，lóng是gia̍h刀ê。 | 注释 串珠 康来昌 字典 原文 典藏 |
| 20:26 | 以色列人kah众人lóng上去到伯特利，tī hia坐tī上主ê面前啼哭，hit日禁食到日暗，koh tī上主ê面前献烧祭kah平安祭。 | 注释 串珠 康来昌 原文 典藏 |
| 20:27 | Hit时，上主ê约柜tī hia。亚伦ê孙，以利亚撒ê kiáⁿ非尼哈hit时khiā tī约柜ê面前。 | 注释 串珠 康来昌 字典 原文 典藏 |
| 20:28 | 以色列人问上主讲：「我kám tio̍h出去kah我ê兄弟便雅悯人交战？Á是tio̍h soah-soah去？」上主讲：「你tio̍h去，因为明á载我ē kā in交tī你ê手中。」 | 注释 串珠 康来昌 原文 典藏 |
| 20:29 | 以色列人to̍h埋伏兵tī基比亚ê四箍围。 | 注释 串珠 康来昌 原文 典藏 |
| 20:30 | 第三日，以色列人koh tńg去攻击便雅悯人，排列队伍tī 基比亚，kah前两pái相siâng。 | 注释 串珠 康来昌 原文 典藏 |
| 20:31 | 便雅悯人to̍h出去抵敌人民，就受引诱离开城，in亲像前两pái tī田里起手thâi死以色列人差不多三十个；tī大路顶hiahê路，一条thàng伯特利，一条thàng基比亚。 | 注释 串珠 康来昌 原文 典藏 |
| 20:32 | 便雅悯人讲：「In犹原thâi输tī咱ê面前。」以色列人讲：「咱tio̍h逃走，引诱in离开城到大路。」 | 注释 串珠 康来昌 字典 原文 典藏 |
| 20:33 | 以色列人民lóng对伊ê所在起来，排列队伍tī Pa-le̍k-tha-má，以色列埋伏ê兵tùi in ê所在，to̍h是Má-lī-ka-pa，冲出来。 | 注释 串珠 康来昌 原文 典藏 |
| 20:34 | Thong以色列有一万精练ê兵，进前来攻击基比亚，交战ê势面真猛烈；总是，便雅悯人m̄知灾祸到à。 | 注释 串珠 康来昌 原文 典藏 |
| 20:35 | 上主tī以色列ê面前phah便雅悯，hit日，以色列人thâi死便雅悯二万五千一百人，lóng是gia̍h刀ê。 | 注释 串珠 康来昌 字典 原文 典藏 |
| 20:36 | 以色列ê得胜便雅悯人chiah知in ê受phah，因为以色列人退让便雅悯人，是为tio̍h in óa靠所设tī基比亚ê伏兵。 | 注释 串珠 康来昌 原文 典藏 |
| 20:37 | 埋伏ê兵赶紧窜入去基比亚，埋伏ê兵进前用刀thâi死全城ê人。 | 注释 串珠 康来昌 字典 原文 典藏 |
| 20:38 | 以色列人kah伏兵有tāi先约一个记号，to̍h是hō͘火烟tùi城内chhèng起来。 | 注释 串珠 康来昌 原文 典藏 |
| 20:39 | 以色列人当交战ê时oa̍t-tńg身，便雅悯人起手thâi死以色列人，差不多三十个，to̍h讲：「In犹原亲像前pái tī咱ê面前thâi输。」 | 注释 串珠 康来昌 原文 典藏 |
| 20:40 | 当火焰亲像烟柱tùi城中chhèng起来ê时，便雅悯人oa̍t头看，看tio̍h 全城ê火烟抵天。 | 注释 串珠 康来昌 字典 原文 典藏 |
| 20:41 | 以色列人koh oa̍t-tńg身，便雅悯人to̍h tio̍h惊kah gāng去，因为看tio̍h灾祸到à。 | 注释 串珠 康来昌 原文 典藏 |
| 20:42 | 所以，in tī以色列人ê面前oa̍t-tńg身ǹg旷野ê路逃走；总是，jiok in真óa，tùi hiahê城出来ê，in long2thâi in tī hit中间。 | 注释 串珠 康来昌 字典 原文 典藏 |
| 20:43 | In围困便雅悯人，jiok in，tī in歇脚ê所在kā in thún踏，一直到基比亚ê对面，ǹg日出ê所在。 | 注释 串珠 康来昌 原文 典藏 |
| 20:44 | 便雅悯人死去ê有一万八千，chiahê lóng是勇士，其他ê人oa̍t-tńg身逃走去旷野，到临门ê石磐。 | 注释 串珠 康来昌 原文 典藏 |
| 20:45 | 以色列人tī大路里收拾in五千人，亲像teh拾麦屑，koh jiok in到Ki-tóng，kā inthâi死两千人。 | 注释 串珠 康来昌 字典 原文 典藏 |
| 20:46 | Hit日，便雅悯人死去ê共二万五千人，hiahê lóng是gia̍h刀ê勇士。 | 注释 串珠 康来昌 字典 原文 典藏 |
| 20:47 | 独独六百人oa̍t-tńg身逃走去旷野，到临门ê石磐，就tòa tī临门ê石磐四月日。 | 注释 串珠 康来昌 原文 典藏 |
| 20:48 | 以色列人koh oa̍t tńg来攻击便雅悯人，用刀phah死chiahê城中ê人kah chengseⁿ，以及一切所tú ・tio̍h ê，koh再kā一切所到ê城lóng用火烧。 | 注释 串珠 康来昌 字典 原文 典藏 |