章节 | 全民台语圣经汉罗经文 | 注释 |
18:1 | 米迦kah但支族Hit时,以色列中无王。Hit时,但ê人ê支族chhōe tē做产业thang tòa,因为到hit日,tī以色列支族中,in iáu未得tio̍h业。 | 注释 串珠 康来昌 原文 典藏 |
18:2 | 但ê人tùi琐拉kah以实陶,差本族众人中五个勇士,去偷看hitê地来查考,kā in吩咐讲:「Lín去查考hitê地。」In来到以法连山,入去米迦ê厝,就歇tī hia。 | 注释 串珠 康来昌 原文 典藏 |
18:3 | In接近米迦ê厝,认tio̍h hitê少年利未人ê声音,to̍h入去问伊:「啥人chhōa你来chia?你tī chia做啥物?你tī chia得tio̍h啥物?」 | 注释 串珠 康来昌 原文 典藏 |
18:4 | 伊讲:「米迦款待我ánne,ánne,伊有倩我,我做伊ê祭司。」 | 注释 串珠 康来昌 原文 典藏 |
18:5 | In kā伊讲:「请你问上帝,hō͘阮知阮所teh行ê路,会兴通á无?」 | 注释 串珠 康来昌 字典 原文 典藏 |
18:6 | 祭司kā in讲:「Lín thang平安去,lín所行ê路是tī上主ê面前。」 | 注释 串珠 康来昌 字典 原文 典藏 |
18:7 | 五人to̍h出发,来到拉亿,看tio̍h hia ê人民,安然tòa,平安,无操烦,亲像西顿人。Τī hia无有掌权者用啥物tāichì来kā in搅扰,in离开西顿人远远,无kah别人往来。 | 注释 串珠 康来昌 原文 典藏 |
18:8 | 五人tńg来到琐拉kah以实陶in ê兄弟hia,兄弟问in讲:「Lín有啥物话?」 | 注释 串珠 康来昌 原文 典藏 |
18:9 | In应讲:「起来,咱来去攻击in,因为阮已经看tio̍h hitê地,你看,hitê地真好,lín án怎恬恬?Tio̍h入去,thang得tio̍h hitê地做产业,m̄ thang延chhiân。 | 注释 串珠 康来昌 原文 典藏 |
18:10 | Lín到hia,会看tio̍h安然teh tòa ê人民,所在mā开阔。上帝已经kā hitê所在交tī lín ê手,地chiūⁿ所有ê物,hit所在无欠kah一项。」 | 注释 串珠 康来昌 原文 典藏 |
18:11 | 就ánne,但族ê六百人,ta̍k个带军器,tùi琐拉kah以实陶进前去。 | 注释 串珠 康来昌 字典 原文 典藏 |
18:12 | In去tī偤大ê基列耶琳扎营,所以,kā chit所在ê名叫做Ma-hat-lī-tàn,到今á日。你看,这是tī基列耶琳ê后面。 | 注释 串珠 康来昌 原文 典藏 |
18:13 | In tùi hia去以法连山地,来到米迦ê厝。 | 注释 串珠 康来昌 原文 典藏 |
18:14 | 早前偷看拉亿地ê五人kā in ê兄弟讲:「Chiahê厝内有祭司服kah厝内ê偶像,koh有雕刻ê像kah铸ê像,lín kám知?Taⁿ lín tio̍h想,看beh án怎做chiah好?」 | 注释 串珠 康来昌 字典 原文 典藏 |
18:15 | Into̍h oat去hia,到hitê少年ê利未人ê厝,to̍h是米迦ê厝,kā伊请安。 | 注释 串珠 康来昌 原文 典藏 |
18:16 | 但族hiahê六百人带军器,lóng khiā tī门口。 | 注释 串珠 康来昌 字典 原文 典藏 |
18:17 | 偷看地ê五个人to̍h入去,kā雕刻ê像、祭司服、厝内ê像,kah铸ê像lóng the̍h去。祭司kah带军器ê六百人做伙khiā tī门口。 | 注释 串珠 康来昌 字典 原文 典藏 |
18:18 | Hit五个人入去米迦ê厝,the̍h雕刻ê偶像、祭司服、厝内ê偶像kah铸ê像,祭司to̍h问in讲:「Lín teh做啥物?」 | 注释 串珠 康来昌 字典 原文 典藏 |
18:19 | In应讲:「M̄-thang出声,用手掩嘴,tòe阮来去,做阮ê父,做阮ê祭司。你做一个人ê家ê祭司khah好,á是做以色列一支族ê祭司khah好?」 | 注释 串珠 康来昌 原文 典藏 |
18:20 | 祭司心内欢喜,就the̍h祭司服kah厝内ê偶像,以及雕刻ê像,行tī人民ê中间。 | 注释 串珠 康来昌 字典 原文 典藏 |
18:21 | Into̍h oa̍t-tńg身离开hia,hō͘ gín-á、chengseⁿ、财物做头前。 | 注释 串珠 康来昌 字典 原文 典藏 |
18:22 | 离开米迦ê厝崭然远ê时,米迦hiahê厝边lóng聚集óa来,jiok但ê人,大声hoah但ê人。 | 注释 串珠 康来昌 原文 典藏 |
18:23 | 但ê人oa̍t头看,问米迦讲:「你聚集hiahê人来,是啥物tāichì?」 | 注释 串珠 康来昌 原文 典藏 |
18:24 | 米迦讲:「我所妆ê神明kah祭司,lín lóng带去,我iáu有chhun啥物?Ná会iáu问我讲:你啥物tāichì?」 | 注释 串珠 康来昌 原文 典藏 |
18:25 | 但ê人kā伊讲:「你m̄ thang hō͘阮听tio̍h你ê声,恐惊躁性ê人来对lín动手,致使你kah全家lóng ē失落性命。」 | 注释 串珠 康来昌 原文 典藏 |
18:26 | 但ê人做in继续行落去,米迦看tio̍h in比伊khah强,to̍h oa̍t-tńg身tńg去伊ê厝。 | 注释 串珠 康来昌 字典 原文 典藏 |
18:27 | In带米迦所做ê kah伊所有ê祭司来到拉亿,看tio̍h安然无操烦ê人民,to̍h用刀kā inthâi死,koh放火烧hitê城, | 注释 串珠 康来昌 字典 原文 典藏 |
18:28 | mā无人来拯救,因为离开西顿真远,in koh无kah别人往来。Hitê城tī hitê óa近Biat-le-ho͘p ê山谷。 | 注释 串珠 康来昌 原文 典藏 |
18:29 | 但ê人koh tī hia起城来tòa,照in祖先以色列ê kiáⁿ但ê名,kā hitê城ê名叫做但。Hitê城起头ê名叫做拉亿。 | 注释 串珠 康来昌 原文 典藏 |
18:30 | 但ê人to̍h为kakī chhāi hitê雕刻ê像。摩西ê孙,革顺ê kiáⁿ约拿单,kah伊ê kiáⁿ孙,做但ê支族ê祭司,一直到hit地方ê人tú tio̍h受掠ê日。 | 注释 串珠 康来昌 字典 原文 典藏 |
18:31 | 上帝ê厝tī示罗hiahê日,但ê人为kakī chhāi米迦所做雕刻ê像。 | 注释 串珠 康来昌 字典 原文 典藏 |