章节 | 全民台语圣经汉罗经文 | 注释 |
4:1 | 底波拉kah巴拉以笏死了,以色列人koh行上主所看做pháiⁿ ê tāichì。 | 注释 串珠 康来昌 原文 典藏 |
4:2 | 上主kā in卖hō͘迦南王耶宾,to̍h是tī夏琐做王ê,伊ê军长是西西拉,伊tòa tī外邦人ê Hā-lô-siat。 | 注释 串珠 康来昌 原文 典藏 |
4:3 | 耶宾王有铁车九百台,伊大大欺压以色列人二十年,以色列人to̍h求叫上主。 | 注释 串珠 康来昌 字典 原文 典藏 |
4:4 | Hit时,有一个女先知名叫做底波拉,是La̍h-pí-to ê bó͘,她做以色列ê士师。 | 注释 串珠 康来昌 原文 典藏 |
4:5 | 她tòa tī以法连山地,拉玛kah伯特利ê中间,tī底波拉ê枣树脚。以色列人lóng去她hia,受她判断。 | 注释 串珠 康来昌 字典 原文 典藏 |
4:6 | 她差人叫A-pí-lô-am ê kiáⁿ巴拉tùi拿弗他利 ê基低斯来,对伊讲:「上主—以色列ê上帝kám m̄是命令讲:你tio̍h去他泊山,chhōa拿弗他利kah西布伦人一万kah你去? | 注释 串珠 康来昌 原文 典藏 |
4:7 | 我beh hō͘耶宾ê军长西西拉kah伊ê车,伊ê军队,到基顺河你hia,我beh kā伊交tī你ê手中。」 | 注释 串珠 康来昌 字典 原文 典藏 |
4:8 | 巴拉kā她讲:「你若kah我去,我to̍h beh去;你若m̄ kah我去,我to̍hm̄去。」 | 注释 串珠 康来昌 原文 典藏 |
4:9 | 底波拉讲:「我一定beh kah你去,总是,你tī所行ê路bē tàng荣显,因为上主ē卖西西拉tī chabó͘人ê手。」底波拉to̍h起来,kah巴拉做伙去基低斯。 | 注释 串珠 康来昌 字典 原文 典藏 |
4:10 | 巴拉to̍h招集西布伦人kah拿弗他利人到基低斯,tòe伊去ê有一万人。底波拉mā kah伊去。 | 注释 串珠 康来昌 原文 典藏 |
4:11 | 基尼人希伯bat离开基尼人,to̍h是摩西ê外戚Hô-pa ê kiáⁿ孙,就搭布棚tī Sat-ná-im ê橡树边,to̍h是óa近基低斯ê。 | 注释 串珠 康来昌 字典 原文 典藏 |
4:12 | 有人kā西西拉讲:「A-pí-lô-am ê kiáⁿ巴拉已经去他泊山。」 | 注释 串珠 康来昌 原文 典藏 |
4:13 | 西西拉to̍h聚集伊所有ê车,to̍h是铁车九百台,kah tòe伊ê军队,tùi外邦ê Hā-lô-siat,到基顺河。 | 注释 串珠 康来昌 字典 原文 典藏 |
4:14 | 底波拉对巴拉讲:「起来,今á日to̍h是上主kā西西拉交tī你ê手ê日,上主kám无tī你ê头前行?」就ánne,巴拉 tùi他泊山落来,tòe伊ê有一万人。 | 注释 串珠 康来昌 原文 典藏 |
4:15 | 上主tī巴拉ê面前,用刀phah乱西西拉kah伊所有ê车,伊ê军队,西西拉落车行路逃走。 | 注释 串珠 康来昌 字典 原文 典藏 |
4:16 | 总是,巴拉jiok hiahê车kah军队,到外邦ê Hā-lô-siat,西西拉ê军队lóng倒tī刀下,无留kah半个人。 | 注释 串珠 康来昌 字典 原文 典藏 |
4:17 | 只有西西拉行路逃走,到基尼人希伯ê bó͘雅亿ê布棚,因为夏琐王耶宾kah基尼人希伯ê家和好。 | 注释 串珠 康来昌 原文 典藏 |
4:18 | 雅亿出来迎接西西拉,kā伊讲:「我ê主,oat入来,请你oat入来我chia,m̄免惊。」西西拉to̍h oat入去她ê布棚。雅亿to̍h用毯á kā伊kah teh。 | 注释 串珠 康来昌 字典 原文 典藏 |
4:19 | 西西拉kā她讲:「我嘴干,请你用淡薄水hō͘我lim。」她to̍h开贮奶ê皮袋hō͘伊lim,犹原kā伊kah teh。 | 注释 串珠 康来昌 字典 原文 典藏 |
4:20 | 西西拉koh kā她讲:「你khiā tī布棚门,若有人来问你讲,有人tī你chia无?你to̍h kā伊讲,无。」 | 注释 串珠 康来昌 字典 原文 典藏 |
4:21 | 西西拉厌倦困落眠,希伯ê bó͘雅亿the̍h布棚ê钉,手gia̍h槌á,liam-liam-á行到伊hia,用钉tùi伊ê鬓边钉入去,透过土脚,伊to̍h死。 | 注释 串珠 康来昌 字典 原文 典藏 |
4:22 | Hit时,巴拉jiok西西拉,雅亿出来kā伊迎接,kā伊讲:「来,我kā你所teh chhōe ê人hō͘你看。」伊to̍h入去,你看,西西拉已经死,倒teh,钉iáu koh tī伊ê鬓边。 | 注释 串珠 康来昌 字典 原文 典藏 |
4:23 | Án-ne,hit一日,上主hō͘迦南王耶宾屈服tī以色列人ê面前。 | 注释 串珠 康来昌 原文 典藏 |
4:24 | 就ánne,以色列人koh khah有势力,khah赢迦南王耶宾,一直到kā迦南王耶宾全部灭掉。 | 注释 串珠 康来昌 原文 典藏 |