| 章节 | 全民台语圣经汉罗经文 | 注释 |
| 23:1 | 亚伯拉罕买墓地来埋葬撒拉撒拉食到一百二十七岁，这是撒拉一生ê年岁。 | |
| 23:2 | 撒拉死tī迦南地ê基列亚巴，to̍h是希伯仑；亚伯拉罕来，为tio̍h撒拉哀伤啼哭。 | |
| 23:3 | 后来，亚伯拉罕tùi伊ê死人ê面前起来，kā赫人讲： | |
| 23:4 | 「我tī lín中间是寄脚ê出外人，求lín tī chia hō͘我一个所在做墓地，thang埋葬我ê死人，hō͘我无koh看tio̍h她。」 | |
| 23:5 | 赫人应亚伯拉罕，讲： | |
| 23:6 | 「我ê主，请听，你tī阮中间是有神威ê头人，chhut-chāi你tī阮ê墓地内拣siōng好ê，来埋葬你ê死人。阮无一个人ēm̄允准你tī伊ê墓地内埋葬你ê死人。」 | |
| 23:7 | 亚伯拉罕起来，对hit所在ê人，to̍h是赫族，àⁿ腰。 | |
| 23:8 | 伊对in讲：「Lín若有意思beh hō͘我埋葬我ê死人，hō͘我无koh看tio̍h她，to̍h请听我讲，替我求琐辖ê kiáⁿ以弗仑， | |
| 23:9 | kā伊ê田头麦比拉ê穴hō͘我，伊thang照足额ê价数卖 hō͘我；hō͘我tī lín中间有所在thang做墓地。」 | |
| 23:10 | 当时，以弗仑坐tī赫人ê中间，赫人以弗仑tī所有入伊ê城门ê赫人ê面前，应亚伯拉罕讲： | |
| 23:11 | 「M̄免，我ê主，请听我讲。我beh送你hit丘田，连hit内面ê穴mā hō͘你，tī我同族ê人ê面前，我beh hō͘你thang去埋葬你ê死人。」 | |
| 23:12 | 亚伯拉罕to̍h tī hit所在ê人民ê面前àⁿ腰， | |
| 23:13 | tī hit所在人民ê面前，对以弗仑讲：「你若肯，请听我讲。我beh kā田ê价钱hō͘你，你tio̍h收，hō͘我thang tī hia埋葬我ê死人。」 | |
| 23:14 | 以弗仑应亚伯拉罕讲： | |
| 23:15 | 「我ê主，请听我讲。Hit丘田值得银四百舍客勒，tī你我ê中间，这beh算啥物？请做你去埋葬你ê死人。」 | |
| 23:16 | 亚伯拉罕听以弗仑ê话，照伊tī赫人ê面前所讲ê，kā买卖通用ê银，秤四百舍客勒hō͘以弗仑。 | |
| 23:17 | Tùi hit时起，以弗仑tī麦比拉kah幔利ê头前ê hit丘田kah hit内面ê穴，以及田内kah四箍围所有ê树木， | |
| 23:18 | tī赫族人kah所有入伊ê城门ê人ê面前，lóng定tio̍h归hō͘亚伯拉罕做产业。 | |
| 23:19 | 后来，亚伯拉罕kā伊ê bó͘撒拉埋葬tī迦南地幔利头前ê麦比拉田里ê穴，幔利to̍h是希伯仑。 | |
| 23:20 | 就ánne，hit丘田kah田里ê穴，tùi赫人定tio̍h归hō͘亚伯拉罕做产业，来做墓地。 |