| 章节 | 全民台语圣经汉罗经文 | 注释 |
| 1:1 | 上主命令约书亚去征服迦南地上帝ê奴仆摩西死了后，上主吩咐嫩ê kiáⁿ约书亚，to̍h是跟tòe摩西ê，讲： | 注释 串珠 原文 典藏 |
| 1:2 | 「我ê奴仆摩西死à，taⁿ你tio̍h起来，kah众人过chitê约旦河，去我所赏赐以色列人ê地。 | 注释 串珠 原文 典藏 |
| 1:3 | 见若lín ê脚掌所踏ê地，我lóng赏赐hō͘ lín，照我对摩西所讲ê。 | 注释 串珠 原文 典藏 |
| 1:4 | Τùi旷野kah chitê黎巴嫩到大河，to̍h是幼发拉底河，赫人ê全地，koh到大海，ǹg日落ê所在，lóng beh做lín ê境界。 | 注释 串珠 原文 典藏 |
| 1:5 | 你一世人，一定无一个人ēkhiā-tiâu tī你ê面前。我án怎kah摩西同在，mā beh ánne kah你同在；我一定bē离开你，mā bē放sak你。 | 注释 串珠 原文 典藏 |
| 1:6 | 你tio̍h勇敢壮胆，因为你beh hō͘ chiahê人民得tio̍h hitê地做产业，to̍h是我对in ê祖先所chiùchōa beh hō͘ in ê。 | 注释 串珠 原文 典藏 |
| 1:7 | 总是，你tio̍h勇敢大大壮胆，执守我ê奴仆摩西所命令你一切ê律法，来照ánne行，m̄ thang离开来偏左偏右，hō͘你无论去到tó位，lóng得tio̍h兴通。 | 注释 串珠 原文 典藏 |
| 1:8 | Chitê律法ê册m̄ thang离开你ê嘴，一定tio̍h暝日思想，hō͘你执守来行chit本册内所记载一切ê话。Án-ne，to̍h ēhō͘你ê路平坦，你mā得tio̍h大兴通。 | 注释 串珠 字典 原文 典藏 |
| 1:9 | 我kám无命令你？你tio̍h勇敢壮胆，m̄免惊，mā m̄ thang懔，因为你无论去到tó位，上主—你ê上帝lóngē kah你同在。」 | 注释 串珠 原文 典藏 |
| 1:10 | 约书亚命令民众就ánne，约书亚命令人民ê官长，讲： | 注释 串珠 原文 典藏 |
| 1:11 | 「Lín tio̍h遍行营中，命令人民，讲：『Lín tio̍h准备食物，因为三日内，lín beh过chitê约旦河，入去得tio̍h上主—lín ê上帝所beh hō͘ lín得tio̍h ê地。』」 | 注释 串珠 原文 典藏 |
| 1:12 | 约书亚吩咐流便人、迦得人kah 玛拿西半支族，讲： | 注释 串珠 原文 典藏 |
| 1:13 | 「Lín tio̍h ē记得上帝ê奴仆摩西所命令lín ê话，讲：『上主—lín ê上帝已经hō͘ lín平安，mā ē kā chitê地赏赐hō͘ lín。』 | 注释 串珠 原文 典藏 |
| 1:14 | Lín ê bó͘，lín ê gín-á，lín ê chengseⁿ，lóng tio̍h tòa tī约旦河 chit pêng，摩西所hō͘ lín ê地；独独lín中间所有大气力ê勇士，lóng tio̍h带军器，tī lín兄弟ê头前过去，kā in帮赞； | 注释 串珠 字典 原文 典藏 |
| 1:15 | 直到上主hō͘ lín ê兄弟kah lín相siâng lóng得tio̍h平安，直到in mā得tio̍h上主—lín ê上帝所赏赐hō͘ in ê地，hit时lín chiah thang tńg去lín所得tio̍h ê地，kā它承接来做产业，to̍h是上帝ê奴仆摩西所hō͘ lín tī约旦河chit pêng ǹg日出ê所在。」 | 注释 串珠 原文 典藏 |
| 1:16 | In应约书亚讲：「见若你所命令阮ê，阮beh行；你所差阮ê，阮lóng beh去做。 | 注释 串珠 原文 典藏 |
| 1:17 | 阮以前tī所有ê tāichì lóng ánne遵thàn摩西，taⁿ mā beh ánne遵thàn你；独独愿上主—你ê上帝kah你同在，亲像他以前kah摩西同在。 | 注释 串珠 原文 典藏 |
| 1:18 | 无论啥人违背你ê命令，m̄听你ê话，照你一切所命令ê，to̍h beh hō͘伊死。总是，你tio̍h勇敢壮胆！」 | 注释 串珠 原文 典藏 |