| 章节 | 全民台语圣经汉罗经文 | 注释 |
| 20:1 | 亚伯拉罕kah亚比米勒亚伯拉罕tùi hia渐渐ǹg南方徙去；寄脚tī加低斯kah书珥之间ê基拉耳。 | 注释 串珠 蔡茂堂 康来昌 原文 典藏 |
| 20:2 | 亚伯拉罕讲到伊ê bó͘撒拉，to̍h讲她是kakī ê小妹；基拉耳王亚比米勒to̍h差人kā撒拉chhōa去。 | 注释 串珠 蔡茂堂 康来昌 原文 典藏 |
| 20:3 | 暗时，眠梦中，上帝来kā亚比米勒讲：「你是该死ê人，因为你所娶hitê chabó͘人是人ê bó͘。」 | 注释 串珠 蔡茂堂 康来昌 原文 典藏 |
| 20:4 | 亚比米勒iáu未亲近她，to̍h讲：「主ah，行义ê人民，祢kám mā beh kā伊灭掉？ | 注释 串珠 蔡茂堂 康来昌 原文 典藏 |
| 20:5 | Hitê人kám m̄是本身对我讲：『她是我ê小妹』？chabó͘人本身mā讲：『伊是我ê阿兄。』我做chitê tāichì，是心端正，手清气。」 | 注释 串珠 蔡茂堂 康来昌 原文 典藏 |
| 20:6 | 上帝kā伊托梦，讲：「我本知你做chitê tāichì是心中端正；我chiah阻挡你，免得你得罪我，所以，我无容允你摸tio̍h她。 | 注释 串珠 蔡茂堂 康来昌 原文 典藏 |
| 20:7 | Taⁿ你tio̍h kā chitê人ê bó͘还伊，因为伊是先知，伊beh替你祈祷，你chiah ē活；你若m̄还伊，你tio̍h知，你kah你所有ê人lóngē死。」 | 注释 串珠 蔡茂堂 康来昌 原文 典藏 |
| 20:8 | 亚比米勒透早起来，叫众奴仆来，kā chiahê tāichì lóng讲hō͘ in听，hiahê人lóng真惊。 | 注释 串珠 蔡茂堂 康来昌 原文 典藏 |
| 20:9 | 亚比米勒叫亚伯拉罕来，对伊讲：「你对阮所行ê是啥物事？我有啥物得罪你，你竟然hō͘我kah我国内ê人陷落重罪？你对我行无应该行ê tāichì。」 | 注释 串珠 蔡茂堂 康来昌 原文 典藏 |
| 20:10 | 亚比米勒koh对亚伯拉罕讲：「你看tio̍h啥物，chiah做chitê tāichì？」 | 注释 串珠 蔡茂堂 康来昌 原文 典藏 |
| 20:11 | 亚伯拉罕讲：「我想讲chit所在ê人lóng无惊上帝，in ē为tio̍h我ê bó͘ ê缘故thâi死我。」 | 注释 串珠 蔡茂堂 康来昌 原文 典藏 |
| 20:12 | 而且她mā实在是我ê小妹，siâng父无siâng母，后来，做我ê bó͘。 | 注释 串珠 蔡茂堂 康来昌 原文 典藏 |
| 20:13 | 当上帝叫我离开老父ê家去四界行ê时，我kā她讲：『将来咱所beh到ê所在，请你kā人讲：伊是我ê阿兄。这to̍h是你款待我ê恩。』」 | 注释 串珠 蔡茂堂 康来昌 原文 典藏 |
| 20:14 | 亚比米勒kā羊、牛、奴仆、女婢hō͘亚伯拉罕，koh kā伊ê bó͘撒拉还伊。 | 注释 串珠 蔡茂堂 康来昌 字典 原文 典藏 |
| 20:15 | 亚比米勒koh讲：「你看，我ê地lóng tī你ê面前，你thang随意tòa。」 | 注释 串珠 蔡茂堂 康来昌 原文 典藏 |
| 20:16 | Koh kā撒拉讲：「我hō͘你ê阿兄一千银，做你tī全家面前遮目chiu ê钱；taⁿ你tī众人面前无tāichì à。」 | 注释 串珠 蔡茂堂 康来昌 字典 原文 典藏 |
| 20:17 | 亚伯拉罕祈祷上帝，上帝to̍h医好亚比米勒kah伊ê bó͘，以及她ê女婢，into̍h ē生kiáⁿ。 | 注释 串珠 蔡茂堂 康来昌 原文 典藏 |
| 20:18 | 因为上主为tio̍h亚伯拉罕ê bó͘撒拉ê缘故，已经hō͘亚比米勒厝内ê chabó͘人bē tàng生kiáⁿ。 | 注释 串珠 蔡茂堂 康来昌 原文 典藏 |