章节 | 全民台语圣经汉罗经文 | 注释 |
24:1 | 巴兰看tio̍h上主欢喜赐福hō͘以色列,to̍h无亲像éng-pái去chhōe法术,是面ǹg旷野。 | 注释 串珠 康来昌 原文 典藏 |
24:2 | 巴兰gia̍h头,看tio̍h以色列人照支族tòa,上帝ê灵就临到伊。 | 注释 串珠 康来昌 原文 典藏 |
24:3 | 伊to̍h提起伊ê歌,讲:比珥ê kiáⁿ巴兰讲:目chiu 合teh ê人讲, | 注释 串珠 康来昌 原文 典藏 |
24:4 | 听见上帝ê话,看见全能ê ê异象,目chiu thí开倒teh ê人讲: | 注释 串珠 康来昌 原文 典藏 |
24:5 | 雅各ah,你ê布棚ná ē hiah súi! 以色列ah,你ê帐房ná ē hiah好看! | 注释 串珠 康来昌 字典 原文 典藏 |
24:6 | 亲像相连续ê山谷,亲像河边ê园,亲像上主所知ê沉香树, 亲像水边ê柏香树。 | 注释 串珠 康来昌 字典 原文 典藏 |
24:7 | 水会对伊ê桶流出,种籽beh掖tī真chē水ê所在,伊ê王会pôaⁿ过亚甲,伊ê国会兴起。 | 注释 串珠 康来昌 原文 典藏 |
24:8 | 上帝chhōa伊出埃及,伊亲像有野牛ê力;伊ē吞食对敌ê国,at断in ê骨头;用箭kā in射到thàng过。 | 注释 串珠 康来昌 字典 原文 典藏 |
24:9 | 伊撑脚,koh倒teh亲像公ê狮,mā亲像母ê狮;啥人敢惹tio̍h伊?见若祝福你ê,愿伊受祝福,见若咒诅你ê,愿伊受咒诅。 | 注释 串珠 康来昌 字典 原文 典藏 |
24:10 | 巴勒大受气巴兰,就搭手;巴勒koh kā巴兰讲:「我叫你来咒诅我ê对敌,你竟然硬硬beh kā in祝福,到三pái。 | 注释 串珠 康来昌 原文 典藏 |
24:11 | Taⁿ你走去本所在,我本来想beh hō͘你得tio̍h大尊贵,m̄ koh,上主阻挡,hō͘你无得tio̍h尊贵。」 | 注释 串珠 康来昌 原文 典藏 |
24:12 | 巴兰对巴勒讲:「我kám无对你所差来到我hia ê使者讲: | 注释 串珠 康来昌 原文 典藏 |
24:13 | 『巴勒to̍h是kā伊满厝ê金银hō͘我,我mā bē tàng pôaⁿ过上主ê命令,凭kakī ê心来做好做pháiⁿ;上主所讲ê,我to̍h照ánne讲。』」 | 注释 串珠 康来昌 字典 原文 典藏 |
24:14 | 巴兰最后ê预言巴兰对巴勒讲:「你看,taⁿ我beh tńg去本族;你来,我kā你讲,chiahê人民日后ē án怎款待你ê人民。」 | 注释 串珠 康来昌 原文 典藏 |
24:15 | 伊to̍h提起伊ê歌,讲:比珥ê kiáⁿ巴兰讲:目chiu 合teh ê人讲; | 注释 串珠 康来昌 原文 典藏 |
24:16 | 听见上帝ê话,得tio̍h知至koân ・ê ê智识,看见全能ê ê异象, 目chiu thí开,倒teh ê人讲: | 注释 串珠 康来昌 原文 典藏 |
24:17 | 我看伊,总是,无tī现时,我观看伊,总是,m̄是近近;有一粒星beh tùi雅各出,有一个权柄,beh tùi以色列兴起,beh phah破摩押ê边角,毁坏扰乱ê人。 | 注释 串珠 康来昌 字典 原文 典藏 |
24:18 | 以东beh做产业,西珥mā beh hō͘伊ê对敌做产业,以色列beh做tāichì勇敢。 | 注释 串珠 康来昌 原文 典藏 |
24:19 | 有一位掌权ê beh tùi雅各出, 伊beh剿灭城中所留落来ê。 | 注释 串珠 康来昌 原文 典藏 |
24:20 | 伊koh看tio̍h亚玛力,就提起伊ê歌,讲:亚玛力原本做chiahê国ê头,总是,伊ê结局ē永远灭亡。 | 注释 串珠 康来昌 原文 典藏 |
24:21 | 伊koh看基尼人,就提起伊ê歌,讲:你tòa ê所在是坚固, 你做巢tī山岩。 | 注释 串珠 康来昌 原文 典藏 |
24:22 | 总是,基尼ē致到衰微,直到hō͘亚述kā你掠去。 | 注释 串珠 康来昌 原文 典藏 |
24:23 | 伊koh提起歌,讲: Ai-ah,上帝行chitê tāichì ê时,啥人ē得tio̍h活? | 注释 串珠 康来昌 原文 典藏 |
24:24 | ē有船tùi基提hia来,苦毒亚述,苦毒希伯;伊mā ē永远灭亡。 | 注释 串珠 康来昌 字典 原文 典藏 |
24:25 | 巴兰to̍h起来,tńg去伊本所在;巴勒mā照ánne行伊ê路。 | 注释 串珠 康来昌 字典 原文 典藏 |