| 章节 | 全民台语圣经汉罗经文 | 注释 |
| 17:1 | 立约ê记号—割礼亚伯兰九十九岁ê时，上主对亚伯兰显现，kā伊讲：「我是全能上帝，你tī我ê面前行为tio̍h完全， | 注释 串珠 蔡茂堂 康来昌 原文 典藏 |
| 17:2 | 我to̍h beh kah你立我ê约，hō͘你ê kiáⁿ孙非常chē。」 | 注释 串珠 蔡茂堂 康来昌 原文 典藏 |
| 17:3 | 亚伯兰to̍h仆落tī地里；上帝koh kah伊讲话，讲： | 注释 串珠 蔡茂堂 康来昌 原文 典藏 |
| 17:4 | 「我kah你立我ê约，你ē做真chē国ê父。 | 注释 串珠 蔡茂堂 康来昌 原文 典藏 |
| 17:5 | Tùi taⁿ以后，你ê名无koh叫做亚伯兰，是beh叫做亚伯拉罕，因为我已经立你做真chē国ê父。 | 注释 串珠 蔡茂堂 康来昌 原文 典藏 |
| 17:6 | 我beh hō͘你ê kiáⁿ孙非常chē；国度ē tùi你来立，君王ē tùi你来出。 | 注释 串珠 蔡茂堂 康来昌 原文 典藏 |
| 17:7 | 「我beh kah你，以及你历代ê kiáⁿ孙，设立我ê约做永远ê约；我beh做你kah你ê kiáⁿ孙ê上帝。 | 注释 串珠 蔡茂堂 康来昌 原文 典藏 |
| 17:8 | 我ē kā你现在出外寄脚ê地，to̍h是迦南全地，赏赐hō͘你kah你ê kiáⁿ孙，做永远ê产业；我mā beh做in ê上帝。」 | 注释 串珠 蔡茂堂 康来昌 原文 典藏 |
| 17:9 | 上帝koh对亚伯拉罕讲：「你kah你ê kiáⁿ孙，tio̍h历代遵守我ê约。 | 注释 串珠 蔡茂堂 康来昌 原文 典藏 |
| 17:10 | Lín中间所有ê chapo͘ ê，lóng tio̍h受割礼；这to̍h是我kah你以及你ê kiáⁿ孙所立ê约，是lín所tio̍h遵守ê。 | 注释 串珠 蔡茂堂 康来昌 原文 典藏 |
| 17:11 | Lín tio̍h割lín阳物ê皮，这是beh做我kah lín所立ê约ê记号。 | 注释 串珠 蔡茂堂 康来昌 原文 典藏 |
| 17:12 | Lín历代ê chapo͘ ê，无论厝内生ê，á是你ê kiáⁿ孙以外用银tùi外面ê人买来ê，出世了后第八日，lóng tio̍h受割礼。 | 注释 串珠 蔡茂堂 康来昌 原文 典藏 |
| 17:13 | 你厝内生ê kah你用银买来ê，lóng一定tio̍h受割礼。Án-ne，我ê约beh hē tī lín ê身上，做永远ê约。 | 注释 串珠 蔡茂堂 康来昌 字典 原文 典藏 |
| 17:14 | 无受割礼ê chapo͘ ê，伊身躯既然无受割礼，是违背我ê约，一定tio̍h tùi人民ê中间除去。」 | 注释 串珠 蔡茂堂 康来昌 原文 典藏 |
| 17:15 | 上帝koh对亚伯拉罕讲：「你ê bó͘撒莱，m̄ thang koh kā她叫做撒莱，她ê名beh改叫做撒拉。 | 注释 串珠 蔡茂堂 康来昌 原文 典藏 |
| 17:16 | 我ē赐福hō͘她，我mā ē hō͘你tùi她得tio̍h一个kiáⁿ。我ē赐福hō͘她，她mā ē做列国ê老母；ē有邦国ê王tùi她出。」 | 注释 串珠 蔡茂堂 康来昌 原文 典藏 |
| 17:17 | 亚伯拉罕to̍h仆teh笑，心内想讲：「一百岁 ê人kám iáu会生kiáⁿ？撒拉已经九十岁ā，kám iáu会生kiáⁿ？」 | 注释 串珠 蔡茂堂 康来昌 原文 典藏 |
| 17:18 | 亚伯拉罕对上帝讲：「但愿以实玛利活tī祢ê面前。」 | 注释 串珠 蔡茂堂 康来昌 原文 典藏 |
| 17:19 | 上帝讲：「M̄是lah，你ê bó͘撒拉ē kā你生一个kiáⁿ，你ē kā伊号名叫做以撒。我ē kah伊设立我ê约，做伊ê kiáⁿ孙永远ê约。 | 注释 串珠 蔡茂堂 康来昌 原文 典藏 |
| 17:20 | 关系以实玛利，我mā有听你求；你看！我已经kā伊赐福，beh hō͘伊兴旺，加添非常chē。伊ē生十二个族长，我mā beh hō͘伊成做大国。 | 注释 串珠 蔡茂堂 康来昌 原文 典藏 |
| 17:21 | 到明年ê chit时，撒拉ē kā你生以撒，我ē kah伊设立我ê约。」 | 注释 串珠 蔡茂堂 康来昌 原文 典藏 |
| 17:22 | 上帝kah亚伯拉罕讲soah，to̍h离开伊，上天去。 | 注释 串珠 蔡茂堂 康来昌 原文 典藏 |
| 17:23 | Tú-tú hit日，亚伯拉罕照上帝所kā伊讲ê，kā伊ê kiáⁿ以实玛利kah亚伯拉罕厝内一切ê chapo͘人，无论tī厝内生ê，á是用伊ê银买来ê lóng行割礼。 | 注释 串珠 蔡茂堂 康来昌 字典 原文 典藏 |
| 17:24 | 亚伯拉罕受割礼ê时，九十九岁。 | 注释 串珠 蔡茂堂 康来昌 原文 典藏 |
| 17:25 | 伊ê kiáⁿ以实玛利受割礼ê时，十三岁。 | 注释 串珠 蔡茂堂 康来昌 原文 典藏 |
| 17:26 | Tú-tú hit日，亚伯拉罕kah伊ê kiáⁿ以实玛利同受割礼。 | 注释 串珠 蔡茂堂 康来昌 原文 典藏 |
| 17:27 | 厝内所有ê人，无论tī厝内生ê，á是用银tùi外面ê人买来ê，lóng kah伊同齐受割礼。 | 注释 串珠 蔡茂堂 康来昌 字典 原文 典藏 |