章节 | 全民台语圣经汉罗经文 | 注释 |
13:1 | 探á去探迦南地(申1:19-33)上主吩咐摩西讲: | 注释 串珠 康来昌 原文 典藏 |
13:2 | 「你tio̍h差人去探看我所赐hō͘以色列人ê迦南地,tio̍h tùi in祖先ta̍k支族中间各差一个人,lóng是tī in中间做首领ê。」 | 注释 串珠 康来昌 原文 典藏 |
13:3 | 摩西就照上主ê命令,tùi巴兰ê旷野差in去,in lóng是以色列人ê族长。 | 注释 串珠 康来昌 原文 典藏 |
13:4 | In ê名记tī下底:属流便ê支族,撒刻ê kiáⁿ沙母亚 。 | 注释 串珠 康来昌 原文 典藏 |
13:5 | 属西缅ê支族,何利ê kiáⁿ 沙法。 | 注释 串珠 康来昌 原文 典藏 |
13:6 | 属偤大ê支族,耶孚尼ê kiáⁿ迦勒。 | 注释 串珠 康来昌 原文 典藏 |
13:7 | 属以萨迦ê支族,约瑟ê kiáⁿ Í-ka。 | 注释 串珠 康来昌 原文 典藏 |
13:8 | 属以法连ê支族,嫩ê kiáⁿ何西阿。 | 注释 串珠 康来昌 原文 典藏 |
13:9 | 属便雅悯ê支族,La̍h-hu ê kiáⁿ Phàⁿ-thê。 | 注释 串珠 康来昌 原文 典藏 |
13:10 | 属西布伦ê支族,So-tí ê kiáⁿ Ka-tia̍p。 | 注释 串珠 康来昌 原文 典藏 |
13:11 | 属玛拿西ê支族,Chu-ji ê kiáⁿ Ga̍t-tí。 | 注释 串珠 康来昌 原文 典藏 |
13:12 | 属但ê支族,基玛利ê kiáⁿ亚米利。 | 注释 串珠 康来昌 原文 典藏 |
13:13 | 属亚设ê支族,米迦勒ê kiáⁿ Se-thiap。 | 注释 串珠 康来昌 原文 典藏 |
13:14 | 属拿弗他利ê支族,Po̍k-se ê kiáⁿ Ná-pí。 | 注释 串珠 康来昌 原文 典藏 |
13:15 | 属迦得ê支族,Má-ki ê kiáⁿ Kiū-lī。 | 注释 串珠 康来昌 原文 典藏 |
13:16 | Chiahê to̍h是摩西所差去探看hitê地ê人ê名。摩西就称嫩ê kiáⁿ何西阿做约书亚。 | 注释 串珠 康来昌 原文 典藏 |
13:17 | 摩西差in去探看迦南地,对in讲:「Lín tùi chitê南方上去,续peh上in ê山, | 注释 串珠 康来昌 原文 典藏 |
13:18 | 看hitê地án怎,其中所tòa ê人民是强á是弱,是少á是chē。 | 注释 串珠 康来昌 原文 典藏 |
13:19 | 所tòa ê地是啥物款,是好á是pháiⁿ;所tòa ê所在啥物款,是营房á是坚固ê城。 | 注释 串珠 康来昌 原文 典藏 |
13:20 | Koh看hitê土地án怎,是肥á是瘦,hit中间有树木á无。Lín tio̍h好胆,kā hit所在ê果子带kóa-á tńg来。」(Hit时,tú-á是葡萄起头熟ê时。) | 注释 串珠 康来昌 字典 原文 典藏 |
13:21 | Into̍h去探看hitê地,tùi寻ê旷野到利合,到入哈马ê路口。 | 注释 串珠 康来昌 原文 典藏 |
13:22 | In tùi南方上去,到希伯仑;tī hia有亚纳族ê人A-hi-mān、Sī-su、That-mái。(希伯仑城起造比埃及ê琐安城khah早七年。) | 注释 串珠 康来昌 原文 典藏 |
13:23 | In来到以实各ê山谷,tùi hia锉葡萄树一支,顶面有一葩葡萄,两人用杠á来扛,koh带kóa-á石榴kah无花果来。 | 注释 串珠 康来昌 字典 原文 典藏 |
13:24 | 因为以色列人tùi hia锉一葩葡萄,hit所在chiah号做以实各ê山谷。 | 注释 串珠 康来昌 原文 典藏 |
13:25 | In探看hitê地四十工chiah tńg来。 | 注释 串珠 康来昌 原文 典藏 |
13:26 | 到巴兰ê旷野ê加低斯,见tio̍h摩西、亚伦kah以色列ê会众,回覆in kah全会众,koh用hit所在ê果子hō͘ in看。 | 注释 串珠 康来昌 原文 典藏 |
13:27 | Koh kā伊讲:「阮到你所差阮去ê地,果然是流奶kah蜜ê地,这to̍h是hitê地ê果子。 | 注释 串珠 康来昌 原文 典藏 |
13:28 | 总是,hit所在ê人民勇壮,城mā坚固koh阔大,阮tī hia mā看tio̍h亚纳族。 | 注释 串珠 康来昌 原文 典藏 |
13:29 | 亚玛力人tòa tī南方,赫人、耶布斯人kah亚摩利人、tòa tī山地,迦南人tòa tī海边kah约旦河边。」 | 注释 串珠 康来昌 原文 典藏 |
13:30 | 迦勒tī摩西ê面前安慰人民,讲:「咱tio̍h即时去,thang来得tio̍h hit所在,咱有够额ê力,会khah赢in。」 | 注释 串珠 原文 典藏 |
13:31 | 独独hiahê kah伊上去ê人讲:「咱bē tàng上去攻击hiahê人民,因为in比咱khah勇壮。」 | 注释 串珠 原文 典藏 |
13:32 | In hiahê人论所探看ê地,对以色列人报pháiⁿ消息,讲:「阮所经过探看ê地,是吞食hiahê tòa tī hia ê人民ê地,阮tī hia所看tio̍h ê人民lóng真大汉。 | 注释 串珠 原文 典藏 |
13:33 | 阮tī hia看tio̍h亚纳族人,to̍h是大汉人,in是大汉人ê kiáⁿ孙。照阮看kakī ná亲像草蜢,照in看阮mā是ánne。」 | 注释 串珠 字典 原文 典藏 |