| 章节 | 全民台语圣经汉罗经文 | 注释 |
| 10:1 | 银ê鼓吹上主吩咐摩西讲： | 注释 串珠 康来昌 原文 典藏 |
| 10:2 | 「你tio̍h用银phah两支鼓吹，用phah ê法来做，hō͘你用来聚集会众，mā thang叫ta̍k营出发。 | 注释 串珠 康来昌 字典 原文 典藏 |
| 10:3 | Pûn鼓吹ê时，全会众tio̍h到你hia，聚集tī会幕门口。 | 注释 串珠 康来昌 字典 原文 典藏 |
| 10:4 | 若kantaⁿ pûn一支，众首领，to̍h是以色列ê族长，tio̍h聚集到你hia。 | 注释 串珠 康来昌 原文 典藏 |
| 10:5 | Pûn大声ê时，东pêng所安ê营lóng tio̍h出发。 | 注释 串珠 康来昌 原文 典藏 |
| 10:6 | 第二pái pûn大声ê时，南pêng所安ê营tio̍h出发。In beh出发，一定tio̍h pûn大声。 | 注释 串珠 康来昌 原文 典藏 |
| 10:7 | 若beh聚集会众，lín tio̍h pûn鼓吹，总是，m̄ thang pûn大声。 | 注释 串珠 康来昌 原文 典藏 |
| 10:8 | 亚伦ê kiáⁿ孙做祭司ê，tio̍h pûn hiahê鼓吹。「这beh做lín代代永远ê例。 | 注释 串珠 康来昌 字典 原文 典藏 |
| 10:9 | Lín tī本地kah欺压lín ê对敌交战，to̍h tio̍h用鼓吹pûn大声，to̍h tī上主—lín ê上帝ê面前得tio̍h记念，mā beh得tio̍h救来脱离lín ê对敌。 | 注释 串珠 康来昌 字典 原文 典藏 |
| 10:10 | Mā tī lín快乐ê日kah节期，kah每月ê初一，是tī lín献烧祭kah谢恩祭ê时，mā tio̍h pûn鼓吹。这lóng beh tī lín ê上帝ê面前做记念，我是上主—lín ê上帝。」 | 注释 串珠 康来昌 字典 原文 典藏 |
| 10:11 | 以色列人出发第二年ê二月二十，云tùi证据ê会幕收tńg去。 | 注释 串珠 康来昌 字典 原文 典藏 |
| 10:12 | 以色列人to̍h照in ê路程出发，离开西奈ê旷野，云停tī 巴兰ê旷野。 | 注释 串珠 康来昌 原文 典藏 |
| 10:13 | 这是in照上主托摩西所命令ê，头一pái出发。 | 注释 串珠 康来昌 原文 典藏 |
| 10:14 | 照in ê军队做头出发ê，是偤大族ê营ê大旗，军队ê统领是亚米拿达ê kiáⁿ拿顺。 | 注释 串珠 康来昌 字典 原文 典藏 |
| 10:15 | 以萨迦支族军队ê统领是苏押ê kiáⁿ拿坦业。 | 注释 串珠 康来昌 原文 典藏 |
| 10:16 | 西布伦ê支族军队ê统领是希伦ê kiáⁿ以利押。 | 注释 串珠 康来昌 原文 典藏 |
| 10:17 | 会幕to̍h拆起来，扛会幕ê是革顺ê kiáⁿ孙kah米拉利ê kiáⁿ孙，to̍h出发行。 | 注释 串珠 康来昌 字典 原文 典藏 |
| 10:18 | 照伊ê军队，流便营ê大旗出发，伊ê军队ê统领是示丢珥ê kiáⁿ以利蓿。 | 注释 串珠 康来昌 字典 原文 典藏 |
| 10:19 | 西缅支族军队ê统领是苏利沙代ê kiáⁿ示路蔑。 | 注释 串珠 康来昌 原文 典藏 |
| 10:20 | 迦得支族军队ê统领是丢珥ê kiáⁿ以利雅萨。 | 注释 串珠 康来昌 原文 典藏 |
| 10:21 | 哥辖人扛圣物ê出发行，in iáu未到ê chìn前，hiahê人ē幕已经搭好。 | 注释 串珠 康来昌 字典 原文 典藏 |
| 10:22 | 照伊ê军队，以法连营ê大旗出发，伊ê军队ê统领是亚米忽ê kiáⁿ以利沙玛。 | 注释 串珠 康来昌 字典 原文 典藏 |
| 10:23 | 玛拿西支族军队ê统领是比大蓿ê kiáⁿ迦玛列。 | 注释 串珠 康来昌 原文 典藏 |
| 10:24 | 便雅悯支族军队ê统领是基多尼ê kiáⁿ亚比但。 | 注释 串珠 康来昌 原文 典藏 |
| 10:25 | 做chiahê营ê路尾队ê，是但ê营ê大旗，照伊ê军队出发；伊ê军队ê统领是亚米沙代ê kiáⁿ亚希以谢。 | 注释 串珠 康来昌 字典 原文 典藏 |
| 10:26 | 亚设支族军队ê统领是俄兰ê kiáⁿ帕结。 | 注释 串珠 康来昌 原文 典藏 |
| 10:27 | 拿弗他利支族军队ê统领是以南ê kiáⁿ亚希拉。 | 注释 串珠 康来昌 原文 典藏 |
| 10:28 | 以色列人照军队ê排列出发，in ê队伍to̍h是ánne： | 注释 串珠 康来昌 原文 典藏 |
| 10:29 | 摩西对伊ê外戚米甸人流珥ê kiáⁿ Hô-pa讲：「阮beh去上主所bat讲：『我kā它赏赐hō͘ lín ê地。』请你kah阮做伙来去，阮会好款待你，因为上主已经应允赐福气hō͘以色列人。」 | 注释 串珠 康来昌 原文 典藏 |
| 10:30 | Hô-pa应讲：「我m̄去，我beh tńg去我ê本地本族hia。」 | 注释 串珠 康来昌 原文 典藏 |
| 10:31 | 摩西讲：「求你m̄ thang离开阮，因为你知阮tī旷野tio̍h án怎扎营，你thang做阮ê目chiu 。 | 注释 串珠 康来昌 原文 典藏 |
| 10:32 | 你若beh kah阮去，见若上主所hō͘阮ê福气，阮mā一定ánne hō͘你。」 | 注释 串珠 康来昌 原文 典藏 |
| 10:33 | 以色列人kah约柜向前行In离开上主ê山，出发行三日ê路程；上主ê约柜tī头前行三日ê路程，kā in chhōe安息ê所在。 | 注释 串珠 康来昌 字典 原文 典藏 |
| 10:34 | In撤营出发，日时上主ê云tī in ê顶面。 | 注释 串珠 康来昌 原文 典藏 |
| 10:35 | 约柜出发ê时，摩西to̍h讲：「上主ah，求祢起来；愿祢ê对敌四散，愿怨恨祢ê人tī祢ê面前逃走！」 | 注释 串珠 康来昌 字典 原文 典藏 |
| 10:36 | 约柜停ê时，伊to̍h讲：「上主ah，求祢tńg来到以色列千千万万人ê中间！」 | 注释 串珠 康来昌 原文 典藏 |