章节 | 全民台语圣经汉罗经文 | 注释 |
2:1 | 各支族tī营地ê位置上主吩咐摩西kah亚伦讲: | |
2:2 | 「以色列人tio̍h ta̍k个搭伊kakī ê布棚,tī kakī ê大旗下,tī本族ê旗号hia,围围ǹg会幕扎营。 | |
2:3 | Tī东pêng ǹg日出ê所在,照in ê军队扎营ê,是偤大营ê大旗,有亚米拿达ê kiáⁿ拿顺做偤大人ê首领。 | |
2:4 | 伊所经过点算ê军队,总共有七万四千六百名。 | |
2:5 | Óa近伊扎营ê是以萨迦ê支族,有苏押ê kiáⁿ拿坦业做以萨迦人ê首领。 | |
2:6 | 伊所经过点算ê军队,总共有五万四千四百名。 | |
2:7 | Koh有西布伦ê支族,希伦ê kiáⁿ以利押做西布伦人ê首领。 | |
2:8 | 伊所经过点算ê军队,总共有五万七千四百名。 | |
2:9 | 属偤大营,照伊所经过点算ê军队,总共有十八万六千四百名,in tio̍h做头前出发。 | |
2:10 | Tī南pêng,照in ê军队,是流便营ê大旗,有示丢珥ê kiáⁿ以利蓿做流便人ê首领。 | |
2:11 | 伊所经过点算ê军队,总共有四万六千五百名。 | |
2:12 | Óa近伊扎营ê是西缅ê支族,苏利沙代ê kiáⁿ示路蔑做西缅人ê首领。 | |
2:13 | 伊所经过点算ê军队,总共有五万九千三百名。 | |
2:14 | Koh有迦得ê支族,丢珥ê kiáⁿ以利雅萨做迦得人ê首领。 | |
2:15 | 伊所经过点算ê军队,总共有四万五千六百五十名。 | |
2:16 | 属流便营,照伊所经过点算ê军队,总共有十五万一千四百五十名,in tio̍h做第二队出发。 | |
2:17 | 然后会幕tio̍h出发,有利未人ê营tī chiahê营ê中间,in ánne扎营,tio̍h照ánne出发,各照伊ê大旗。 | |
2:18 | Tī西pêng,照in ê军队,是以法连营ê大旗,亚米忽 ê kiáⁿ以利沙玛做以法连人ê首领。 | |
2:19 | 伊所经过点算ê军队,总共有四万khòng五百名。 | |
2:20 | Óa近伊ê是玛拿西ê支族,比大蓿ê kiáⁿ迦玛列做玛拿西人ê首领。 | |
2:21 | 伊所经过点算ê军队,总共有三万二千两百名。 | |
2:22 | Koh有便雅悯ê支族,基多尼ê kiáⁿ亚比但做便雅悯人ê首领。 | |
2:23 | 伊所经过点算ê军队,总共有三万五千四百名。 | |
2:24 | 属以法连营,照伊所经过点算ê军队,总共有十万八千一百名,in tio̍h做第三队出发。 | |
2:25 | Tī北pêng,照in ê军队是但ê营ê大旗,亚米沙代ê kiáⁿ亚希以谢做但ê人ê首领。 | |
2:26 | 伊所经过点算ê军队,总共有六万二千七百名。 | |
2:27 | Óa近伊扎营ê是亚设ê支族,俄兰ê kiáⁿ帕结做亚设人ê首领。 | |
2:28 | 伊所经过点算ê军队,总共有四万一千五百名。 | |
2:29 | Koh有拿弗他利ê支族,以南ê kiáⁿ亚希拉做拿弗他利人ê首领。 | |
2:30 | 伊所经过点算ê军队,总共有五万三千四百名。 | |
2:31 | 属但ê营,所有经过点算ê,有十五万七千六百名,tio̍h 归in ê大旗,做路尾队出发。 | |
2:32 | Chiahê是以色列人,照in ê宗族经过点算ê,照in ê军队,tī chiahê营中所有经过点算ê,有六十万三千五百五十名。 | |
2:33 | 总是,利未人无算tī以色列人ê内面,是照上主所命令摩西ê。 | |
2:34 | 以色列人ánne行,ta̍k人照in ê家口,in ê宗族,归in ê大旗,ánne扎营,ánne出发,lóng是照上主所命令摩西ê来行。 |