章节 | 全民台语圣经汉罗经文 | 注释 |
8:1 | 羊羔开第七个封印ê时,天顶恬恬约半点钟。 | 注释 串珠 卢俊义 卢俊义 字典 原文 典藏 |
8:2 | Pûn头四支鼓吹预告ê灾祸然后我看tio̍h hit七个天使khiā tī上帝ê面前,in有领受七支鼓吹。 | 注释 串珠 卢俊义 卢俊义 字典 原文 典藏 |
8:3 | 另外一个天使phâng金香炉,来khiā tòa祭坛边;伊有领受真chē香,to̍h kā众信徒ê祈祷做伙献tī宝座前ê金祭坛顶。 | 注释 串珠 卢俊义 卢俊义 字典 原文 典藏 |
8:4 | 香烟kah众信徒ê祈祷tùi天使ê手chhèng到上帝ê面前。 | 注释 串珠 卢俊义 卢俊义 字典 原文 典藏 |
8:5 | 然后天使phâng hitê香炉,kā祭坛顶ê火贮到满,chiah hiat落去地chiūⁿ。随时to̍h有tân雷ê声、sihnà kah地动。 | 注释 串珠 卢俊义 卢俊义 字典 原文 典藏 |
8:6 | Gia̍h七支鼓吹hit七个天使,准备好势beh pûn。 | 注释 串珠 卢俊义 卢俊义 字典 原文 典藏 |
8:7 | 头一个天使一下pûn,随时有雹kah火chham血piàⁿ落地chiūⁿ;三分之一ê地烧烧去,三分之一ê树木mā烧烧去,所有ê青草mā lóng烧烧去。 | 注释 串珠 卢俊义 卢俊义 字典 原文 典藏 |
8:8 | 第二个天使一下pûn,随时有亲像火teh烧ê大山hiat落海;三分之一ê海变做血, | 注释 串珠 卢俊义 卢俊义 字典 原文 典藏 |
8:9 | 海里所有ê活物有三分之一死去,船只mā有三分之一破去。 | 注释 串珠 卢俊义 卢俊义 字典 原文 典藏 |
8:10 | 第三个天使一下pûn,随时有大粒星tùi天顶lak落来,亲像teh-to̍h ê火把,lak tī三分之一ê江河kah水源。 | 注释 串珠 卢俊义 卢俊义 字典 原文 典藏 |
8:11 | Chit粒星ê名叫做「苦艾」,它hō͘三分之一ê水变苦;真chē人为tio̍h chiahê水死去,因为水变苦。 | 注释 串珠 卢俊义 卢俊义 字典 原文 典藏 |
8:12 | 第四个天使一下pûn,日ê三分之一,月ê三分之一,星ê三分之一lóng受tio̍h攻击,致使日、月,星ê三分之一变做暗。日时三分之一无光,暗时mā三分之一无光。 | 注释 串珠 卢俊义 卢俊义 字典 原文 典藏 |
8:13 | 然后我koh看,有听tio̍h一只tī空中teh飞ê鹰鸟大声讲:「有灾祸à,有灾祸à,tòa tī地chiūⁿê人有灾祸à,因为其他三个天使teh beh koh pûn鼓吹!」 | 注释 串珠 卢俊义 卢俊义 字典 原文 典藏 |