章节 | 全民台语圣经汉罗经文 | 注释 |
1:1 | 请安我是保罗,做上帝ê奴仆kah耶稣基督ê使徒,受选召来帮赞上帝ê选民ê信仰,引chhōa in来bat咱ê信仰所教示ê真理。 | 注释 串珠 卢俊义 原文 典藏 |
1:2 | Chitê信仰hō͘咱对永远ê活命有ǹg望,to̍h是bē讲白贼ê上帝tī万世以前to̍h应允beh hō͘咱ê。 | 注释 串珠 卢俊义 原文 典藏 |
1:3 | 时期若到,to̍h通过信息ê传讲,kā chitê应允显明出来。我有受托,奉咱ê救主上帝ê命令,来宣讲chitê福音。 | 注释 串珠 卢俊义 原文 典藏 |
1:4 | 我写phoe寄hō͘你—提多,tī咱共同ê信仰中,你是我真ê kiáⁿ。愿天父上帝kah咱ê救主基督耶稣,赐你恩典kah平安。 | 注释 串珠 卢俊义 原文 典藏 |
1:5 | 设立长老我留你tī革哩底,是ài你处理hiahê办iáu未清楚ê tāichì,koh照我kā你吩咐ê,tī ta̍k个城市设立长老。 | 注释 串珠 卢俊义 原文 典藏 |
1:6 | 做长老tio̍h行为端正,kantaⁿ一个bó͘,kiáⁿ儿lóng是信徒,无人控告in放荡á是无守法度。 | 注释 串珠 卢俊义 原文 典藏 |
1:7 | 教会ê领导者ná亲像上帝ê管家,tio̍h无骄傲,无快受气,无因为酒醉来惹事,无凶暴,无贪不义ê钱财。 | 注释 串珠 卢俊义 原文 典藏 |
1:8 | Mā tio̍h好款待出外人,gâu做好事,守己、公义、圣洁、节制。 | 注释 串珠 卢俊义 原文 典藏 |
1:9 | 伊一定tio̍h坚守hitê真实koh符合教义ê信息,chiah ē tàng用端正ê教示来劝勉人,mā ē tàng反驳hiahê反对ê人。 | 注释 串珠 卢俊义 原文 典藏 |
1:10 | 纠正背教ê人因为有真chē m̄顺服ê人,to̍h是hiahê讲痟话来欺骗人ê,尤其是主张tio̍h受割礼ê偤太基督徒。 | 注释 串珠 卢俊义 原文 典藏 |
1:11 | 你tio̍h kā chit款人ê嘴塞起来;in为tio̍h贪不义ê钱财,用无应该ê话教示人,来破坏一kóa人ê家庭。 | 注释 串珠 卢俊义 原文 典藏 |
1:12 | In 革哩底人ê一个先知bat ánne讲:「革哩底人不时讲白贼,亲像凶恶ê野兽,贪食koh pîntōaⁿ。」 | 注释 串珠 卢俊义 字典 原文 典藏 |
1:13 | 伊ánne讲是事实,所以,你tio̍h严厉kā in责备,thang hō͘ in有健全ê信仰, | 注释 串珠 卢俊义 原文 典藏 |
1:14 | 无koh听偤太人无影无迹ê传说kah hiahê悖逆真理ê诫命。 | 注释 串珠 卢俊义 原文 典藏 |
1:15 | 对清气ê人来讲,万物lóng是清气;对hiahê污秽kah无信ê人来讲,无一项物是清气,连in ê心思kah良心mā lóng污秽。 | 注释 串珠 卢俊义 原文 典藏 |
1:16 | In kakī 嘴讲bat上帝,m̄ koh,in用行为来否认。In可恶koh悖逆,做bē出啥物好tāichì。 | 注释 串珠 卢俊义 原文 典藏 |