章节 | 全民台语圣经汉罗经文 | 注释 |
4:1 | 对提摩太ê吩咐Tī上帝kah teh beh审判活人kah死人ê基督耶稣ê面前,koh因为基督beh显现再临,我迫切吩咐你: | 注释 串珠 原文 典藏 |
4:2 | tio̍h传福音;无论tio̍h时á是无tio̍h时,lóng tio̍h专心来进行;用各种ê宽容kah教示,来劝勉、警戒kah鼓励。 | 注释 串珠 原文 典藏 |
4:3 | 因为hitê时日beh到,人ēm̄听端正ê教示,颠倒耳孔痒koh照kakī ê私欲,聘请一个koh一个in kah意听ê老师。 | 注释 串珠 原文 典藏 |
4:4 | In oa̍t头m̄听真理,颠倒ài听无影无迹ê传说。 | 注释 串珠 原文 典藏 |
4:5 | 总是,你无论tī啥物环境lóng tio̍h节制,忍受艰苦,做传福音ê工,来尽你ê职份。 | 注释 串珠 原文 典藏 |
4:6 | Taⁿ我牺牲献hō͘上帝ê期已经到à,chit chūn是我离开世间ê时刻。 | 注释 串珠 原文 典藏 |
4:7 | 我已经经历hitê好ê争战,已经完成tio̍h跑走ê路程,已经坚守tio̍h持守ê信仰。 | 注释 串珠 原文 典藏 |
4:8 | Taⁿ公义ê冠冕已经kā我准备好势,to̍h是主做公义ê审判者,tī hit日beh hō͘我。M̄-nā hō͘我ê,mā beh hō͘所有欣慕基督再临显现ê人。 | 注释 串珠 字典 原文 典藏 |
4:9 | 私人ê交带你tio̍h尽量赶紧来我chia。 | 注释 串珠 原文 典藏 |
4:10 | 因为Tê-má贪恋chitê世间,to̍h离开我去帖撒罗尼迦。Ku-lé-su-ke mā去加拉太,提多mā去Ta̍h-má-tia, | 注释 串珠 原文 典藏 |
4:11 | 只有路加kah我tī chia。你tio̍h chhōa马可kah你做伙来,因为伊对我ê工作真有帮赞。 | 注释 串珠 原文 典藏 |
4:12 | 我已经差派推基古去以弗所。 | 注释 串珠 原文 典藏 |
4:13 | 我tī特罗亚ê时留tī Ka-pò͘ in tau ê外衫,你来ê时tio̍h续带来,mā tio̍h kā hiahê册带来,尤其是hiahê羊皮ê册。 | 注释 串珠 字典 原文 典藏 |
4:14 | Phah铜师傅亚力山大kā我害kah真惨,主ē照伊ê所做来kā伊报应。 | 注释 串珠 原文 典藏 |
4:15 | 你kakī mā tio̍h提防,因为伊不止极力反对咱所传ê道理。 | 注释 串珠 原文 典藏 |
4:16 | 我头一pái为kakī 辩解ê时,无人tī我ê身边支持我,众人lóng kā我放sak。愿上帝无kā chitê罪归tī in。 | 注释 串珠 原文 典藏 |
4:17 | M̄ koh,主kah我同在,hō͘我有气力thang充分宣扬信息,hō͘所有ê外邦人lóng听tio̍h。最后我mā tùi狮ê嘴hō͘人救出来。 | 注释 串珠 字典 原文 典藏 |
4:18 | 主ē救我脱离所有ê邪恶,mā ēchhōa我安全进入他tī天顶ê国度。愿荣光归他,一直到永远无尽。阿们! | 注释 串珠 原文 典藏 |
4:19 | 结尾ê请安请替我kā百基拉、亚居拉kah O͘-ne-sí-ho͘h全家请安。 | 注释 串珠 原文 典藏 |
4:20 | Ê-lá-su-toh继续tiàm tī哥林多。To-lô-hui-mô͘因为破病,我kā伊留tī米利都。 | 注释 串珠 原文 典藏 |
4:21 | 你tio̍h尽量tī寒天以前来。Iû-bú-lō͘、Pò͘-tē、Lí-nò͘、Ku-láu-tia kah众兄弟姊妹,lóng beh kā你请安。 | 注释 串珠 原文 典藏 |
4:22 | 愿主kah你ê心神同在!愿上帝ê恩典kah lín同在! | 注释 串珠 原文 典藏 |