章节 | 全民台语圣经汉罗经文 | 注释 |
6:1 | 阮kah主同工,mā kā lín苦劝:M̄-thang枉费tùi上帝领受ê恩典。 | 注释 串珠 原文 典藏 |
6:2 | 上帝讲:我欢喜接纳ê时有听你ê祈求,Tī拯救ê日我有帮赞你。(注:赛49:8) Lín tio̍h听,chit chūn是受接纳ê时,今á日是拯救ê日。 | 注释 串珠 原文 典藏 |
6:3 | 阮无ài人毁谤阮ê服事工作,阮lóng无做阻碍人ê tāichì。 | 注释 串珠 原文 典藏 |
6:4 | 阮颠倒用siōng大ê忍耐,一切lóng通过患难、艰难kah困苦,来证明阮是上帝ê奴仆。 | 注释 串珠 原文 典藏 |
6:5 | 阮hông phah,hông关落监,hō͘暴民扰乱;阮劳苦、无困、无食。 | 注释 串珠 字典 原文 典藏 |
6:6 | 阮用纯洁、智识、宽容、仁慈,kah óa靠圣神,用真诚ê疼心、 | 注释 串珠 原文 典藏 |
6:7 | 真理ê信息kah上帝ê权能,来表明阮是上帝ê奴仆。阮用正义做武器攻击对敌,保护kakī 。 | 注释 串珠 原文 典藏 |
6:8 | 阮受尊重mā受侮辱,得tio̍h pháiⁿ名声mā得tio̍h好名声;阮hō͘人看做ná pián仙á,其实阮lóng讲诚实话。 | 注释 串珠 原文 典藏 |
6:9 | kahná无人bat阮,其实人人lóng bat;hō͘人看做kahná死去,其实阮iáu活leh;阮虽然受刑罚,mā无hō͘人thâi死。 | 注释 串珠 原文 典藏 |
6:10 | 虽然有烦恼,其实tiāⁿ-tiāⁿ 有喜乐;虽然sànchhiah,其实hō͘真chē人好额;kahná无半项,其实ta̍k项lóng有。 | 注释 串珠 原文 典藏 |
6:11 | 哥林多ê朋友,阮ê心胸已经phah开,开嘴teh对lín讲话。 | 注释 串珠 原文 典藏 |
6:12 | 阮m̄ bat对lín无度量,是lín kakī 无度量。 | 注释 串珠 原文 典藏 |
6:13 | 我kā lín当做kakī ê kiáⁿ teh对lín讲,lín tio̍h学阮ê款式,kā lín ê心胸放khah开阔。 | 注释 串珠 原文 典藏 |
6:14 | Tio̍h提防异教ê影响M̄-thang kah无信ê人牵连交chhap。义kah不义kám ē tàng做伙?光明kah乌暗kám ē tàng互相来往? | 注释 串珠 字典 原文 典藏 |
6:15 | 基督kah魔鬼ná ē tàng和好?信kah无信ê人有啥物共通ê所在? | 注释 串珠 原文 典藏 |
6:16 | 上帝ê殿kah偶像ná ē tàng排做伙?咱是永远活ê上帝ê殿。照上帝所讲:我beh kah我ê子民做伙tòa,tī in中间行踏。我beh做in ê上帝,in mā beh做我ê子民。(注:利26:11-12) | 注释 串珠 字典 原文 典藏 |
6:17 | 所以,主讲:Lín tio̍h tùi in中间出去,kah in分离。M̄-thang摸无清气ê物,我to̍hē kā lín接纳。(注:赛52:11;结20:34, 41) | 注释 串珠 原文 典藏 |
6:18 | 我beh做lín ê天父, Lín beh做我ê kiáⁿ儿。这是全能ê主讲ê。(注:撒下 7:14) | 注释 串珠 原文 典藏 |