章节 | 全民台语圣经汉罗经文 | 注释 |
1:1 | 请安我是保罗,奉上帝ê旨意做基督耶稣ê使徒。我kah兄弟提摩太写phoe hō͘ tī哥林多上帝ê教ē kah全亚该亚所有ê信徒。 | 注释 串珠 原文 典藏 |
1:2 | 愿咱ê天父上帝kah主耶稣基督,赏赐hō͘ lín恩典kah平安! | 注释 串珠 原文 典藏 |
1:3 | 保罗感谢上帝咱tio̍h oló主耶稣基督ê父上帝,他是仁慈ê天父,赏赐ta̍k款安慰ê上帝。 | 注释 串珠 原文 典藏 |
1:4 | Tī咱一切ê患难中,他安慰咱,hō͘咱ē tàng用上帝对咱ê安慰来安慰hiahê tú tio̍h患难ê人。 | 注释 串珠 原文 典藏 |
1:5 | Tú亲像咱kah基督做伙受种种ê苦难,咱mā通过基督受tio̍h hiahni̍h chē ê安慰。 | 注释 串珠 原文 典藏 |
1:6 | 阮若tú tio̍h患难,是beh hō͘ lín得tio̍h安慰kah拯救;阮若得tio̍h安慰,mā是beh hō͘ lín得tio̍h安慰,thang有气力来忍受kah阮仝款ê苦难。 | 注释 串珠 原文 典藏 |
1:7 | 阮对lín ê ǹg望bē摇动,因为阮知lín kah阮做伙受苦,lín mā ē kah阮仝款受安慰。 | 注释 串珠 原文 典藏 |
1:8 | 兄弟姊妹,阮ài lín知阮tī亚西亚省所tú ・tio̍h ê患难;阮所担ê担非常重,重kah担bē起,soah kiōng-beh活bē落去。 | 注释 串珠 原文 典藏 |
1:9 | 阮感觉已经hō͘人判死刑。总是,chit项tāichì是beh hō͘阮无óa靠kakī ,只有óa靠hō͘死人koh活ê上帝。 | 注释 串珠 原文 典藏 |
1:10 | 上帝有救阮脱离死亡,将来mā ēkoh救阮;阮确信他将来mā ēkoh再救阮。 | 注释 串珠 原文 典藏 |
1:11 | Lín mā tio̍h替阮祈祷来帮赞阮。Án-ne,有真chē人为阮祈祷hō͘阮蒙恩,mā有真chē人为tio̍h阮得tio̍h祝福来感谢上帝。 | 注释 串珠 原文 典藏 |
1:12 | 保罗说明伊改变计画阮所夸口ê to̍h是:阮ê良心证明阮tī世间teh生活lóng是照上帝ê圣洁kah诚实;m̄是óa靠人ê智慧,是óa靠上帝ê恩典;阮对待lín koh khah是ánne。 | 注释 串珠 原文 典藏 |
1:13 | 阮写hō͘ lín ê lóng是lín读了ē了解ê,我ǹg望lín到尾lóng ē彻底了解。 | 注释 串珠 原文 典藏 |
1:14 | Án-ne,tī咱ê主耶稣再临ê日,lín会做阮ê夸口,阮mā ē做lín ê夸口。 | 注释 串珠 原文 典藏 |
1:15 | 因为有chitê确信,我chiah决定先来访问lín,hō͘ lín thang重新koh再得tio̍h祝福。 | 注释 串珠 原文 典藏 |
1:16 | 我计画去马其顿ê时经过lín hia,tńg来ê时mā tùi lín hia经过,thang hō͘ lín送我出发去偤太省。 | 注释 串珠 原文 典藏 |
1:17 | 我chitê计画kám是chhìn-chhái做ê?Kám是照kakī 自私ê动机?Liâm-piⁿ讲:「是」,koh liâmpiⁿ讲:「M̄是。」? | 注释 串珠 原文 典藏 |
1:18 | 上帝是信实ê,阮对lín答应ê话mā m̄是liâmpiⁿ「是」,koh liâmpiⁿ「m̄是」。 | 注释 串珠 原文 典藏 |
1:19 | 因为西拉、提摩太kah我传hō͘ lín ê hit位上帝ê Kiáⁿ耶稣基督并m̄是liâmpiⁿ「是」,koh liâmpiⁿ「m̄是」ê。在tī耶稣基督只有「是」niā-niā。 | 注释 串珠 原文 典藏 |
1:20 | 上帝一切ê应允在tī耶稣基督lóng成做「是」,所以,咱通过他讲:「阿们」,来荣光上帝。 | 注释 串珠 原文 典藏 |
1:21 | Hō͘阮kah lín来kah基督结联ê是上帝,koh是上帝本身拣选咱成做他ê子民。 | 注释 串珠 原文 典藏 |
1:22 | 他mā kā咱盖印做记号,koh赏赐圣神tī咱ê心内做担保。 | 注释 串珠 字典 原文 典藏 |
1:23 | 我用kakī ê性命祈求上帝做见证。我是为tio̍h lín设想chiah无去哥林多。 | 注释 串珠 原文 典藏 |
1:24 | 阮m̄是teh强制lín tio̍h信啥物,颠倒是teh做lín ê同工,thang hō͘ lín欢喜,因为lín ê信仰有khiā在。 | 注释 串珠 原文 典藏 |