章节 | 全民台语圣经汉罗经文 | 注释 |
12:1 | 圣神ê恩赐兄弟姊妹,关系圣神ê赏赐,我ài lín了解khah清楚。 | 注释 串珠 原文 典藏 |
12:2 | Lín知,lín iáu未信主ê时,chhut-chāi人引诱去拜bē讲话ê偶像。 | 注释 串珠 字典 原文 典藏 |
12:3 | 所以,我ài lín明白,受上帝ê圣神感动ê人bē讲「耶稣tio̍h受咒诅」;无受圣神感动ê人mā bē讲「耶稣是主」。 | 注释 串珠 原文 典藏 |
12:4 | 恩赐有无仝,m̄ koh,赏赐恩赐ê圣神是仝一个。 | 注释 串珠 原文 典藏 |
12:5 | 服事有真chē款,m̄ koh,是服事仝一个主。 | 注释 串珠 原文 典藏 |
12:6 | 工作有真chē款,m̄ koh,hō͘人有能力去做ta̍k项tāichì ê是仝一个上帝。 | 注释 串珠 原文 典藏 |
12:7 | 圣神显明tī ta̍k人身上,虽然一人一款,m̄ koh,目的lóng是为tio̍h beh hō͘众人得tio̍h利益。 | 注释 串珠 原文 典藏 |
12:8 | 有人tùi圣神得tio̍h传福音ê智慧,有人tùi仝一个圣神得tio̍h智识。 | 注释 串珠 原文 典藏 |
12:9 | 有人tùi仝一个圣神得tio̍h信心,有人tùi仝一个圣神得tio̍h医病ê恩赐。 | 注释 串珠 原文 典藏 |
12:10 | 有人得tio̍h行神迹ê能力,有人得tio̍h传上帝福音ê恩赐,有人得tio̍h分别ta̍k种神灵ê恩赐,有人得tio̍h讲各种话语ê恩赐,koh有人得tio̍h翻译各种话语ê恩赐。 | 注释 串珠 原文 典藏 |
12:11 | Chiahê lóng是仝一个圣神teh运作,照他kakī ê意思kā无仝ê恩赐分hō͘ ta̍k人。 | 注释 串珠 原文 典藏 |
12:12 | 一个身躯有真Chē肢体亲像身躯是一个,m̄ koh有真chē肢体。身躯ê肢体虽然真chē,身躯却只有一个;基督mā是ánne。 | 注释 串珠 原文 典藏 |
12:13 | 无论偤太人á是希腊人,奴隶á是自由ê,咱lóng tùi仝一个圣神领受洗礼来成做一体,mā共同领受仝一个圣神。 | 注释 串珠 原文 典藏 |
12:14 | 身躯m̄是kantaⁿ一个肢体,是有真chē肢体。 | 注释 串珠 原文 典藏 |
12:15 | 脚若讲:「我m̄是手,所以,无属身躯。」脚bē因为ánneto̍h无属身躯。 | 注释 串珠 原文 典藏 |
12:16 | 耳á若讲:「我m̄是目chiu ,所以,无属身躯。」耳á bē因为ánneto̍h无属身躯。 | 注释 串珠 原文 典藏 |
12:17 | 全身躯若lóng是目chiu ,beh用啥物来听?全身躯若lóng是耳á,beh用啥物来鼻? | 注释 串珠 原文 典藏 |
12:18 | 其实,上帝照他ê旨意,kā ta̍k个肢体随个安置tī身躯。 | 注释 串珠 原文 典藏 |
12:19 | 若百体lóng仝款,ná ē tàng成做一个身躯? | 注释 串珠 原文 典藏 |
12:20 | 身躯虽然有百体,身躯却是kantaⁿ一个。 | 注释 串珠 原文 典藏 |
12:21 | 目chiu bē tàng对手讲:「我无需要你。」头壳mā bē tàng对脚讲:「我无需要lín。」 | 注释 串珠 原文 典藏 |
12:22 | 其实hiahê看起来khah软chiáⁿ ê肢体,颠倒koh khah有必要。 | 注释 串珠 原文 典藏 |
12:23 | 咱看做khah无贵气ê肢体,颠倒tio̍h kā in khah照顾;hiahê khah pháiⁿ看ê肢体,咱颠倒tio̍h kā in khah关心。 | 注释 串珠 原文 典藏 |
12:24 | Hiahê khah好看ê肢体无需要打扮。上帝kā身躯安置好势,hō͘ hiahê khah无重要ê肢体koh khah受尊重。 | 注释 串珠 原文 典藏 |
12:25 | Án-ne,chiah hō͘身躯bē分裂,颠倒hō͘百体互相照顾。 | 注释 串珠 原文 典藏 |
12:26 | 一个肢体若受苦,百体to̍h同受苦;一个肢体若得tio̍h荣光,百体to̍h做伙欢喜。 | 注释 串珠 原文 典藏 |
12:27 | Lín是基督ê身躯,ta̍k人是基督身躯ê肢体。 | 注释 串珠 原文 典藏 |
12:28 | 上帝tī教会所安置ê,第一是使徒,第二是先知,第三是教师,koh有行神迹ê,有医病恩赐ê,帮赞人ê,治理事务ê,讲ta̍k种话语ê。 | 注释 串珠 原文 典藏 |
12:29 | Ta̍k人kám lóng是使徒?Lóng是先知?Lóng是教师?Lóng是行神迹ê? | 注释 串珠 原文 典藏 |
12:30 | Kám lóng有医病ê恩赐?Kám lóng ē讲ta̍k种ê话语?Kám lóng ē翻译无仝ê话语? | 注释 串珠 原文 典藏 |
12:31 | Lín tio̍h迫切欣慕koh khah大ê恩赐。Taⁿ我kā lín指示一条siōng好ê路。 | 注释 串珠 字典 原文 典藏 |