章节 | 全民台语圣经汉罗经文 | 注释 |
10:1 | 警戒拜偶像兄弟姊妹,我ài lín ē记得咱ê祖先lóng跟tòe摩西,tī云ê保护之下过红海。 | 注释 串珠 原文 典藏 |
10:2 | In tī云中kah海里,领受洗礼归tī摩西。 | 注释 串珠 原文 典藏 |
10:3 | In lóng食仝款属灵ê食物,lóng lim仝款属灵ê泉水。 | 注释 串珠 原文 典藏 |
10:4 | Chitê泉水是tùi kah in同行ê hit块石磐流出;hit块石磐to̍h是基督。 | 注释 串珠 原文 典藏 |
10:5 | M̄ koh,in中间真chē人hō͘上帝无欢喜,所以lóng受毁灭,身尸倒kah kui旷野。 | 注释 串珠 原文 典藏 |
10:6 | Taⁿ chiahê tāichì hō͘咱做鉴戒,警戒咱m̄ thang亲像in ánne ài做pháiⁿ tāichì。 | 注释 串珠 原文 典藏 |
10:7 | Lín m̄ thang亲像in中间一kóa人去拜偶像。照记载:众人坐落去to̍h大lim大食,khiā起来to̍h颠狂跳舞。(注:出32:6) | 注释 串珠 原文 典藏 |
10:8 | 咱mā m̄ thang亲像in中间有一kóa人犯奸淫,soah一日死二万三千人。 | 注释 串珠 原文 典藏 |
10:9 | 咱mā m̄ thang亲像in中间一kóa人试探主,soah hō͘蛇咬死。 | 注释 串珠 字典 原文 典藏 |
10:10 | Lín mā m̄ thang亲像in中间一kóa人nga̍uh-nga̍uh念,soah hō͘执行毁灭ê天使kā in剿灭。 | 注释 串珠 原文 典藏 |
10:11 | In所tú ・tio̍h ê chiahê tāichì thang做人ê鉴戒,koh有记载落来,thang警戒咱chiahê活tī末世ê人。 | 注释 串珠 原文 典藏 |
10:12 | 所以,kakī 想讲khiā在ê人tio̍h谨慎,chiah bē跋倒。 | 注释 串珠 原文 典藏 |
10:13 | Lín所tú ・tio̍h ê试探,lóng是人tiāⁿ-tiāⁿ 会tú ・tio̍h ê。上帝是信实,他bē hō͘ lín tú tio̍h担当bē起ê试炼;lín tī受试炼ê时,他ē kā lín开一条路,hō͘ lín忍受ē tiâu。 | 注释 串珠 原文 典藏 |
10:14 | 避免拜偶像来荣光上帝所以,亲爱ê兄弟姊妹,tio̍h闪避拜偶像ê tāichì。 | 注释 串珠 原文 典藏 |
10:15 | 我kā lín当做bat情理ê人teh kā lín讲。我所讲ê话,lín tio̍h kakī 判断。 | 注释 串珠 原文 典藏 |
10:16 | 咱teh lim hitê祝谢ê杯,kám m̄是teh分享基督ê血?咱teh食hitê peh开ê饼,kám m̄是teh分享基督ê身躯? | 注释 串珠 字典 原文 典藏 |
10:17 | 因为饼kantaⁿ一块,咱虽然真chē人,iáu koh是一体,因为咱做伙食仝一块饼。 | 注释 串珠 字典 原文 典藏 |
10:18 | 用照肉体ê以色列人做例,hiahê食祭物ê人kám m̄是kah祭坛有关系? | 注释 串珠 字典 原文 典藏 |
10:19 | Án-ne,我是teh讲啥物?Kám是teh讲偶像kah祭物有啥物要紧? | 注释 串珠 字典 原文 典藏 |
10:20 | M̄是,我是teh讲外邦人所祭ê是teh祭鬼,m̄是teh祭上帝;我无ài lín kah鬼交chhap。 | 注释 串珠 原文 典藏 |
10:21 | Lín bē tàng lim主ê杯mā lim鬼ê杯;bē tàng参加主ê宴席koh参加鬼ê宴席。 | 注释 串珠 字典 原文 典藏 |
10:22 | 咱是beh激主受气,是无?咱kám ē比主khah强? | 注释 串珠 原文 典藏 |
10:23 | 有人讲:「Ta̍k项tāichì lóng thang做」,总是,m̄是ta̍k项lóng有利益。虽然讲ta̍k项tāichì lóng thang做,总是,无lóng对人有帮赞。 | 注释 串珠 原文 典藏 |
10:24 | M̄-thang求kakī ê利益,tio̍h求别人ê利益。 | 注释 串珠 原文 典藏 |
10:25 | 市场teh卖ê物lóng thang食,m̄免为tio̍h良心ê缘故问东问西。 | 注释 串珠 原文 典藏 |
10:26 | 因为经典有讲:地kah地chiūⁿê万物lóng是主ê。(注:诗24:1) | 注释 串珠 原文 典藏 |
10:27 | 若有未信者请lín食饭,lín若去,排tī lín面前ê物lóng thang食。m̄免为tio̍h良心ê缘故来问东问西。 | 注释 串珠 原文 典藏 |
10:28 | 若有人kā lín讲:「Chiahê食物有祭过偶像。」Án-ne,为tio̍h hitê kā lín讲ê人kah良心ê缘故,lín to̍hm̄ thang食。 | 注释 串珠 原文 典藏 |
10:29 | 我所讲ê是指hitê人ê良心,m̄是lín ê良心。Lín无定tio̍h ē问讲:「我ê自由是án怎tio̍h hō͘别人ê良心来支配? | 注释 串珠 原文 典藏 |
10:30 | 我若用感恩ê心来食hitê祭过偶像ê物,ná tio̍h hō͘人指责?」 | 注释 串珠 原文 典藏 |
10:31 | 所以,lín无论是食是lim á是做啥物,lóng应该为tio̍h荣光上帝来做。 | 注释 串珠 原文 典藏 |
10:32 | 无论是对偤太人、希腊人á是上帝ê教会,lín lóng m̄ thang成做in ê阻碍。 | 注释 串珠 原文 典藏 |
10:33 | Lín tio̍h照我ê模样去做。为tio̍h beh hō͘众人欢喜,我m̄ bat求kakī ê利益,lóng是求众人ê利益,thang hō͘ in得救。 | 注释 串珠 原文 典藏 |