章节 | 全民台语圣经汉罗经文 | 注释 |
21:1 | 保罗去耶路撒冷阮kah in离别了后to̍h开船,一直到Ko-chū;隔tńg工来到Lô-tí,tùi hia koh去到Pha-ta-lah。 | 注释 串珠 原文 典藏 |
21:2 | 阮tī hia tú tio̍h一只船beh去腓尼基,to̍h chiūⁿhit只船出发。 | 注释 串珠 字典 原文 典藏 |
21:3 | 阮来到看ētio̍h居比路ê时,to̍h tùi正pêng驶过去到叙利亚。阮tī推罗落船,因为船tī hia卸货。 | 注释 串珠 字典 原文 典藏 |
21:4 | 阮chhōe tio̍h一kóa信徒,kah in tòa七日。In得tio̍h圣神ê指示,劝保罗m̄ thang上耶路撒冷。 | 注释 串珠 原文 典藏 |
21:5 | 七日了后,阮出发继续阮ê路程。众人chhōa bó͘-kiáⁿ送阮到城外,大家lóng跪落去,tī海边祈祷。 | 注释 串珠 原文 典藏 |
21:6 | 互相相辞了后,阮上船,in tńg去in tau。 | 注释 串珠 字典 原文 典藏 |
21:7 | 阮继续坐船tùi 推罗来到To-lé-mái,kā hia ê信徒请安,kah in tòa一日。 | 注释 串珠 原文 典藏 |
21:8 | 隔tńg工,阮出发来到该撒利亚,tī hia tòa tī传福音ê腓力ê厝;伊是耶路撒冷hit七个执事之一。 | 注释 串珠 原文 典藏 |
21:9 | 伊有四个chabó͘ kiáⁿ,lóng是在室女,mā lóng做先知。 | 注释 串珠 原文 典藏 |
21:10 | 阮tòa hia几nā日ê中间,有一个tùi偤太落来ê先知,名叫做A-ga-bó͘。 | 注释 串珠 原文 典藏 |
21:11 | 伊来chhōe阮,the̍h保罗ê腰带来缚kakī ê脚手,讲:「圣神ánne讲:『偤太人tī耶路撒冷,ē ánne缚chit条腰带ê主人,然后交hō͘外邦人ê手。』」 | 注释 串珠 字典 原文 典藏 |
21:12 | 阮一下听tio̍h,to̍h kah hit所在ê人劝保罗m̄ thang上耶路撒冷。 | 注释 串珠 原文 典藏 |
21:13 | 保罗to̍h应讲:「Lín ná ē啼哭来hō͘我ê心烦?我为tio̍h主耶稣ê名,m̄ nā受缚,甚至死tī耶路撒冷mā甘愿。」 | 注释 串珠 原文 典藏 |
21:14 | 伊m̄受苦劝,阮to̍h soah去,kantaⁿ讲:「愿主ê旨意实现!」 | 注释 串珠 原文 典藏 |
21:15 | 几nā日了后,阮kā行李准备好势,to̍h chiūⁿ耶路撒冷。 | 注释 串珠 原文 典藏 |
21:16 | 一kóa tùi该撒利亚来ê信徒kah阮做伙去,in chhōa阮去tòa一个居比路人Ná-sun in tau;伊是早期ê信徒。 | 注释 串珠 原文 典藏 |
21:17 | 保罗访问雅各阮来到耶路撒冷,信徒热烈kā阮欢迎。 | 注释 串珠 原文 典藏 |
21:18 | 隔tńg工,保罗kah阮去访问雅各,众长老mā lóng做伙tī hia。 | 注释 串珠 原文 典藏 |
21:19 | 保罗kā in请安了后,to̍h kā上帝通过伊tī外邦人中间所做ê工作,一项一项对in报告。 | 注释 串珠 原文 典藏 |
21:20 | In听tioh8to̍h oló上帝,mā对保罗讲:「兄弟,你知有几nā万偤太人成做信徒,in lóng真热心teh遵守律法。 | 注释 串珠 原文 典藏 |
21:21 | In bat听人讲你教示tòa tī外国ê偤太人放弃摩西ê律法,m̄免kā in ê gín-á行割礼,mā m̄免遵守偤太人ê规例。 | 注释 串珠 原文 典藏 |
21:22 | In一定ē听tio̍h你来chia ê消息,taⁿ beh án怎chiah好? | 注释 串珠 原文 典藏 |
21:23 | Taⁿ你tio̍h照阮kā你讲ê去做。阮chia有四个人有下愿。 | 注释 串珠 原文 典藏 |
21:24 | 你chhōa in做伙去参加洁净礼,出所费hō͘ in thang剃头,ánne众人to̍h ē知,in所听tio̍h关系你ê tāichì m̄是事实,thang hō͘ in知,你本身mā是有teh守摩西ê律法。 | 注释 串珠 原文 典藏 |
21:25 | 论到信主ê外邦人,阮已经有寄phoe kā in讲阮ê裁决:m̄ thang食祭过偶像ê物、血kah捏死ê chengseⁿ,mā m̄ thang淫乱。」 | 注释 串珠 原文 典藏 |
21:26 | 隔tńg工,保罗to̍h chhōa hit四个人去参加洁净礼,然后入去圣殿报告洁净礼满ê日期,thang为in ta̍k人献祭物。 | 注释 串珠 字典 原文 典藏 |
21:27 | 保罗tī圣殿Hông掠去七日ê期teh beh满ê时,tùi亚西亚省来ê偤太人看tio̍h保罗tī圣殿,to̍h 煽动群众来kā伊掠, | 注释 串珠 字典 原文 典藏 |
21:28 | 大声hoah:「以色列人,来tàu脚手!Chitê人tī ta̍k所在教示群众,攻击以色列人kah摩西ê律法,mā反对chitê圣殿。Chit-má伊koh敢chhōa希腊人入来圣殿,污秽chitê神圣ê所在。」 | 注释 串珠 字典 原文 典藏 |
21:29 | 因为in bat看tio̍h以弗所人To-lô-hui-mô͘ kah伊tī城内,想讲保罗有chhōa伊入去圣殿。 | 注释 串珠 字典 原文 典藏 |
21:30 | 全城起扰乱,民众lóng走óa来掠保罗,kā伊拖出去圣殿外口,殿ê门随时关起来。 | 注释 串珠 字典 原文 典藏 |
21:31 | In tú想behthâi保罗ê时,有消息传到罗马军队ê营长,讲全耶路撒冷teh起扰乱。 | 注释 串珠 原文 典藏 |
21:32 | 营长随时chhōa兵kah军官来到民众hia。In看tio̍h军官kah兵to̍h停手,无koh phah保罗。 | 注释 串珠 原文 典藏 |
21:33 | 军官óa去掠保罗,命令用两条铁链á kā伊链起来,koh问伊是啥人,有做啥物tāichì。 | 注释 串珠 字典 原文 典藏 |
21:34 | 民众一个hoah一款,因为乱chhau-chhau,军官无法度知影实际情形,to̍h命令kā保罗押入去营房。 | 注释 串珠 原文 典藏 |
21:35 | 来到坎á ê时,因为群众挨kheh真hiông,兵á soah tio̍h kā保罗扛起lí。 | 注释 串珠 字典 原文 典藏 |
21:36 | 群众tòe tī后面,大声hoah:「Hō͘伊死!」 | 注释 串珠 原文 典藏 |
21:37 | 保罗为kakī 辩护保罗beh hō͘ in押入去营房ê时,对军官讲:「我有一句话beh kā你讲,thang无?」军官讲:「你bat希腊话oh? | 注释 串珠 原文 典藏 |
21:38 | Án-ne,你to̍h是hitê前日起扰乱ê时,chhōa四千个杀手出去旷野ê埃及人lò͘?」 | 注释 串珠 原文 典藏 |
21:39 | 保罗应讲:「我是偤太人,出世tī 基利家 ê大数,是一个不止出名ê城市ê公民。求你准我对民众讲话。」 | 注释 串珠 原文 典藏 |
21:40 | 军官准伊,保罗to̍h khiā tī崎á顶,对民众比手势。群众随时恬落来,保罗to̍h用希伯来话对in讲话。 | 注释 串珠 字典 原文 典藏 |