章节 | 全民台语圣经汉罗经文 | 注释 |
19:1 | 保罗tī以弗所亚波罗tī哥林多ê时,保罗经过内陆ê地区,来到以弗所,tī hia tú tio̍h几nā个门徒。 | 注释 串珠 原文 典藏 |
19:2 | 保罗问in讲:「Lín信主ê时kám有领受圣神?」In应讲:「阮到taⁿ lóng m̄ bat听过有圣神ê tāichì。」 | 注释 串珠 原文 典藏 |
19:3 | 保罗koh问讲:「Án-ne,lín领受啥物款ê洗礼?」Into̍h讲:「约翰ê洗礼。」 | 注释 串珠 原文 典藏 |
19:4 | 保罗讲:「约翰行悔改ê洗礼,伊叫以色列人tio̍h信tòe伊后面来ê hit位,to̍h是tio̍h信耶稣。」 | 注释 串珠 原文 典藏 |
19:5 | Hiahê人听tio̍h,to̍h奉主耶稣ê名领受洗礼。 | 注释 串珠 原文 典藏 |
19:6 | 保罗kā in hōaⁿ手,圣神就临到tī in身上,in随时讲卷舌话,koh宣讲上帝ê信息。 | 注释 串珠 原文 典藏 |
19:7 | In总共差不多有十二个人。 | 注释 串珠 原文 典藏 |
19:8 | 保罗连续三月日,入去会堂好胆传道,kah人辩论上帝国度ê tāichì来苦劝人信主。 | 注释 串珠 字典 原文 典藏 |
19:9 | M̄ koh,有一kóa人固执m̄信,tī群众ê面前亵渎主ê道路。保罗to̍h chhōa门徒离开in,ta̍k日tī Tu-la̍h-nô͘ ê讲堂kah人辩论。 | 注释 串珠 字典 原文 典藏 |
19:10 | Án-ne继续两年,hō͘所有tòa tī亚西亚省ê人,无论偤太人á是希腊人,lóng有听tio̍h主ê道理。 | 注释 串珠 原文 典藏 |
19:11 | 士基瓦ê Kiáⁿ上帝用保罗ê手,行非常稀罕ê神迹。 | 注释 串珠 原文 典藏 |
19:12 | 甚至有人the̍h保罗用过ê手巾á á是围su裙,hē tī病人ê身上,in ê病to̍h好去,邪神mā tùi in身上出去。 | 注释 串珠 字典 原文 典藏 |
19:13 | Hit时,有几nā个行江湖teh赶鬼ê偤太人,mā想beh借主耶稣ê名。In对hiahê hō͘邪神附身ê人讲:「我奉保罗所传ê耶稣ê名,命令你tùi hitê人ê身躯出去!」 | 注释 串珠 原文 典藏 |
19:14 | 偤太ê祭司长士基瓦ê七个kiáⁿ,mā teh做chit款tāichì。 | 注释 串珠 原文 典藏 |
19:15 | Hitê邪神应讲:「耶稣我bat,保罗我mā bat。Á lín leh,lín是啥物人?」 | 注释 串珠 原文 典藏 |
19:16 | Hitê hō͘邪神附身ê人,to̍h óa去攻击hiahê行江湖ê人,kā in制伏,hō͘ in tio̍h伤,koh thǹgpaktheh tùi hit间厝逃走。 | 注释 串珠 原文 典藏 |
19:17 | Tòa tī以弗所ê偤太人kah希腊人听tio̍h chit项tāichì,lóng tio̍h惊。主耶稣ê名就ánne大大受尊重。 | 注释 串珠 原文 典藏 |
19:18 | 有真chē已经信ê人出来公开承认,koh讲起in过去所做ê tāichì。 | 注释 串珠 原文 典藏 |
19:19 | Mā有真chē行邪术ê人,the̍h in ê册来khǹg做伙,tī群众ê面前放火烧。In经过点算hiahê册ê价值,差不多有五万个银币。 | 注释 串珠 字典 原文 典藏 |
19:20 | 亲像ánne,主ê道理一直传开,大大兴旺起来。 | 注释 串珠 原文 典藏 |
19:21 | Tī以弗所ê暴动Chiahê tāichì了后,保罗受圣神ê指示,决定beh经过马其顿kah 亚该亚,去耶路撒冷。伊讲:「到hia了后,我mā tio̍h去看罗马。」 | 注释 串珠 原文 典藏 |
19:22 | 伊to̍h差两 个助手,提摩太kah Ê-lá-su-toh去马其顿,伊kakī 暂时留tòa亚西亚省。 | 注释 串珠 原文 典藏 |
19:23 | Hit时,为tio̍h主ê道,tī以弗所有引起严重ê扰乱。 | 注释 串珠 原文 典藏 |
19:24 | 有一个名叫做底米丢ê phah银师傅,伊用银做亚底米女神庙ê模型。伊hō͘ hiahê师傅thàn bē少钱。 | 注释 串珠 字典 原文 典藏 |
19:25 | 底米丢kā hiahê师傅kah所有ê同业聚集óa来,kā in讲:「各位,lín知咱是óa靠chitê手艺teh thàn钱。 | 注释 串珠 原文 典藏 |
19:26 | Taⁿ chitê保罗,m̄ nā tī以弗所,mā tī差不多全亚西亚省,用伊ê讲道来迷惑真chē人,讲用人ê手所做ê lóng m̄是神明。这是lín所看tio̍h,所听tio̍h ê。 | 注释 串珠 原文 典藏 |
19:27 | Án-ne落去,m̄ nā咱chit款行业会phah-pháiⁿ名声,有hō͘人看轻ê危险,连大女神亚底米ê庙mā ē hō͘人看轻。全亚西亚省kah天下所拜ê亚底米女神会失去她ê尊严!」 | 注释 串珠 字典 原文 典藏 |
19:28 | 群众一下听tio̍h chiahê话to̍h非常受气,大声hoah:「伟大ah!以弗所人ê 亚底米!」 | 注释 串珠 原文 典藏 |
19:29 | 全城to̍h起扰乱。众人掠tio̍h保罗ê同伴—马其顿人该犹kah 亚里达古,kui阵人做一下kheh入去戏园。 | 注释 串珠 字典 原文 典藏 |
19:30 | 保罗想beh入去群众ê内面,门徒kā伊阻挡。 | 注释 串珠 原文 典藏 |
19:31 | 亚西亚省有几nā个官长是保罗ê朋友,in mā差人来劝保罗m̄ thang冒险入去戏园。 | 注释 串珠 字典 原文 典藏 |
19:32 | Hit时,kui 个会场乱chhau-chhau,一个人hoah一款,大部分ê人m̄知in是án怎teh聚集。 | 注释 串珠 原文 典藏 |
19:33 | 群众中间有人kā扰乱ê责任归hō͘亚力山大,因为偤太人kā伊sak去头前。亚力山大比手势叫in安静,想beh对in辩解。 | 注释 串珠 原文 典藏 |
19:34 | 众人一下认出伊是偤太人,to̍h齐声hoah:「伟大ah!以弗所人ê 亚底米!」Án-ne一直hoah,差不多hoah两点钟。 | 注释 串珠 原文 典藏 |
19:35 | 城ê书记官hō͘群众安静了后,to̍h讲:「以弗所人,啥人m̄知以弗所人ê城是大亚底米 ê庙kah tùi天顶lak落来hit块圣石ê守护者? | 注释 串珠 原文 典藏 |
19:36 | 既然无人ē tàng否认chit项tāichì,lín tio̍h安静,m̄ thang 仓pōng。 | 注释 串珠 原文 典藏 |
19:37 | 何况chiahê人无偷the̍h庙内ê物,mā无毁谤咱ê女神,lín竟然拖in来chia。 | 注释 串珠 原文 典藏 |
19:38 | 底米丢kah hiahê óa伊ê师傅若beh控告in,有开庭ê日期,mā有总督,大家thang tòa hia相告。 | 注释 串珠 原文 典藏 |
19:39 | Lín若iáu有别项tāichì,thang tī定期ê会议来解决。 | 注释 串珠 原文 典藏 |
19:40 | 今á日所发生ê扰乱,恐惊bē免得ē hō͘人查问,咱mā无理由thang辩解。」 | 注释 串珠 原文 典藏 |
19:41 | 讲soah,伊to̍h宣布散会。 | 注释 串珠 原文 典藏 |