| 章节 | 全民台语圣经汉罗经文 | 注释 |
| 7:1 | 司提反ê答辩大祭司to̍h讲：「Chiahê tāichì kám是ánne？」 | 注释 串珠 原文 典藏 |
| 7:2 | 司提反讲：「各位父老兄弟，请听，咱ê祖先亚伯拉罕iáu未徙去哈兰以前，iáu tòa tī米所波大米ê时，荣光ê上帝对伊显现， | 注释 串珠 原文 典藏 |
| 7:3 | kā伊讲：『离开你ê故乡kah亲族，去我beh kā你指示ê所在。』(注：创12：1) | 注释 串珠 原文 典藏 |
| 7:4 | 亚伯拉罕to̍h离开迦勒底人ê所在，去tòa tī哈兰。伊ê老父死了后，上帝hō͘伊tùi hia徙到lín chitmá teh tòa ê所在。 | 注释 串珠 原文 典藏 |
| 7:5 | Tī chia，上帝并无hō͘伊产业，连khiā脚ê所在都无。虽然hit时伊iáu未有kiáⁿ，上帝应允beh赐hō͘伊chitê土地，thang做伊kah kiáⁿ孙ê产业。 | 注释 串珠 原文 典藏 |
| 7:6 | 上帝有ánne kā伊讲：『你ê kiáⁿ孙ē出外去tī外国，做人ê奴隶受pháiⁿ款待四百年。』(注：创15：13) | 注释 串珠 原文 典藏 |
| 7:7 | 上帝koh讲：『我beh审判hitê hō͘ in做奴隶ê国家。后来，我ē hō͘ in出来，tī chitê所在敬拜我。』(注：创15：14) | 注释 串珠 原文 典藏 |
| 7:8 | 然后上帝kah伊立约，用割礼做记号。因为ánne，伊生以撒了后第八日，to̍h kā伊行割礼。后来，以撒生雅各，雅各生咱十二个族长。 | 注释 串珠 原文 典藏 |
| 7:9 | 「Chiahê族长怨妒约瑟，kā伊卖去埃及；m̄ koh，上帝kah伊同在， | 注释 串珠 原文 典藏 |
| 7:10 | 救伊脱离一切ê苦难，hō͘伊tī埃及王法老ê面前得tio̍h恩典kah智慧，hō͘法老kā伊设立做埃及ê宰相kah王宫ê总管。 | 注释 串珠 原文 典藏 |
| 7:11 | 后来，埃及kah迦南全地发生饥荒，引起大灾难；咱ê祖先无米粮thang食。 | 注释 串珠 原文 典藏 |
| 7:12 | 雅各听讲埃及有粮食，to̍h差咱ê祖先去hia。这是头一pái。 | 注释 串珠 字典 原文 典藏 |
| 7:13 | 第二pái koh去ê时，约瑟hō͘兄弟认出伊ê身分；因为ánne，法老bat约瑟ê家族。 | 注释 串珠 原文 典藏 |
| 7:14 | 约瑟差人去请伊ê老父雅各kah全家族，总共七十五人去埃及。 | 注释 串珠 原文 典藏 |
| 7:15 | 雅各to̍h落去埃及，后来，伊kah咱ê祖先lóng死tī hia。 | 注释 串珠 原文 典藏 |
| 7:16 | In ê尸体后来，运tńg来示剑，埋葬tī亚伯拉罕用钱tùi 哈抹ê kiáⁿ孙买来ê hit块墓地。 | 注释 串珠 字典 原文 典藏 |
| 7:17 | 上帝对亚伯拉罕应允ê hitê期ná近，以色列人tī埃及生湠ná兴旺。 | 注释 串珠 原文 典藏 |
| 7:18 | 后来，另外一个m̄ bat约瑟ê王起来统治埃及。(注：出1：8) | 注释 串珠 原文 典藏 |
| 7:19 | 伊用诡计来对付咱ê民族，虐待咱ê祖先，命令in tio̍h kā in ê婴á tàn tòa外面，hō͘ in死。 | 注释 串珠 原文 典藏 |
| 7:20 | Hit时，摩西tú出世，是一个非常清秀ê婴á，tī老父ê厝养饲三个月。 | C注释 注释 串珠 原文 典藏 |
| 7:21 | 伊受弃sak ê时，法老ê chabó͘ kiáⁿ kā伊拾去当做kakī ê kiáⁿ养饲。 | 注释 串珠 原文 典藏 |
| 7:22 | 摩西学习埃及人所有ê学问，讲话kah做tāichì lóng有才能。 | 注释 串珠 原文 典藏 |
| 7:23 | 「摩西四十岁ê时，想beh去看kakī ê兄弟—以色列ê同胞。 | 注释 串珠 原文 典藏 |
| 7:24 | 伊看tio̍h一个兄弟hō͘埃及人欺负，to̍h kā伊保护，phah死hitê埃及人，替受委屈ê人报仇。 | 注释 串珠 原文 典藏 |
| 7:25 | 伊想讲kakī ê兄弟ē了解这是上帝用伊ê手来救in；m̄ koh，in无了解。 | 注释 串珠 原文 典藏 |
| 7:26 | 隔tńg工，伊看tio̍h两 个以色列人teh相phah，想beh kā in调解，讲：「Lín是兄弟，ná ē teh互相伤害？」 | 注释 串珠 原文 典藏 |
| 7:27 | Hitê teh欺负ê人kā摩西sak开，讲：「啥人设立你做阮ê头人，做阮ê判官？ | 注释 串珠 原文 典藏 |
| 7:28 | 你ài beh亲像昨hngthâi死hitê埃及人ánne，来kā我thâi死，是无？」(注：出2：14) | 注释 串珠 原文 典藏 |
| 7:29 | 摩西一下听tio̍h chit句话to̍h逃走，去tòa米甸人ê所在，tī hia生两 个kiáⁿ。 | 注释 串珠 原文 典藏 |
| 7:30 | 「四十年后，tī西奈山ê旷野，有天使tī刺phè ê火焰中，对摩西显现。 | 注释 串珠 字典 原文 典藏 |
| 7:31 | 摩西看tio̍h chitê景象，感觉真稀奇，行óa去想beh看khah详细ê时，to̍h听tio̍h主ê声讲： | 注释 串珠 原文 典藏 |
| 7:32 | 『我是lín祖先ê上帝，to̍h是亚伯拉罕、以撒、雅各ê上帝。』(注：出3：6)摩西惊kah phi̍h-phi̍h chhoah，m̄敢看。 | 注释 串珠 原文 典藏 |
| 7:33 | 主kā伊讲：『你ê鞋tio̍h thǹg起来，因为你khiā ê所在是圣地。 | 注释 串珠 字典 原文 典藏 |
| 7:34 | 我确实有看tio̍h我ê子民tī埃及teh受苦，mā有听tio̍h in teh叫苦ê声。我降临来beh kā in拯救。Taⁿ你来，我beh差你去埃及。』(注：出3：5，7) | 注释 串珠 原文 典藏 |
| 7:35 | 「Chitê摩西to̍h是以色列人bat kā伊拒绝，问伊讲：『啥人设立你做阮ê头人，做阮ê判官？』ê hit位，上帝却通过tī刺phè中对伊显现ê天使，差派伊做领袖，做拯救者。 | 注释 串珠 字典 原文 典藏 |
| 7:36 | 摩西chhōa in出埃及，tòa tī埃及、红海kah旷野四十年，行真chē奇事神迹。 | 注释 串珠 原文 典藏 |
| 7:37 | Chitê摩西bat对以色列ê kiáⁿ孙讲：『上帝beh tùi lín兄弟中间，为lín兴起一个亲像我chit款ê先知。』(注：申18：15) | 注释 串珠 原文 典藏 |
| 7:38 | 摩西mā bat kah tī西奈山对伊讲话ê天使以及咱ê祖先，tī旷野做伙见面，伊mā有得tio̍h活活ê信息来传hō͘咱。 | 注释 串珠 原文 典藏 |
| 7:39 | 咱ê祖先m̄肯听伊ê话，颠倒kā伊拒绝，想beh倒tńg去埃及。 | 注释 串珠 原文 典藏 |
| 7:40 | In kā亚伦讲：『你tio̍h kā阮造神明来做头chhōa阮，因为chitê chhōa阮出埃及ê摩西m̄知tú tio̍h啥物tāichì。』(注：出32：1) | 注释 串珠 原文 典藏 |
| 7:41 | Hit时，in to̍h造牛á-kiáⁿ ê像，对hitê偶像献祭，欢喜in kakī ê手所做ê偶像。 | 注释 串珠 字典 原文 典藏 |
| 7:42 | 上帝oa̍t头无ài chhap，chhut-chāi in去敬拜天象。Tú亲像先知ê册所记载：以色列ê子民，lín tī旷野四十年，kám bat献牲礼á是祭物hō͘我？ | 注释 串珠 字典 原文 典藏 |
| 7:43 | Lín扛摩洛 ê布棚， kah Lāi-hán神ê星， to̍h是lín造来拜ê偶像； 我 beh kā lín迁徙去巴比伦hit-pêng！(注：摩 5：25-27) | 注释 串珠 字典 原文 典藏 |
| 7:44 | 「咱祖先tī旷野有thang做见证ê会幕，to̍h是上帝对摩西ê指示，照伊所看tio̍h ê款式来起造ê。 | 注释 串珠 字典 原文 典藏 |
| 7:45 | 后来，咱ê祖先既然承接chitê ē幕，上帝to̍h tùi in ê面前kā外族赶走。In占领hitê土地了后，to̍h kah约书亚kā会幕徙去hia，一直到大卫ê时代。 | 注释 串珠 原文 典藏 |
| 7:46 | 大卫有得tio̍h上帝ê恩典，求上帝允准in kā雅各ê上帝chhōe一个tòa ê所在。 | 注释 串珠 原文 典藏 |
| 7:47 | M̄ koh，后来，为上帝起圣殿ê是所罗门。 | 注释 串珠 字典 原文 典藏 |
| 7:48 | 「其实至koân上帝并无tòa tī人ê手所起ê厝，亲像先知所讲： | 注释 串珠 原文 典藏 |
| 7:49 | 』主讲：天是我ê宝座， 地是我ê脚踏。 Lín beh kā我起啥物款ê厝？ 我安息ê所在tī tó位？ | 注释 串珠 字典 原文 典藏 |
| 7:50 | 这一切kám m̄是我亲手创造ê？」(注：赛66：1-2) | 注释 串珠 原文 典藏 |
| 7:51 | 「Lín ná ē chiahni̍h固执！Lín ê心硬，耳孔m̄听话，kah lín ê祖先仝款，tiāⁿ-tiāⁿ 悖逆圣神！ | 注释 串珠 原文 典藏 |
| 7:52 | Tó一个先知无受tio̍h lín祖先ê迫害？预言hitê公义ê奴仆teh beh来临ê人，lóng hō͘ lín害死。Taⁿ lín成做出卖kohthâi死chitê奴仆ê人。 | 注释 串珠 原文 典藏 |
| 7:53 | Lín是tùi天使领受上帝ê律法，竟然无teh遵守！」 | 注释 串珠 原文 典藏 |
| 7:54 | 司提反Hông Tìm死In听tio̍h司提反chiahê话，心内非常受气，对伊咬牙切齿。 | 注释 串珠 原文 典藏 |
| 7:55 | 独独司提反hō͘圣神充满，gia̍h头看天，看tio̍h上帝ê荣光，mā看tio̍h耶稣khiā tī上帝ê正pêng。 | 注释 串珠 原文 典藏 |
| 7:56 | 伊讲：「你看！我看tio̍h天开，人子khiā tī上帝ê正pêng！」 | 注释 串珠 原文 典藏 |
| 7:57 | 众人耳孔掩teh，大声hoah，做一个chhi̍h óa去， | 注释 串珠 原文 典藏 |
| 7:58 | kā司提反赶出去城外，用石头kā伊tìm。做见证ê人kā in ê外衫交hō͘一个名叫做扫罗ê少年人去顾。 | 注释 串珠 字典 原文 典藏 |
| 7:59 | In用石头tìm司提反ê时，司提反祈求讲：「主耶稣ah，求祢接纳我ê灵魂！」 | 注释 串珠 原文 典藏 |
| 7:60 | 伊跪落去，大声叫，讲：「主ah，m̄ thang用chitê罪归hō͘ in！」伊讲soah to̍h死去。 | 注释 串珠 原文 典藏 |