章节 | 全民台语圣经汉罗经文 | 注释 |
6:1 | 设立七个执事Hit时,门徒加添真chē,有讲希腊话ê偤太人对希伯来人出怨言,因为tī日常生活ê配给,无顾tio̍h in ê寡妇。 | 注释 串珠 原文 典藏 |
6:2 | 十二使徒召集众门徒来,对in讲:「阮kā上帝ê道理放下teh,来办理日常生活ê配给,并无适合。 | 注释 串珠 字典 原文 典藏 |
6:3 | 所以,兄弟姊妹,tio̍h tùi lín中间拣选七个有好名声、受圣神充满koh有智慧ê人,阮thang设立in来管理chitê tāichì。 | 注释 串珠 原文 典藏 |
6:4 | 阮beh专心tī祈祷kah传福音ê工作。」 | 注释 串珠 原文 典藏 |
6:5 | 众人欢喜使徒ê提议,to̍h拣选司提反,伊是充满信心kah圣神ê人,koh拣选腓力、伯罗哥罗、尼迦挪、提门、巴米拿,kah bat入偤太教ê安提阿人尼哥拉。 | 注释 串珠 原文 典藏 |
6:6 | In hō͘ chit七个人khiā tī使徒ê面前,使徒to̍h为tio̍h in祈祷,kā in hōaⁿ手,来设立in做执事。 | 注释 串珠 原文 典藏 |
6:7 | 上帝ê道理ná来ná兴旺。Tī耶路撒冷,门徒ê人数加添真chē,koh有真chē祭司来信福音ê道理。 | 注释 串珠 原文 典藏 |
6:8 | 司提反受掠司提反充满恩典kah才能,tī民众ê中间行大ê奇事kah神迹。 | 注释 串珠 原文 典藏 |
6:9 | Hit时,有一kóa人起来kah司提反辩论,in是tùi古利奈kah亚力山大来ê偤太人,in是属「自由人」会堂ê会员;以及tùi 基利家 kah亚西亚省来ê人。 | 注释 串珠 字典 原文 典藏 |
6:10 | 圣神赐司提反智慧来讲话,hō͘ in无法度辩驳。 | 注释 串珠 原文 典藏 |
6:11 | In就使弄人出来讲:「阮bat听tio̍h伊讲毁谤摩西kah亵渎上帝ê话。」 | 注释 串珠 原文 典藏 |
6:12 | In koh煽动民众、长老kah经学教师,冲去掠司提反,kā伊交hō͘议会。 | 注释 串珠 原文 典藏 |
6:13 | In叫一kóa假证人来,讲:「Chitê人讲话不时teh攻击chitê圣殿kah摩西ê律法。 | 注释 串珠 字典 原文 典藏 |
6:14 | 因为阮bat听tio̍h伊讲:『Chitê拿撒勒人耶稣beh毁坏chitê圣殿,koh beh改变摩西传hō͘咱ê规例。』」 | 注释 串珠 原文 典藏 |
6:15 | Hit时,坐tī议会中ê人lóng掠司提反金金看,看tio̍h伊ê面ná亲像天使ê面。 | 注释 串珠 原文 典藏 |