章节 | 全民台语圣经汉罗经文 | 注释 |
21:1 | 寡妇ê奉献(可12:41-44)耶稣gia̍h头看tio̍h好额人kā in ê献金hiat落去奉献箱。 | 注释 串珠 字典 原文 典藏 |
21:2 | Koh看tio̍h一个sànchhiah ê寡妇kā两 个铜钱á hiat落去。 | 注释 串珠 字典 原文 典藏 |
21:3 | 耶稣讲:「我实在kā lín讲,chitê sànchhiah ê寡妇所hiat-ê,比其他众人khah chē。 | 注释 串珠 原文 典藏 |
21:4 | 因为其他众人是tùi in所chhun落来ê hiat落去,m̄ koh,chitê妇人人虽然真sàn,iáu koh kā生活费全部hiat落去。」 | 注释 串珠 原文 典藏 |
21:5 | 耶稣预言圣殿受毁坏(太24:1-2;可13:1-2)有人teh讲起圣殿是用好石kah所献ê物来打扮。Hit时,耶稣讲: | 注释 串珠 字典 原文 典藏 |
21:6 | 「Lín teh看chiahê一切,hitê日子teh beh到,tī chia无一块石会相叠,lóngē倒kah平平平。」 | 注释 串珠 原文 典藏 |
21:7 | 兆头kah迫害(太24:3-14;可13:3-13)门徒问耶稣讲:「老师ah,chiahê tāichì tang时ē发生?Koh chiahê tāichì beh发生进前,有啥物兆头?」 | 注释 串珠 原文 典藏 |
21:8 | 耶稣讲:「Tio̍h谨慎!M̄-thang去hō͘人迷惑,因为ē有真chē人利用我ê名来讲:『我to̍h是基督』,koh讲:『时机teh beh到à』。Lín m̄ thang tòe in去。 | 注释 串珠 原文 典藏 |
21:9 | Línē听tio̍h交战kah扰乱ê tāichì,hit时lín m̄免tio̍h惊,因为chiahê tāichì一定ētāi先发生,总是,末日bē随时到。」 | 注释 串珠 原文 典藏 |
21:10 | 耶稣继续kā in讲:「民族会起来攻击民族,国家mā ē起来攻击国家。 | 注释 串珠 原文 典藏 |
21:11 | 有大地动,mā真chē所在有饥荒kah瘟疫,koh有tùi天顶来thang惊ê景象kah大ê神迹。 | 注释 串珠 原文 典藏 |
21:12 | Chiahê tāichì发生进前,人ē下手kā lín掠,kā lín迫害,koh kā lín交hō͘会堂kah监狱。Lín mā ē为tio̍h我ê缘故,hō͘人掠去君王kah总督ê面前。 | 注释 串珠 字典 原文 典藏 |
21:13 | 这是lín做见证ê机会。 | 注释 串珠 原文 典藏 |
21:14 | 所以,lín tio̍h心头掠hō͘定,m̄免先操烦beh án怎辩解。 | 注释 串珠 原文 典藏 |
21:15 | 因为我ē赏赐hō͘ lín口才kah智慧,hō͘ lín ê对敌lóng bē tàng对抗kah辩驳。 | 注释 串珠 原文 典藏 |
21:16 | 连lín ê父母、兄弟、亲chiâⁿ、朋友mā ē kā lín出卖;lín中间有人ē hō͘ in害死。 | 注释 串珠 原文 典藏 |
21:17 | Lín因为我ê缘故ē hō͘众人怨恨, | 注释 串珠 原文 典藏 |
21:18 | 总是,lín连一支头毛mā bē失落。 | 注释 串珠 原文 典藏 |
21:19 | Lín tio̍h忍耐到底,chiah ē得tio̍h活命。」 | 注释 串珠 原文 典藏 |
21:20 | 预言耶路撒冷ê毁坏(太24:15-21;可13:14-19)「Lín若看tio̍h耶路撒冷hō͘军兵包围ê时,to̍h知chitê城teh beh灭亡à。 | 注释 串珠 原文 典藏 |
21:21 | Hit时,tī偤太省ê人tio̍h逃走去山里,tī城内ê人tio̍h出来,tī庄脚ê人m̄ thang入去chitê城内。 | 注释 串珠 原文 典藏 |
21:22 | 因为这是『刑罚ê日子』,是beh应验经典所记载ê一切。 | 注释 串珠 原文 典藏 |
21:23 | Tī hiahê日子,有娠孕kah hō͘婴á食奶ê妇人人真不幸,因为有大灾难teh beh临到chitê所在。上帝ê大受气mā teh beh临到chiahê人民。 | 注释 串珠 原文 典藏 |
21:24 | Inē hō͘刀剑thâi死,mā ē hō͘人掠去世界各国。耶路撒冷ē hō͘列邦人thún踏,一直到列邦占领ê期限满。」 | 注释 串珠 字典 原文 典藏 |
21:25 | 人子ê降临(太24:29-31;可13:24-27)「Tī天顶,日、月kah星lóng ē显出兆头;tī地chiūⁿ,万民ē因为海涌hōa-hōa哮来惊惶不安。 | 注释 串珠 原文 典藏 |
21:26 | 人因为chit世界teh beh发生ê tāichì惊kah晕去,因为天顶ê光体lóng ē摇动。 | 注释 串珠 原文 典藏 |
21:27 | Hit时,人ē看tio̍h人子充满权能kah大荣光,坐云降临。 | 注释 串珠 原文 典藏 |
21:28 | Chiahê tāichì teh beh发生ê时,lín tio̍h gia̍h头挺胸,因为lín ê得救teh beh到à。」 | 注释 串珠 原文 典藏 |
21:29 | 无花果树ê教示(太24:32-35;可13:28-31)耶稣koh用譬喻kā in讲:「Lín看无花果树kah所有ê树。 | 注释 串珠 字典 原文 典藏 |
21:30 | Lín一下看tio̍h chiahê树teh puh-íⁿ,to̍h知热天teh beh到à。 | 注释 串珠 原文 典藏 |
21:31 | 亲像ánne,lín看tio̍h chiahê兆头发生ê时,to̍h知上帝国度teh beh到à。 | 注释 串珠 原文 典藏 |
21:32 | 我实在kā lín讲,chit世代iáu未过去,chiahê tāichì lóngē发生。 | 注释 串珠 原文 典藏 |
21:33 | 天kah地ē消失,我ê话绝对bē消失。」 | 注释 串珠 原文 典藏 |
21:34 | Tio̍h谨慎「Lín kakī tio̍h谨慎!M̄-thang为tio̍h贪食、酒醉kah chit世间ê操烦,来hō͘ lín ê心昏迷,因为世界ê末日会忽然间来临。 | 注释 串珠 原文 典藏 |
21:35 | 亲像活tauh-á pia̍k一下to̍h来到全世界人所tòa ê ta̍k所在。 | C注释 注释 串珠 字典 原文 典藏 |
21:36 | 所以,lín tio̍h ta̍k时警醒祈祷,祈求上帝hō͘ lín有气力闪避一切teh beh发生ê tāichì,ē tàng tī人子ê面前khiā在在。」 | 注释 串珠 原文 典藏 |
21:37 | Chit几日,耶稣日时tī圣殿教示人,暗时to̍h出去hitê橄榄山过暝。 | 注释 串珠 字典 原文 典藏 |
21:38 | 众人lóng透早to̍h去圣殿听耶稣讲道理。 | 注释 串珠 字典 原文 典藏 |