章节 | 全民台语圣经汉罗经文 | 注释 |
18:1 | 寡妇kah判官ê譬喻耶稣koh kā 门徒讲一个譬喻,教示in tio̍h tiāⁿ-tiāⁿ 祈祷,m̄ thang厌倦。 | 注释 串珠 原文 典藏 |
18:2 | 他讲:「Tī某一个城市有一个判官,伊无敬畏上帝,mā无尊重人。 | 注释 串珠 原文 典藏 |
18:3 | Tī hitê城内有一个寡妇tiāⁿ-tiāⁿ 去chhōe伊讲:『我有一个诉讼ê对头,求你替我主持公道。』 | 注释 串珠 原文 典藏 |
18:4 | 判官真久lóng无kā她答应,后来,kakī 想讲:『我虽然无敬畏上帝,mā无尊重人。 | 注释 串珠 原文 典藏 |
18:5 | M̄ koh,因为chitê寡妇tiāⁿ-tiāⁿ 来搅扰,我宁可紧来替她主持公道,免得她koh来kā我kô-kô缠。』」 | 注释 串珠 原文 典藏 |
18:6 | 主koh讲:「Lín tio̍h听chitê不义ê判官所讲ê话! | 注释 串珠 原文 典藏 |
18:7 | 何况上帝拣选ê子民暝日大声对他哀求,上帝kám ē延chhiân真久chiah来替in主持公道? | 注释 串珠 原文 典藏 |
18:8 | 我kā lín讲,上帝会赶紧替in主持公道。总是,人子来临ê时,他tī世间kám ē看tio̍h chit款ê信心?」 | 注释 串珠 原文 典藏 |
18:9 | 法利赛派ê人kah抽税ê人ê譬喻耶稣koh再对hiahê看kakī 做义人koh看轻别人ê人讲一个譬喻。 | 注释 串珠 原文 典藏 |
18:10 | 耶稣讲:「有两 个人入去圣殿祈祷,一个是法利赛派ê人,一个是抽税ê人。 | 注释 串珠 字典 原文 典藏 |
18:11 | 法利赛派ê人khiā-teh祈祷讲:『上帝ah,我感谢祢,因为我无亲像其他ê人贪财、不义、奸淫,mā无亲像chitê抽税ê人。 | 注释 串珠 原文 典藏 |
18:12 | 我每七日禁食两pái,koh奉献全部收入ê十分之一。』 | 注释 串珠 原文 典藏 |
18:13 | M̄ koh,hitê抽税ê人khiā tòa远远ê所在,连gia̍h头ǹg天to m̄敢,kantaⁿ悲伤讲:『上帝ah,怜悯我chitê有罪ê人。』 | 注释 串珠 原文 典藏 |
18:14 | 我kā lín讲,hō͘上帝赦罪tńg去厝里ê,是chitê抽税ê人,m̄是hitê法利赛派ê人,因为骄傲ê人一定ē受降低;谦卑ê人ē受提高。」 | 注释 串珠 原文 典藏 |
18:15 | 耶稣祝福细汉Gín-á(太19:13-15;可10:13-16)有人连细汉gín-á mā chhōa来beh hō͘耶稣hōaⁿ手。门徒看tioh8to̍h kā in责备。 | 注释 串珠 原文 典藏 |
18:16 | M̄ koh,耶稣叫hiahê细汉gín-á来,讲:「容允细汉gín-á来我chia,m̄ thang kā伊阻挡,因为亲像gín-á ê人chiah ē tàng成做上帝国度ê子民。 | 注释 串珠 原文 典藏 |
18:17 | 我实在kā lín讲,若无亲像细汉gín-á ánne来承接上帝国度,绝对bē tàng入去。」 | 注释 串珠 原文 典藏 |
18:18 | 好额ê官员(太19:16-30;可10:17-31)有一个偤太人ê官员来问耶稣讲:「好ê老师ah,我tio̍h án怎做chiah ē tàng得tio̍h永远ê活命?」 | 注释 串珠 原文 典藏 |
18:19 | 耶稣kā伊讲:「你ná ē称呼我是好à?上帝以外无一个是好。 | 注释 串珠 原文 典藏 |
18:20 | 你当然lóng bat chiahê诫命,to̍h是:M̄-thang奸淫,m̄ thangthâi死人,m̄ thang偷the̍h,m̄ thang lāmsám做见证,tio̍h孝敬你ê父母。」(注:申5:16-20;出20:12-16) | 注释 串珠 原文 典藏 |
18:21 | Hitê人讲:「Chiahê诫命我自细汉to̍h lóng有teh遵守。」 | 注释 串珠 原文 典藏 |
18:22 | 耶稣听tio̍h chiahê话to̍h kā伊讲:「你iáu欠一项;tio̍h去卖你所有ê财产来分hō͘ sànchhiah人,ánne,你to̍h有积聚财宝tī天顶,然后chiah来tòe我。」 | 注释 串珠 原文 典藏 |
18:23 | Hitê人听tio̍h chiahê话真忧闷,因为伊真好额。 | 注释 串珠 原文 典藏 |
18:24 | 耶稣看tio̍h hitê人teh忧闷to̍h讲:「好额人beh入去上帝国度真困难! | 注释 串珠 字典 原文 典藏 |
18:25 | 因为骆驼穿过针鼻,比好额人入上帝国度iáu khah简单!」 | 注释 串珠 字典 原文 典藏 |
18:26 | 听见chiahê话ê人问讲:「Án-ne,啥人chiah ē tàng得tio̍h救?」 | 注释 串珠 原文 典藏 |
18:27 | 耶稣应讲:「人所做bē到ê,上帝lóng ē。」 | 注释 串珠 原文 典藏 |
18:28 | 彼得讲:「阮已经放sakkakī 所有ê来teh tòe祢。」 | 注释 串珠 原文 典藏 |
18:29 | 耶稣kā in讲:「我实在kā lín讲,人若为tio̍h上帝国度来放sak厝宅、bó͘、兄弟、父母á是kiáⁿ儿, | 注释 串珠 原文 典藏 |
18:30 | tī今世ē得tio̍h几nā倍ê报赏,tī来世ē得tio̍h永远ê活命。」 | 注释 串珠 原文 典藏 |
18:31 | 耶稣第三pái预言他ê死亡kah Koh活(太20:17-19;可10:32-34)耶稣chhōa十二使徒去边á kā in讲:「你看,taⁿ咱beh上耶路撒冷,先知所记载关系人子ê一切lóng ē应验。 | 注释 串珠 原文 典藏 |
18:32 | 他ēhō͘人出卖交hō͘外邦人,inē kā伊耻笑、侮辱、phùi澜。 | 注释 串珠 原文 典藏 |
18:33 | Inē用鞭kā他phah,来害死他,第三日上帝ē hō͘他koh活。」 | 注释 串珠 字典 原文 典藏 |
18:34 | 门徒tùi chiahê tāichì lóng bē了解,chiahê话hō͘ in感觉莫名奇妙。In m̄知耶稣teh讲啥物。 | 注释 串珠 原文 典藏 |
18:35 | 耶稣医好Chheⁿ-mê ê乞食(太20:29-34;可10:46-52)耶稣teh beh到耶利哥城ê时,有一个chheⁿmê ・ê坐tī路边teh求乞。 | 注释 串珠 字典 原文 典藏 |
18:36 | Hitê chheⁿmê ・ê听tio̍h真chē人tùi hia经过,to̍h问是啥物tāichì。 | 注释 串珠 原文 典藏 |
18:37 | 人kā伊讲:「拿撒勒人耶稣teh beh tùi chia经过。」 | 注释 串珠 原文 典藏 |
18:38 | 伊to̍h大声hoah:「大卫ê kiáⁿ孙,耶稣,怜悯我!」 | 注释 串珠 原文 典藏 |
18:39 | 行tī头前ê人kā伊责备,叫伊tio̍h恬恬,m̄ koh,伊koh khah大声hoah:「大卫ê kiáⁿ孙ah,怜悯我!」 | 注释 串珠 原文 典藏 |
18:40 | 耶稣停脚,叫人kā伊牵来。伊óa来ê时,耶稣问伊讲, | 注释 串珠 原文 典藏 |
18:41 | 「你ài我kā你做啥物?」伊to̍h讲:「主ah,求祢hō͘我ē tàng看见。」 | 注释 串珠 原文 典藏 |
18:42 | 耶稣kā伊讲:「好,hō͘你ē tàng看见!你ê信心救tio̍h你à。」 | 注释 串珠 原文 典藏 |
18:43 | 伊随时看见,就tòe耶稣去,归荣光hō͘上帝。群众看tio̍h chitê tāichì lóng oló上帝。 | 注释 串珠 原文 典藏 |