章节 | 全民台语圣经汉罗经文 | 注释 |
12:1 | 警戒假好ê人Hit时,几nā万人聚集óa来,致使到互相thún踏。耶稣to̍h对门徒讲:「Lín tio̍h提防法利赛派ê人ê酵,to̍h是in ê假好。 | 注释 串珠 原文 典藏 |
12:2 | 无一项盖密ê tāichì bē露现,每一项秘密ê tāichì到时mā lóngē hō͘人知影。 | 注释 串珠 原文 典藏 |
12:3 | 所以,lín tī乌暗中所讲ê,ē tī光明中hō͘人听tio̍h。Lín tī房间内耳孔边所讲ê,ē hō͘人tī厝尾顶公开宣布。」 | 注释 串珠 字典 原文 典藏 |
12:4 | Tio̍h敬畏上帝(太10:28-31)「我ê朋友,我kā lín讲,害死lín ê身躯了后bē tàng koh对lín做啥物ê人,lín m̄免惊in。 | 注释 串珠 原文 典藏 |
12:5 | 我beh指示lín tio̍h敬畏啥物款人;lín tio̍h敬畏上帝,他hō͘人死了后koh有权柄kā人hiat落去地狱。是lah,我kā lín讲,tio̍h惊Chit位! | 注释 串珠 原文 典藏 |
12:6 | 「五只雀鸟á kám m̄是卖两角银?Tī上帝ê面前,连一只都无bē记得。 | 注释 串珠 字典 原文 典藏 |
12:7 | 甚至连lín ê头毛to lóng有算过。m̄免惊,lín比hiahê雀鸟á koh khah贵重。」 | 注释 串珠 字典 原文 典藏 |
12:8 | 公开承认基督(太10:32-33;12:32;10:19-20)「我kā lín讲,tī人ê面前承认我ê,人子tī上帝ê天使面前mā ē kā伊承认。 | 注释 串珠 原文 典藏 |
12:9 | M̄ koh,tī人ê面前无承认我ê,tī上帝ê天使面前,人子mā无beh kā伊承认。 | 注释 串珠 原文 典藏 |
12:10 | 「人若讲话攻击人子ê,iáuē得tio̍h赦免;若是亵渎圣神ê,to̍h bē tàng赦免。 | 注释 串珠 原文 典藏 |
12:11 | 「人若押lín去到会堂á是统治者kah官员ê面前,lín m̄免烦恼beh án怎辩解á是tio̍h讲啥物。 | 注释 串珠 字典 原文 典藏 |
12:12 | 因为到时圣神ē教lín tio̍h讲啥物话。」 | 注释 串珠 原文 典藏 |
12:13 | 警告贪心ê财主众人中间有一个财主kā耶稣讲:「老师,请你叫我ê兄弟kah我分家伙。」 | 注释 串珠 原文 典藏 |
12:14 | M̄ koh,耶稣kā伊讲:「你chitê人,啥人设立我做lín ê审判官á是做分家伙ê公亲?」 | 注释 串珠 原文 典藏 |
12:15 | 耶稣to̍h对群众讲:「Tio̍h谨慎,tio̍h约束kakī ,tio̍h提防各种ê贪心,因为人ê活命价值m̄是在tī伊所积聚ê财产。」 | 注释 串珠 原文 典藏 |
12:16 | 然后耶稣用譬喻对in讲:「有一个好额人,伊ê田园真丰收。 | 注释 串珠 原文 典藏 |
12:17 | 伊想来想去,讲:『我无够所在thang囤我ê五谷,taⁿ beh án怎?』 | 注释 串珠 原文 典藏 |
12:18 | Koh讲:『我tio̍h ánne做:我beh kā粟仓拆掉,koh起khah大间,thang kā我ê五谷kah财物lóng囤tòa hia。 | 注释 串珠 字典 原文 典藏 |
12:19 | 然后mā beh对我ê灵魂讲:『灵魂ah,你有积聚真chē财物thang做真chē年ê路用。Taⁿ清闲ā,来lim食,来享受!』 | 注释 串珠 原文 典藏 |
12:20 | M̄ koh,上帝kā伊讲:『戆人,今暝beh对你讨你ê性命,你所积聚ê财产beh留hō͘啥人?』 | 注释 串珠 原文 典藏 |
12:21 | Án-ne,为tio̍h kakī 积聚财宝,无hō͘上帝看做好额ê人mā是仝款。」 | 注释 串珠 原文 典藏 |
12:22 | M̄免操烦(太6:25-34,19-21))耶稣koh对门徒讲:「所以,我kā lín讲,m̄ thang为tio̍h lín ê性命操烦beh食啥物,á是为tio̍h lín ê身躯操烦beh穿啥物。 | 注释 串珠 原文 典藏 |
12:23 | 因为性命比食物khah重要,身躯比衫裤khah价值。 | 注释 串珠 字典 原文 典藏 |
12:24 | Lín看乌鸦,in虽然无种作,无收成,mā无仓库,无粟仓,上帝iáu koh teh kā in养饲。Lín kám无比hiahê鸟á khah贵重? | 注释 串珠 字典 原文 典藏 |
12:25 | Lín kám有人想讲操烦ē tàng hō͘ kakī ê性命加活一时á久? | 注释 串珠 字典 原文 典藏 |
12:26 | Taⁿ lín既然连chiahni̍h细项tāichì都无法度做,ná tio̍h操烦其他ê tāichì? | 注释 串珠 原文 典藏 |
12:27 | Lín小想看māi lè,百合花án怎teh大欉?In无劳苦,mā无纺织。M̄ koh,我kā lín讲,当所罗门siōng荣华富贵ê时,伊所穿ê衫都无比chiahê花ê一蕊khah súi。 | 注释 串珠 字典 原文 典藏 |
12:28 | Taⁿ山里ê草,今á日teh活,明á载to̍h hō͘人hiat落去火炉,上帝iáu koh ánne teh kā in打扮,他kám bē koh khah kā lín看顾? Lín ná ē chiahni̍h无信心? | 注释 串珠 字典 原文 典藏 |
12:29 | 所以,lín m̄ thang kantaⁿ7 teh想beh食啥物,beh lim啥物,mā m̄ thang操烦。 | 注释 串珠 原文 典藏 |
12:30 | 因为chiahê lóng是chit世间ê未信者所teh求ê,lín ê天父mā知lín需要chiahê物件。 | 注释 串珠 原文 典藏 |
12:31 | Lín颠倒tio̍h tāi先追求上帝国度,chiahê物件会顺续赏赐hō͘ lín。 | 注释 串珠 原文 典藏 |
12:32 | 「Lín chiahê细细ê羊群,m̄免惊,因为lín ê天父欢喜kā他ê国度hō͘ lín。 | 注释 串珠 字典 原文 典藏 |
12:33 | Tio̍h卖lín ê财产来赈济sànchhiah人,tio̍h为lín kakī 准备bē破ê钱袋á,来积聚用bē了ê财宝tī天顶。Tī hia无贼áē来偷the̍h,mā bē有虫蛀。 | 注释 串珠 字典 原文 典藏 |
12:34 | 因为lín ê财宝tī tó位,lín ê心mā ē去tī hia。」 | 注释 串珠 原文 典藏 |
12:35 | 谨慎Thèng候ê奴仆「Lín ê衫tio̍h穿好势,lín ê灯tio̍h点ho͘ to̍h。 | 注释 串珠 字典 原文 典藏 |
12:36 | Lín tio̍h亲像人teh thèng候in ê主人tùi婚宴tńg来。主人到位,一下phah门thang随时kā伊开。 | 注释 串珠 原文 典藏 |
12:37 | 主人tńg来,看tio̍h in醒醒,hiahê奴仆真有福气。我实在kā lín讲,主人ēkakī hâ围su裙,请in坐桌,来kā in侍候。 | 注释 串珠 原文 典藏 |
12:38 | Kiám-chhái主人ētī半暝á是天phú光ê时tńg来,看tio̍h in醒醒,hiahê奴仆真有福气。 | 注释 串珠 原文 典藏 |
12:39 | 主人若知贼á tang时chūnē来,伊to̍h ētiuⁿ-tî,一定bē hō͘贼á入来伊ê厝,这是lín知影ê tāichì。 | 注释 串珠 原文 典藏 |
12:40 | 所以,lín mā tio̍h准备便便,因为人子ē tī lín想bē到ê时chūn来临。」 | 注释 串珠 原文 典藏 |
12:41 | 彼得讲:「主ah,祢chitê譬喻是teh对阮讲,á是mā对群众?」 | 注释 串珠 原文 典藏 |
12:42 | 主讲:「啥人是尽忠koh机巧ê管家?to̍h是主人交带伊来管理其他ê奴仆,照时分配食物hō͘ in ê hitê人。 | 注释 串珠 原文 典藏 |
12:43 | 主人tńg来看tio̍h伊有照交带去做,hitê奴仆真有福气! | 注释 串珠 原文 典藏 |
12:44 | 我实在kā lín讲,主人ē派伊来管理伊所有ê财产。 | 注释 串珠 原文 典藏 |
12:45 | Hitê奴仆若心内想讲我ê主人ēkhah慢chiah tńg来,就phah其他ê奴仆kah女婢,koh lim食kah酒醉。 | 注释 串珠 原文 典藏 |
12:46 | 主人tī伊想bē到ê时chūn tńg来,会重重kā伊刑罚,hō͘伊kah hiahê无忠实ê人受仝款ê刑罚。 | 注释 串珠 原文 典藏 |
12:47 | 奴仆知影主人ê意思却无去准备,á是无照主人ê意思去做,伊一定ēhō͘主人phah kah真thiám。 | 注释 串珠 原文 典藏 |
12:48 | M̄ koh,若m̄知主人ê意思,去做应该受phah ê tāichì,伊ē受phah khah少下。Hō͘伊khah chē ê人,ē tùi伊the̍h khah chē;交托伊khah chē ê人,ē kā伊要求khah chē。」 | 注释 串珠 原文 典藏 |
12:49 | 因为耶稣引起ê分裂(太10:34-36)「我来是beh用火tàn tī地chiūⁿ,火若to̍h起来,m̄知gōani̍h'á好lè? | 注释 串珠 原文 典藏 |
12:50 | 我有应该受ê洗礼,hitê洗礼iáu未完成以前,我tio̍h艰苦kah啥物程度? | 注释 串珠 原文 典藏 |
12:51 | Lín想讲我来是beh hō͘地chiūⁿ和平?我kā lín讲,m̄是,颠倒是冤家。 | 注释 串珠 原文 典藏 |
12:52 | Tùi taⁿ以后,一家五人ē冤家,三个kah两 个冤家,两 个kah三个冤家。 | 注释 串珠 原文 典藏 |
12:53 | In lóng ē冤家,父kah kiáⁿ,kiáⁿ kah父,老母kah chabó͘ kiáⁿ,chabó͘ kiáⁿ kah老母,ta-ke kah新妇,新妇kah ta-ke。 | 注释 串珠 原文 典藏 |
12:54 | 判断Hitê时期(太16:2-3)耶稣koh对群众讲:「Lín看tio̍h云tùi西pêng起来,lín to̍h讲:『Beh落雨ā』,果然to̍h落雨。 | 注释 串珠 原文 典藏 |
12:55 | Lín看tio̍h透南风ê时,lín to̍h讲:『Beh烧热ā』,to̍h真正烧热起来。 | 注释 串珠 原文 典藏 |
12:56 | Lín chiahê假好ê人,lín都ē晓判断天kah地ê景象,ná bē晓判断chitê时期?」 | 注释 串珠 原文 典藏 |
12:57 | Tio̍h kah控告你ê人和解(太5:25-26)「Lín ná ē无beh kakī 判断是非? | 注释 串珠 原文 典藏 |
12:58 | 若有人kā你告去见官府,iáu tī路里ê时,tio̍h设法kah伊和解。若无,伊ē拖你去见审判官,审判官ē kā你交hō͘法警,续落去法警ē kā你关落监。 | 注释 串珠 字典 原文 典藏 |
12:59 | 我kā你讲,最后ê一钱五厘若无还清楚,你绝对bē tàng tùi监里出来。」 | 注释 串珠 字典 原文 典藏 |