章节 | 全民台语圣经汉罗经文 | 注释 |
7:1 | 耶稣医好军官ê奴仆(太8:5-13;约4:43-54)耶稣讲hō͘民众听ê话讲soah了后,to̍h入去迦百农。 | 注释 串珠 原文 典藏 |
7:2 | 有一个罗马ê连长所重用ê奴仆破病kah teh beh死。 | 注释 串珠 原文 典藏 |
7:3 | Chitê军官听tio̍h耶稣ê tāichì,to̍h差几nā个偤太人ê长老去求耶稣来医治伊ê奴仆。 | 注释 串珠 原文 典藏 |
7:4 | In来见耶稣,就迫切求他讲:「Chitê人ē堪得祢kā伊帮赞, | 注释 串珠 原文 典藏 |
7:5 | 因为伊爱护咱偤太人,koh本身为咱起会堂。」 | 注释 串珠 字典 原文 典藏 |
7:6 | 耶稣to̍h kah in去。离连长ê厝无gōa远ê时,连长有差几nā个朋友来kā耶稣讲:「主ah,m̄ thang kā祢劳烦,我bē堪得祢来我ê厝。 | 注释 串珠 字典 原文 典藏 |
7:7 | 我mā想讲kakī bē堪得来chhōe祢。祢若讲一句话,我ê奴仆to̍h ē好起来。 | 注释 串珠 原文 典藏 |
7:8 | 因为我mā是hō͘人管ê人,mā有兵hō͘我管。我kā chitê讲:『去!』,伊to̍h去;kā hitê讲:『来!』,伊to̍h来;kā我ê奴仆讲:『Án-ne做』,伊to̍hánne去做。」 | 注释 串珠 原文 典藏 |
7:9 | 耶稣听tio̍h chiahê话to̍h感觉奇怪,oa̍t-tńg身kā tòe他ê群众讲:「我kā lín讲,连以色列人ê中间,我都m̄ bat看tio̍h亲像chit款ê信心。」 | 注释 串珠 原文 典藏 |
7:10 | 受差ê人tńg去到厝,看tio̍h奴仆已经好去à。 | 注释 串珠 原文 典藏 |
7:11 | 耶稣hō͘寡妇ê Kiáⁿ Koh活Koh无gōa久,耶稣去一个城名叫做Ná-in。他ê门徒kah kui大阵人kah他做伙行。 | 注释 串珠 原文 典藏 |
7:12 | Beh到城门ê时,tú好有人扛一个死人出来。死人ê老母孤孤生chitê kiáⁿ,koh是寡妇。城内有真chē人teh kā伊送葬。 | 注释 串珠 字典 原文 典藏 |
7:13 | 主一下看tio̍h,to̍h kā她怜悯,讲:「M̄-thang哮。」 | 注释 串珠 原文 典藏 |
7:14 | 他行óa去,摸hitê扛身尸ê架,扛ê人to̍h停脚。耶稣讲:「少年人,我kā你讲:『起来!』」 | 注释 串珠 字典 原文 典藏 |
7:15 | 死人to̍hpeh起来坐,续开嘴讲话。耶稣to̍h kā chitê少年人交hō͘伊ê老母。 | 注释 串珠 原文 典藏 |
7:16 | 众人lóng惊惶,归荣光hō͘上帝讲:「咱中间有兴起一个大先知。」Koh讲:「上帝有teh看顾他ê子民。」 | 注释 串珠 原文 典藏 |
7:17 | 就ánne,耶稣chitê风声传到偤太kah四箍围ê ta̍k所在。 | 注释 串珠 原文 典藏 |
7:18 | 行洗礼约翰kah耶稣(太11:2-19)约翰ê门徒kā chiahê tāichì lóng报hō͘ in ê老师知。 | 注释 串珠 原文 典藏 |
7:19 | 约翰to̍h叫两 个门徒来,差in去问耶稣:「祢kám是teh beh来ê hit位?Á是阮tio̍h koh thèng候别人?」 | 注释 串珠 原文 典藏 |
7:20 | Hit两人来见耶稣to̍h讲:「行洗礼约翰差阮来请问祢:『祢kám是teh beh来ê hit位?Á是阮tio̍h koh thèng候别人?』」 | 注释 串珠 原文 典藏 |
7:21 | Hit时,耶稣有医好真chē身苦病疼ê人kah hō͘邪神附身ê人,koh hō͘真chē chheⁿmê ・ê koh再看见。 | 注释 串珠 原文 典藏 |
7:22 | 耶稣to̍h应讲:「Lín tio̍h去,kā lín所看tio̍h kah所听tio̍h ê报约翰知,to̍h是chheⁿmê ・ê看见,跛脚ê行路,癞ko ê清气,臭耳聋ê听见,死人koh活,sànchhiah人ē tàng听tio̍h福音。 | 注释 串珠 原文 典藏 |
7:23 | 对我无失去信心ê人实在有福气。」 | 注释 串珠 原文 典藏 |
7:24 | 约翰所差ê人tńg去了后,耶稣chiah提起约翰ê tāichì,对群众讲:「Lín前出去旷野,是beh看啥物?Kám是芦竹hō͘风teh吹振动? | 注释 串珠 字典 原文 典藏 |
7:25 | Án-ne,lín出去是beh看啥物?Kám是beh看人穿奢华ê衫?你看,穿súi衫koh享受宴乐ê人是tī王宫。 | 注释 串珠 字典 原文 典藏 |
7:26 | Án-ne,lín出去beh看啥物?Kám是先知?是,我kā lín讲过,伊比先知koh khah伟大。 | 注释 串珠 原文 典藏 |
7:27 | 经典有关系约翰ê记载:祢看,我差使者做祢ê前锋,伊beh tī祢ê头前准备祢ê道路。(注:玛3:1) | 注释 串珠 字典 原文 典藏 |
7:28 | 我kā lín讲,妇人人所生ê kiáⁿ无一个比约翰khah伟大;总是,tī上帝国度内siōng微细ê iáu比伊khah伟大。」 | 注释 串珠 原文 典藏 |
7:29 | 听tio̍h chiahê话ê民众,连抽税ê人mā lóng承认上帝是公义,因为in lóng有领受约翰ê洗礼。 | 注释 串珠 原文 典藏 |
7:30 | M̄ koh,法利赛派ê人kah律法教师拒绝上帝为in所安排ê旨意,因为in lóng无受约翰ê洗礼。 | 注释 串珠 原文 典藏 |
7:31 | 耶稣koh讲:「Chit世代ê人,我beh用啥物来比并?In亲像啥物款ê人? | 注释 串珠 原文 典藏 |
7:32 | In ná亲像gín-á坐tī街路口,互相大声hoah:阮pûn phín-á,lín无跳舞!阮对lín唱葬式ê哀歌,lín无啼哭。 | 注释 串珠 字典 原文 典藏 |
7:33 | 因为行洗礼约翰来,无食饼无lim酒,lín to̍h讲:『伊hō͘邪神附身。』 | 注释 串珠 字典 原文 典藏 |
7:34 | 人子来mā食mā lim,lín to̍h讲:『他是贪食好酒ê人,是抽税ê kah罪人ê朋友。』 | 注释 串珠 原文 典藏 |
7:35 | M̄ koh,是hiahê遵守上帝智慧ê人teh证明上帝ê智慧是真实。」 | 注释 串珠 原文 典藏 |
7:36 | 赦免kah感谢有一个法利赛派ê人请耶稣食饭。他to̍h入去法利赛派ê人ê厝坐桌。 | 注释 串珠 字典 原文 典藏 |
7:37 | Hit时,城内有一个pháiⁿ妇人人,知耶稣tī法利赛派ê人ê厝teh食饭,就带一罐贮芳油ê玉罐来。 | 注释 串珠 字典 原文 典藏 |
7:38 | Hitê妇人人khiā tī耶稣ê后面teh啼哭,有目屎滴-tâm耶稣ê脚。她to̍h用kakī ê头毛来拭,koh chia̍p-chia̍p chim耶稣ê脚,用芳油来抹脚。 | 注释 串珠 字典 原文 典藏 |
7:39 | 请耶稣食饭ê法利赛派ê人看tio̍h ánne,心内想讲chitê人若是先知,一定ē知是啥人kā他摸,是啥物款ê chabó͘人?因为hitê chabó͘人是pháiⁿ chabó͘。 | 注释 串珠 原文 典藏 |
7:40 | 耶稣kā西门讲:「我有话beh kā你讲。」西门应讲:「老师,请讲。」 | 注释 串珠 原文 典藏 |
7:41 | 耶稣讲:「有两 个人欠债主ê钱。一个欠伊五百ê银á,一个欠伊五十。 | 注释 串珠 字典 原文 典藏 |
7:42 | 因为两 个lóng无法度还债,债主to̍h免除in两人ê债。Án-ne,tó一个会khah疼债主?」 | 注释 串珠 原文 典藏 |
7:43 | 西门应讲:「我想是hitê hông免除khah chē ê人。」耶稣kā伊讲:「你ê判断正确。」 | 注释 串珠 原文 典藏 |
7:44 | 然后耶稣oa̍t头ǹg妇人人,kā西门讲:「你有看tio̍h chitê妇人人无?我入去你ê厝,你无用水hō͘我洗脚,m̄ koh,她用目屎滴tâm我ê脚,koh用头毛来kā我拭脚。 | 注释 串珠 原文 典藏 |
7:45 | 你无kā我chim;独独chitê妇人人tùi我入来ê时to̍h一直无停teh chim我ê脚。 | 注释 串珠 原文 典藏 |
7:46 | 你无用油抹我ê头壳,m̄ koh,她用芳油抹我ê脚。 | 注释 串珠 字典 原文 典藏 |
7:47 | 所以,我kā你讲,她ê疼khah chē,表示她真chē ê罪已经得tio̍h赦免;m̄ koh,得tio̍h赦免少ê人,伊表达出来ê疼to̍h少。」 | 注释 串珠 原文 典藏 |
7:48 | 耶稣kā hitê妇人人讲:「你ê罪得tio̍h赦免à。」 | 注释 串珠 原文 典藏 |
7:49 | 仝桌ê人心内想讲chitê teh赦罪ê是啥人? | 注释 串珠 原文 典藏 |
7:50 | 耶稣koh对hitê妇人人讲:「你ê信心有救tio̍h你,做你安心tńg去。」 | 注释 串珠 原文 典藏 |