章节 | 全民台语圣经汉罗经文 | 注释 |
1:1 | 写hō͘提阿非罗敬爱ê提阿非罗大人,有真chē人已经kā 阮中间所发生ê tāichì整理记录落来。 | C注释 注释 串珠 原文 典藏 |
1:2 | In照hiahê传道理ê人tùi起头亲目看tio̍h ê tāichì, 来记录传hō͘阮。 | 注释 串珠 原文 典藏 |
1:3 | 我有tùi起头详细查考全部ê tāichì,所以想beh照顺序写出来寄hō͘你, | 注释 串珠 原文 典藏 |
1:4 | hō͘你thang明白你所领受ê道理是确实ê。 | 注释 串珠 原文 典藏 |
1:5 | 预告行洗礼约翰ê出世希律做偤太王ê时,有一个名叫做撒迦利亚ê A-mí-a班ê祭司,伊ê bó͘是亚伦ê kiáⁿ孙,名叫做以利沙白。 | 注释 串珠 原文 典藏 |
1:6 | In两翁á-bó͘ hō͘上帝看做是义人,因为in遵守上帝一切ê诫命kah礼仪来行。 | 注释 串珠 原文 典藏 |
1:7 | 总是,in无kiáⁿ,因为以利沙白bē怀孕,两人ê年岁又koh老à。 | 注释 串珠 原文 典藏 |
1:8 | 有一日,撒迦利亚照伊ê轮班tī上帝ê面前teh执行祭司ê职务, | 注释 串珠 原文 典藏 |
1:9 | 照祭司职份ê例,伊抽阄得tio̍h入去主ê圣殿烧香。 | 注释 串珠 字典 原文 典藏 |
1:10 | 当伊teh烧香ê时,会众kui大阵tī外面teh祈祷。 | 注释 串珠 字典 原文 典藏 |
1:11 | 有一个主ê天使对伊显现,khiā tī香坛ê正pêng。 | 注释 串珠 字典 原文 典藏 |
1:12 | 撒迦利亚看tio̍h,to̍h tio̍h惊kah gāng去,非常不安。 | 注释 串珠 原文 典藏 |
1:13 | 天使对伊讲:「撒迦利亚,m̄免惊,因为上帝已经听tio̍h你ê祈祷。你ê bó͘以利沙白beh生kiáⁿ,你tio̍h kā伊号名叫做约翰。 | 注释 串珠 原文 典藏 |
1:14 | 你ē欢喜koh快乐;真chē人mā ē为tio̍h伊ê出世来欢喜。 | 注释 串珠 原文 典藏 |
1:15 | 因为伊tī主ê面前beh做大人物,葡萄酒kah一切ê酒lóng m̄ thang hō͘伊lim。伊tī母身to̍h hō͘圣神充满。 | 注释 串珠 字典 原文 典藏 |
1:16 | 伊ēhō͘以色列kiáⁿ孙真chē人oa̍t tńg来归向主,to̍h是in ê上帝。 | 注释 串珠 原文 典藏 |
1:17 | 伊ē用以利亚ê精神kah才能做主ê先锋,hō͘父母kah kiáⁿ儿和好,hō͘悖逆ê人回心转意来跟tòe义人ê智慧,hō͘人民准备心来迎接主。」 | 注释 串珠 原文 典藏 |
1:18 | 撒迦利亚对天使讲:「Kám chiâⁿ实ē ánne?因为我已经老à,我ê bó͘年岁mā真大à。」 | 注释 串珠 原文 典藏 |
1:19 | 天使应讲:「我是teh服事上帝ê Ga-bu-li-el,奉差派来kah你讲话,对你报告chitê好消息。 | 注释 串珠 原文 典藏 |
1:20 | 因为你m̄相信我ê话,to̍h是到时会应验ê话,你ē变成哑口bē讲话,一直到chiahê tāichì得tio̍h应验ê日。」 | 注释 串珠 原文 典藏 |
1:21 | 会众teh thèng候撒迦利亚,in感觉奇怪伊ná ē tī圣殿内hiahni̍h久。 | 注释 串珠 字典 原文 典藏 |
1:22 | 伊出来ê时soah bē tàng kah in讲话,in to̍h知伊tī圣殿里有看tio̍h异象。伊对in一直比手语,竟然是哑口。 | 注释 串珠 字典 原文 典藏 |
1:23 | 撒迦利亚服事ê日期满,to̍h tńg去in厝。 | 注释 串珠 原文 典藏 |
1:24 | 无gōa久了后,伊ê bó͘以利沙白有娠,五月日无出门。 | 注释 串珠 原文 典藏 |
1:25 | 以利沙白讲:「主hiahni̍h看顾我,hō͘我m̄免koh hō͘人耻笑bē生kiáⁿ。」 | 注释 串珠 原文 典藏 |
1:26 | 预告耶稣ê出世以利沙白有娠六月日ê时,天使Ga-bu-li-el奉上帝ê差派来到加利利省一个城,叫做拿撒勒, | 注释 串珠 原文 典藏 |
1:27 | 来chhōe一个在室女,名叫做马利亚。她已经kah一个大卫ê kiáⁿ孙名叫做约瑟ê定婚。 | 注释 串珠 原文 典藏 |
1:28 | 天使去到马利亚hia,对她讲:「平安,你是siōng有福气ê人。上帝kah你同在。」 | C注释 注释 串珠 原文 典藏 |
1:29 | 马利亚对chiahê话tio̍h惊kah gāng去,心内一直teh想chitê请安是啥物意思。 | 注释 串珠 原文 典藏 |
1:30 | 天使kā她讲:「马利亚ah,m̄免惊,因为你得tio̍h上帝ê恩典。 | 注释 串珠 原文 典藏 |
1:31 | Taⁿ你ē怀孕生一个后生,tio̍h kā他号名叫做耶稣。 | 注释 串珠 原文 典藏 |
1:32 | 他ē做大人物,人ē称呼他至koân上帝ê Kiáⁿ。主,上帝ē kā他祖先大卫ê王位赏赐他。 | 注释 串珠 字典 原文 典藏 |
1:33 | 他ē做王,永远统治雅各ê kiáⁿ孙,他ê国mā ē无穷尽。」 | 注释 串珠 原文 典藏 |
1:34 | 马利亚对天使讲:「我iáu未出嫁,ná ē有chit款tāichì?」 | 注释 串珠 原文 典藏 |
1:35 | 天使应讲:「圣神会临到你,至koân上帝ê权能ē致荫你,所以,hitê teh beh出世ê婴á是圣ê,人ē称呼他做上帝ê Kiáⁿ。 | 注释 串珠 原文 典藏 |
1:36 | 你看!你ê亲chiâⁿ以利沙白,她虽然年老,mā已经怀孕。人讲她bē生,她已经有娠六月日ā。 | 注释 串珠 原文 典藏 |
1:37 | 因为上帝无一项tāichì做bē到。」 | 注释 串珠 原文 典藏 |
1:38 | 马利亚讲:「我是主ê女婢;愿照你ê话来kā我成全。」天使to̍h离开她。 | 注释 串珠 原文 典藏 |
1:39 | 马利亚访问以利沙白过无几日,马利亚出发,赶紧去到偤太山地ê一个城。 | 注释 串珠 原文 典藏 |
1:40 | 她入去撒迦利亚ê厝,kā以利沙白请安。 | 注释 串珠 原文 典藏 |
1:41 | 以利沙白一下听tio̍h马利亚请安,腹肚内ê胎儿就tiô跳。以利沙白hō͘圣神充满, | 注释 串珠 原文 典藏 |
1:42 | 她to̍h大声讲:「众妇人人ê中间你得tio̍h福气,你所怀孕ê胎儿mā得tio̍h福气。 | 注释 串珠 原文 典藏 |
1:43 | 我ê主ê老母来访问我,我ná ē堪得? | 注释 串珠 原文 典藏 |
1:44 | 因为我一下听tio̍h你请安ê声,我腹肚内ê胎儿to̍h欢喜tiô跳。 | 注释 串珠 原文 典藏 |
1:45 | 你chitê妇人人真有福气!因为主所kā你讲ê话会实现。」 | 注释 串珠 原文 典藏 |
1:46 | 马利亚ê赞美诗马利亚讲:我ê心神尊敬主做大, | 注释 串珠 原文 典藏 |
1:47 | 我ê心神因为救我ê上帝来欢喜。 | 注释 串珠 原文 典藏 |
1:48 | 因为他看顾女婢ê卑微。Tùi taⁿ以后,万世代ê人lóng ē讲我有福气。 | 注释 串珠 原文 典藏 |
1:49 | 因为全能上帝有为tio̍h我做伟大ê tāichì, 他ê名是圣。 | 注释 串珠 原文 典藏 |
1:50 | 敬畏他ê人,他怜悯in,到万世代。 | 注释 串珠 原文 典藏 |
1:51 | 他伸出权能ê手,kā心志骄傲ê人赶散。 | 注释 串珠 原文 典藏 |
1:52 | 他kā掌权ê人,tùi伊ê王位拖落来,kā卑微ê人高升。 | 注释 串珠 字典 原文 典藏 |
1:53 | 他用好物hō͘ iau饿ê人食到饱;他hō͘好额ê人空空tńg去。 | 注释 串珠 原文 典藏 |
1:54 | 他扶助他ê奴仆以色列,ē记得kā in怜悯, | 注释 串珠 原文 典藏 |
1:55 | 照他对咱祖先ê应允,来怜悯亚伯拉罕kah伊ê kiáⁿ孙到万世代。 | 注释 串珠 原文 典藏 |
1:56 | 马利亚kah以利沙白做伙tòa差不多有三月日,chiah tńg去in厝。 | 注释 串珠 原文 典藏 |
1:57 | 行洗礼约翰ê出世以利沙白生产ê期到,to̍h生一个后生。 | 注释 串珠 原文 典藏 |
1:58 | 厝边隔壁kah亲chiâⁿ,听tio̍h主对她有大怜悯,to̍h kah她做伙欢喜。 | 注释 串珠 原文 典藏 |
1:59 | 到婴á出世第八日,in来beh kā婴á行割礼,koh照伊ê老父ê名kā伊号做撒迦利亚。 | 注释 串珠 原文 典藏 |
1:60 | 伊ê老母应讲:「M̄-thang ánne,tio̍h kā伊号做约翰。」 | 注释 串珠 原文 典藏 |
1:61 | 大家to̍h对她讲:「你ê亲chiâⁿ无人号chitê名。」 | 注释 串珠 原文 典藏 |
1:62 | In就比手语问婴á ê老父,ài beh kā伊号啥物名。 | 注释 串珠 原文 典藏 |
1:63 | 撒迦利亚讨一块写字ê枋á,写讲:「伊ê名是约翰。」大家感觉奇怪。 | 注释 串珠 字典 原文 典藏 |
1:64 | Hit时,撒迦利亚随时开嘴讲话,oló上帝。 | 注释 串珠 原文 典藏 |
1:65 | 厝边隔壁ê人lóng tio̍h惊;全偤太ê山地lóng teh谈论chit项tāichì。 | 注释 串珠 原文 典藏 |
1:66 | 听tio̍h ê人lóng想讲:「Án-ne,chitê婴á将来会成做啥物款ê人?因为有主ê权能kah伊同在。」 | 注释 串珠 原文 典藏 |
1:67 | 撒迦利亚ê预言约翰ê老父撒迦利亚hō͘圣神充满,就预言讲: | 注释 串珠 原文 典藏 |
1:68 | Tio̍h oló主,以色列ê上帝! 因为他有看顾koh救赎他ê子民。 | 注释 串珠 原文 典藏 |
1:69 | 有tùi他ê奴仆—大卫ê家,替咱设立有大能ê救主。 | 注释 串珠 原文 典藏 |
1:70 | 照他tī古早通过神圣ê先知ê嘴应允讲: | 注释 串珠 原文 典藏 |
1:71 | 他beh拯救咱脱离对敌kah所有怨恨咱ê人ê手, | 注释 串珠 原文 典藏 |
1:72 | 他beh怜悯咱ê祖先,koh记念他神圣ê约; | 注释 串珠 原文 典藏 |
1:73 | to̍h是kah咱ê祖先亚伯拉罕所立ê约, | 注释 串珠 原文 典藏 |
1:74 | hō͘咱ē tàng脱离chiahê对敌ê手, | 注释 串珠 原文 典藏 |
1:75 | hō͘咱一世人tī他ê面前,用圣用义,无惊惶来服事他。 | 注释 串珠 原文 典藏 |
1:76 | 我ê kiáⁿ,你ē hō͘人叫做至koân上帝ê先知。 因为你beh做主ê先锋来准备他ê路, | 注释 串珠 字典 原文 典藏 |
1:77 | hō͘他ê子民因为得tio̍h赦罪,来明白上帝ê拯救。 | 注释 串珠 原文 典藏 |
1:78 | 咱ê上帝充满怜悯ê心,所以,hō͘早起时ê日tùi天顶来照咱, | 注释 串珠 原文 典藏 |
1:79 | 来照咱chiahê tiàm tī乌暗kah死荫中ê人, 引chhōa咱ê脚行入平安ê路。 | 注释 串珠 字典 原文 典藏 |
1:80 | 婴á渐渐大汉,心神mā日日勇壮;伊tiàm tī旷野,一直到伊tī以色列中间公开出现hit日。 | 注释 串珠 原文 典藏 |