章节 | 全民台语圣经汉罗经文 | 注释 |
10:1 | 关系离婚ê教示(太19:1-12)耶稣离开hia来到偤太地区,过去约旦河hit-pêng。群众koh聚集去耶稣hia,他koh照常教示in。 | 注释 串珠 康来昌 异文 原文 典藏 |
10:2 | 有一kóa法利赛派ê人beh试探耶稣,óa来问他讲:「人kám thang离伊ê bó͘?」 | 注释 串珠 康来昌 异文 原文 典藏 |
10:3 | 耶稣应讲:「摩西ê律法án怎规定?」 | 注释 串珠 康来昌 原文 典藏 |
10:4 | In讲:「摩西允准人写离婚书来离伊ê bó͘。」 | 注释 串珠 康来昌 字典 原文 典藏 |
10:5 | 耶稣kā in讲:「摩西因为lín ê心硬,chiah制定chitê诫命hō͘ lín。 | 注释 串珠 康来昌 原文 典藏 |
10:6 | 总是,源起头,上帝创造人有男有女。(注:创1:27) | 注释 串珠 康来昌 异文 原文 典藏 |
10:7 | 因为ánne,chapo͘人tio̍h离开父母来kah伊ê bó͘结联; | 注释 串珠 康来昌 异文 原文 典藏 |
10:8 | 两 个成做一体。(注:创2:24) Án-ne,in m̄是两 个,是成做一体。 | 注释 串珠 康来昌 原文 典藏 |
10:9 | 所以,上帝所配合ê,人m̄ thang kā它拆散。」 | 注释 串珠 康来昌 原文 典藏 |
10:10 | 入去厝内,门徒koh问耶稣chitê问题。 | 注释 串珠 康来昌 原文 典藏 |
10:11 | 耶稣kā in讲:「人若离伊ê bó͘ koh娶别个 chabó͘人,to̍h是犯奸淫来辜负伊ê bó͘; | 注释 串珠 康来昌 原文 典藏 |
10:12 | bó͘若弃sak她ê丈夫来嫁别个翁,mā是犯奸淫。」 | 注释 串珠 康来昌 原文 典藏 |
10:13 | 耶稣祝福细汉Gín-á(太19:13-15;路18:15-17)有人chhōa细汉gín-á来耶稣hia,beh hō͘耶稣hōaⁿ手祝福。门徒kā in责备。 | 注释 串珠 康来昌 异文 原文 典藏 |
10:14 | 耶稣看tio̍h,真无欢喜,kā门徒讲:「Hō͘ hiahê细汉gín-á来我chia,m̄ thang kā in阻挡。因为亲像chit款gín-á ê人,chiah ē tàng成做上帝国度ê子民。 | 注释 串珠 康来昌 原文 典藏 |
10:15 | 我实在kā lín讲,若无亲像gín-á ánne接受上帝国度,绝对bē tàng入去。」 | 注释 串珠 康来昌 原文 典藏 |
10:16 | 耶稣to̍h kā gín-á抱起来,kā in hōaⁿ手祝福。 | 注释 串珠 康来昌 原文 典藏 |
10:17 | 好额人ê疑问(太19:16-30;路18:18-30)耶稣出去tī路里,有一个人走来跪tī他ê面前,问讲:「好ê老师ah,我tio̍h án怎做chiah ē tàng得tio̍h永远ê活命?」 | 注释 串珠 康来昌 字典 原文 典藏 |
10:18 | 耶稣kā伊讲:「你ná ē称呼我是好ê?上帝以外无一个是好ê。 | 注释 串珠 康来昌 原文 典藏 |
10:19 | Chiahê诫命你已经lóng知:M̄-thangthâi死人;M̄-thang奸淫;M̄-thang偷the̍h;M̄-thang做假ê见证;M̄-thang khek亏人;Tio̍h孝敬你ê父母。」(注:出12:16) | 注释 串珠 康来昌 异文 原文 典藏 |
10:20 | Hitê人应讲:「老师ah,chiahê我tùi细汉to̍h lóng有teh遵守。」 | 注释 串珠 康来昌 原文 典藏 |
10:21 | 耶稣注目kā伊看,用疼心kā伊讲:「你iáu欠一项,你tio̍h去卖你所有ê财产来hō͘ sànchhiah人。Án-ne,你to̍h有积聚财宝tī天顶;然后chiah来tòe我。」 | 注释 串珠 康来昌 异文 原文 典藏 |
10:22 | Hitê人听tio̍h chiahê话,面就失色,忧头结面离开耶稣,因为伊有真chē财产。 | 注释 串珠 康来昌 原文 典藏 |
10:23 | 耶稣kā群众看一liàn chiah对门徒讲:「好额人beh入上帝国度真困难!」 | 注释 串珠 康来昌 字典 原文 典藏 |
10:24 | 门徒听了chiahê话,感觉真奇怪。耶稣koh讲:「细kiáⁿ,óa靠钱财beh入上帝国度真正困难! | 注释 串珠 康来昌 异文 原文 典藏 |
10:25 | 骆驼穿过针鼻比好额人入上帝国度iáu khah简单。」 | 注释 串珠 康来昌 异文 字典 原文 典藏 |
10:26 | 门徒koh khah tio̍h惊,起疑问,讲:「Án-ne啥人chiah ē tàng得救?」 | 注释 串珠 康来昌 异文 原文 典藏 |
10:27 | 耶稣注目kā in看,讲:「Chit项tāichì人做bē到;对上帝来讲m̄是ánne,因为上帝ta̍k项lóng ē。」 | 注释 串珠 康来昌 原文 典藏 |
10:28 | 彼得to̍h对耶稣讲:「阮已经放sak一切来tòe祢à。」 | 注释 串珠 康来昌 原文 典藏 |
10:29 | 耶稣应讲:「我实在kā lín讲,人若为tio̍h我kah福音ê缘故来放sak厝宅、兄弟、姊妹、老母、老父、kiáⁿ儿、田园, | 注释 串珠 康来昌 原文 典藏 |
10:30 | in tī今世ē得tio̍h百倍ê厝宅、兄弟、姊妹、老母、kiáⁿ儿、田园,同时mā ē受迫害;m̄ koh,tī来世inē得tio̍h永远ê活命。 | 注释 串珠 康来昌 原文 典藏 |
10:31 | 总是,真chē做头前ê人ē变做路尾,路尾ê人mā ē变做头前。」 | 注释 串珠 康来昌 异文 原文 典藏 |
10:32 | 耶稣第三pái预言他ê死亡kah Koh活(太20:17-19;路18:31-34)耶稣kah门徒上耶路撒冷。Tī路里,耶稣行tī头前,门徒tio̍h惊kah gāng去,跟tòe ê人mā真惊惶。耶稣koh chhōa十二使徒去边á,kā他teh beh tú ・tio̍h ê tāichì kā in讲。 | 注释 串珠 康来昌 字典 原文 典藏 |
10:33 | 他讲:「Chit-má咱beh上耶路撒冷,人子会hông出卖去交hō͘ hiahê祭司长kah经学教师。Inē kā他定死罪,koh kā他交hō͘外邦人。 | 注释 串珠 康来昌 原文 典藏 |
10:34 | Inē kā他戏弄、phùi澜、鞭phah、害死,三日后他ēkoh活。」 | 注释 串珠 康来昌 异文 字典 原文 典藏 |
10:35 | 雅各kah约翰ê要求(太20:20-28)然后西庇太ê kiáⁿ雅各kah约翰óa来kā耶稣讲:「老师ah,求祢答应阮对祢所求ê tāichì。」 | 注释 串珠 康来昌 原文 典藏 |
10:36 | 耶稣问讲:「Lín ài我为lín做啥物?」 | 注释 串珠 康来昌 异文 原文 典藏 |
10:37 | In讲:「Tī祢得tio̍h荣光ê时,求祢hō͘阮一个坐祢ê正pêng,一个坐祢ê倒pêng。」 | 注释 串珠 康来昌 原文 典藏 |
10:38 | 耶稣kā in讲:「Lín m̄知kakī teh求啥物。我所lim ê杯,lín kám ē tàng lim?我受ê洗礼,lín kám ē tàng受?」 | 注释 串珠 康来昌 字典 原文 典藏 |
10:39 | In讲:「阮会。」耶稣kā in讲:「我所lim ê杯,lín beh lim,我所受ê洗礼,lín beh受。 | 注释 串珠 康来昌 字典 原文 典藏 |
10:40 | 总是,坐我ê正pêng á是倒pêng,m̄是我ē tàng做主。上帝为tio̍h啥人准备,to̍h ēhō͘ hitê人。」 | 注释 串珠 康来昌 异文 原文 典藏 |
10:41 | 其他十个门徒听tio̍h,to̍h对雅各kah约翰受气。 | 注释 串珠 康来昌 原文 典藏 |
10:42 | 耶稣叫in来,kā in讲:「Lín知外邦人ê中间,hō͘人尊做统治者ê人ē做主来kā in治理,in ê官员mā有权kā in管辖。 | 注释 串珠 康来昌 康来昌 原文 典藏 |
10:43 | 独独lín中间无应该ánne。Lín中间ài beh做大ê人tio̍h做众人ê差用; | 注释 串珠 康来昌 康来昌 异文 原文 典藏 |
10:44 | lín中间ài beh做头ê人tio̍h做众人ê奴仆。 | 注释 串珠 康来昌 康来昌 原文 典藏 |
10:45 | 因为人子来chitê世间m̄是beh hō͘人服事,反tńg是beh来服事人,甚至牺牲kakī ê性命来赎回真chē人。」 | 注释 串珠 康来昌 康来昌 原文 典藏 |
10:46 | 耶稣医好Chheⁿ-mê ê巴底买(太20:29-34;路18:35-43)耶稣kah门徒来到耶利哥城。In kah一大阵人出耶利哥城ê时,有一个chheⁿmê ê乞食,Tí-mái ê kiáⁿ巴底买,坐tī路边。 | 注释 串珠 康来昌 字典 原文 典藏 |
10:47 | Hitê chheⁿmê ê乞食听tio̍h拿撒勒人耶稣tùi hia经过,to̍h大声hoah:「大卫ê kiáⁿ孙,耶稣,可怜我!」 | 注释 串珠 康来昌 原文 典藏 |
10:48 | 真chē人kā伊责备,叫伊恬恬,m̄ koh,伊koh khah大声hoah:「大卫ê kiáⁿ孙ah,可怜我!」 | 注释 串珠 康来昌 原文 典藏 |
10:49 | 耶稣停落来,讲:「叫伊来。」Into̍h叫chheⁿmê ・ê来,kā伊讲:「放心,起来,他teh叫你。」 | 注释 串珠 康来昌 原文 典藏 |
10:50 | Chheⁿ-mê e5to̍h放落伊ê衫,跳起来去到耶稣hia。 | 注释 串珠 康来昌 字典 原文 典藏 |
10:51 | 耶稣kā伊讲:「你ài我kā你做啥物?」 Chheⁿ-mê-ê讲:「老师,求祢hō͘我ēkoh看见。」 | 注释 串珠 康来昌 原文 典藏 |
10:52 | 耶稣kā伊讲:「你tńg去,你ê信心已经hō͘你得tio̍h医好。」Chheⁿ-mê ê随时koh ē看见,就tòe耶稣去。 | 注释 串珠 康来昌 字典 原文 典藏 |