章节 | 全民台语圣经汉罗经文 | 注释 |
5:1 | 耶稣Tháu放邪神附身ê人(太8:28-34;路8:26-39)耶稣kah门徒过去加利利湖ê对面岸,来到Gê-la̍h-sam人ê地区。 | 注释 串珠 康来昌 异文 原文 典藏 |
5:2 | 耶稣一下落船,随时tú tio̍h一个hō͘邪神附身ê人tùi墓á埔出来。 | 注释 串珠 康来昌 字典 原文 典藏 |
5:3 | Chitê人lóng tòa tī墓á埔,人用铁链都缚伊bē tiâu。 | 注释 串珠 康来昌 字典 原文 典藏 |
5:4 | 因为人tiāⁿ-tiāⁿ 用脚镣手铐kah铁链kā伊缚,m̄ koh,铁链lóng hō͘伊chhoah断,脚镣手铐mā hō͘伊扛碎。无人有气力thang kā伊制服。 | 注释 串珠 康来昌 字典 原文 典藏 |
5:5 | Chitê人暝日tī墓á埔á是山里乱嚷,koh用石头伤害kakī 。 | 注释 串珠 康来昌 字典 原文 典藏 |
5:6 | 伊tùi远远看tio̍h耶稣,to̍h走来仆tòa耶稣ê面前, | 注释 串珠 康来昌 原文 典藏 |
5:7 | 大声hoah:「至koân上帝ê Kiáⁿ耶稣,祢何必来干涉我?我kí上帝ê名来恳求祢,m̄ thang kā我责罚。」 | 注释 串珠 康来昌 原文 典藏 |
5:8 | 伊ánne讲是因为耶稣bat对伊讲:「邪神,tio̍h tùi hitê人出去!」 | 注释 串珠 康来昌 原文 典藏 |
5:9 | 耶稣问伊讲:「你号做啥物名?」Hitê人应讲:「我ê名叫做『军团』,因为阮是kui大阵ê鬼。」 | 注释 串珠 康来昌 原文 典藏 |
5:10 | 邪神就迫切求耶稣m̄ thang赶in离开hitê地区。 | 注释 串珠 康来昌 原文 典藏 |
5:11 | Hit时,tī山坪有一阵猪teh讨食。 | 注释 串珠 康来昌 字典 原文 典藏 |
5:12 | 邪神to̍h求耶稣讲:「Hō͘阮去hiahê猪群,hō͘阮thang入去in内面。」 | 注释 串珠 康来昌 字典 原文 典藏 |
5:13 | 耶稣允准in去。Hiahê邪神to̍h对hitê人出来,入去hiahê猪群。差不多二千只ê猪群走落山坪chông落去湖里,hō͘湖水淹死。 | 注释 串珠 康来昌 字典 原文 典藏 |
5:14 | 顾猪ê人to̍h走去kā城内kah庄头ê人讲。众人to̍h出来看到底是啥物tāichì。 | 注释 串珠 康来昌 原文 典藏 |
5:15 | In来到耶稣hia,看tio̍h hitê hō͘邪神附身,to̍h是hō͘『军团』所缠ê人tī hia teh坐,衫穿kah好势好势,老神在在。群众to̍h起大惊。 | 注释 串珠 康来昌 原文 典藏 |
5:16 | 看tio̍h ê人kā hō͘邪神附身ê人所tú ・tio̍h ê kah kui阵猪ê tāichì lóng讲hō͘众人听。 | 注释 串珠 康来昌 字典 原文 典藏 |
5:17 | In就恳求耶稣离开in ê地区。 | 注释 串珠 康来昌 原文 典藏 |
5:18 | 耶稣teh beh上船ê时,hitê bat hō͘邪神附身ê人求耶稣准伊做伙去。 | 注释 串珠 康来昌 字典 原文 典藏 |
5:19 | 耶稣m̄准,kā伊讲:「Tńg去你ê厝chhōe你ê亲人,kā主怜悯你,对你所做hiah大ê tāichì lóng报in知。」 | 注释 串珠 康来昌 原文 典藏 |
5:20 | Hitê人to̍h去,tī Te-ka-po͘-lī宣扬耶稣对伊所做ê大tāichì。众人lóng非常tio̍h惊。 | 注释 串珠 康来昌 原文 典藏 |
5:21 | 耶稣医好两 个人(太9:18-26;路8:40-56)耶稣koh坐船过去hit-pêng岸。Kui大阵ê人聚集óa来tī湖边ê耶稣hia。 | 注释 串珠 康来昌 异文 字典 原文 典藏 |
5:22 | 有一个会堂ê主管名叫做崖鲁ê人来,伊一下看tio̍h耶稣,to̍h仆tī他ê脚前, | 注释 串珠 康来昌 字典 原文 典藏 |
5:23 | 迫切恳求讲:「我细汉ê chabó͘ kiáⁿ teh beh死à。求祢来kā她hōaⁿ手,hō͘她得tio̍h医好,ē tàng koh活起来。」 | 注释 串珠 康来昌 原文 典藏 |
5:24 | 耶稣kah伊去。Kui大阵ê人mā挨挨kheh-kheh tòe他去。 | 注释 串珠 康来昌 原文 典藏 |
5:25 | 有一个妇人人患tio̍h血漏病十二年à。 | 注释 串珠 康来昌 原文 典藏 |
5:26 | 她有chhōe过真chē医生治疗,mā受tio̍h真chē痛苦,koh kā她所有ê钱开了了,m̄ koh,lóng无一丝á效果,颠倒ná伤重。 | 注释 串珠 康来昌 原文 典藏 |
5:27 | 她听tio̍h耶稣ê tāichì,就kheh入去群众内面,óa去耶稣ê后壁来摸他ê衫, | 注释 串珠 康来昌 字典 原文 典藏 |
5:28 | 因为她想讲,我kantaⁿ摸他ê衫,病to̍h ē好去。 | 注释 串珠 康来昌 字典 原文 典藏 |
5:29 | 她一下摸tio̍h耶稣ê衫,血漏随时停止,mā感觉kakī ê病疼已经好去à。 | 注释 串珠 康来昌 原文 典藏 |
5:30 | 耶稣随时发觉有权能对他发出,to̍h oa̍t-tńg身问群众讲:「啥人摸我ê衫?」 | 注释 串珠 字典 原文 典藏 |
5:31 | 门徒kā他讲:「祢看,kui阵人teh kā祢挨kheh,ná ē问讲:啥人有摸我?」 | 注释 串珠 原文 典藏 |
5:32 | 耶稣四箍liàn-tńg看一下,ài beh chhōe做chitê tāichì ê妇人人。 | 注释 串珠 原文 典藏 |
5:33 | Hitê妇人人知影kakī 身上所发生ê tāichì,惊kah phi̍h-phi̍h chhoah,to̍h来仆tòa耶稣ê脚前,所有ê lóng照实kā他讲。 | 注释 串珠 原文 典藏 |
5:34 | 耶稣kā她讲:「妇人人,你ê信心已经hō͘你ê病得tio̍h医好。你thang平安tńg去,你ê病完全好去à。」 | 注释 串珠 原文 典藏 |
5:35 | 耶稣iáu teh讲ê时,有人tùi会堂主管ê厝来kā崖鲁讲:「你ê chabó͘ kiáⁿ已经死去à,ná tio̍h koh劳烦老师?」 | 注释 串珠 康来昌 原文 典藏 |
5:36 | 耶稣无管in所讲ê话,kā会堂ê主管讲:「M̄免惊,只有tio̍h信。」 | 注释 串珠 康来昌 异文 字典 原文 典藏 |
5:37 | 耶稣to̍h chhōa彼得、雅各,kah雅各ê兄弟约翰做伙去,m̄准别人tòe去。 | 注释 串珠 康来昌 原文 典藏 |
5:38 | In来到会堂主管ê厝,耶稣看tio̍h场面lōng-lōng滚,mā有人teh啼哭大声哮。 | 注释 串珠 康来昌 字典 原文 典藏 |
5:39 | 耶稣入去,to̍h kā in讲:「Lín ná ē hōa-hōa哮teh啼哭?Chitê gín-á无死,是teh困niā-niā。」 | 注释 串珠 康来昌 原文 典藏 |
5:40 | 众人to̍h kā他耻笑。M̄ koh,耶稣kā群众赶出去,to̍h chhōa gín-á ê父母以及kah他来ê门徒入去gín-á ê房间。 | 注释 串珠 康来昌 原文 典藏 |
5:41 | 耶稣就牵gín-á ê手kā她讲:「Tāi-lī-tāi-kó͘-bí。」意思to̍h是讲:「Cha-bó͘ gín-á,我命令你,起来!」 | 注释 串珠 康来昌 原文 典藏 |
5:42 | Cha-bó͘ gín-á随时起来行,因为她已经十二岁à。众人to̍h tio̍h惊kah gāng去。 | 注释 串珠 康来昌 原文 典藏 |
5:43 | 耶稣严严警戒in m̄ thang hō͘人知chitê tāichì。他to̍h吩咐,tio̍h hō͘ chabó͘ gín-á食物件。 | 注释 串珠 康来昌 原文 典藏 |