章节 | 全民台语圣经汉罗经文 | 注释 |
1:1 | 福音ê开始上帝ê Kiáⁿ耶稣基督ê福音是ánne开始。 | 注释 串珠 康来昌 异文 原文 典藏 |
1:2 | 以赛亚先知ê册有记载:我差我ê使者tòa你ê头前,做你ê开路先锋。 | 注释 串珠 康来昌 异文 字典 原文 典藏 |
1:3 | 有声tī旷野teh hoah:Tio̍h为主准备道路,修直他beh行ê小路。(注:赛40:3;玛3:1;出23:20) | 注释 串珠 康来昌 字典 原文 典藏 |
1:4 | 行洗礼约翰ê传道(太3:1-12;路3:1-9, 15-17;约1:19-28)约翰果然tī旷野出现,kā人洗礼,宣扬讲:「Tio̍h悔改来领受洗礼,上帝to̍h ē赦免人ê罪。」 | C注释 注释 串珠 康来昌 异文 原文 典藏 |
1:5 | 偤太地区kah耶路撒冷ê民众lóng去约翰hia,告白kakī ê罪。约翰to̍h tī约旦河kā in洗礼。 | 注释 串珠 康来昌 原文 典藏 |
1:6 | Chitê约翰身穿骆驼毛ê衫,腰縖皮带,食草蜢kah野蜜。 | 注释 串珠 康来昌 异文 字典 原文 典藏 |
1:7 | 伊宣讲讲:「有一个比我khah有权能ê tòe我ê后面来。我连屈落来tháu他ê鞋带都bē堪得。 | 注释 串珠 康来昌 字典 原文 典藏 |
1:8 | 我用水kā lín洗礼,他beh用圣神kā lín洗礼。」 | 注释 串珠 康来昌 异文 原文 典藏 |
1:9 | 耶稣受洗礼(太3:13-17;路3:21-22)过无几日,耶稣tùi加利利省ê拿撒勒来,tī约旦河tùi约翰领受洗礼。 | 注释 串珠 康来昌 原文 典藏 |
1:10 | 耶稣一下tùi水里起来,to̍h看tio̍h天裂开,圣神亲像粉鸟降临tī他ê身躯顶面。 | 注释 串珠 康来昌 字典 原文 典藏 |
1:11 | Koh tùi天有声讲:「祢是我所疼ê Kiáⁿ,我真kah意祢。」 | 注释 串珠 康来昌 异文 原文 典藏 |
1:12 | 耶稣受试探(太4:1-11;路4:1-13)圣神随时催逼耶稣去旷野。 | 注释 串珠 康来昌 原文 典藏 |
1:13 | 他tī旷野四十工,受撒旦ê试探,mā kah野兽tòa做伙,有天使teh kā他侍候。 | 注释 串珠 康来昌 字典 原文 典藏 |
1:14 | 耶稣tī加利利省开始工作(太4:12-17;路4:14-15)约翰hông掠去关监了后,耶稣去加利利省宣扬上帝ê福音, | 注释 串珠 康来昌 异文 原文 典藏 |
1:15 | 讲:「时期已经到à,上帝国度teh beh来临ā。Lín tio̍h悔改来信福音。」 | 注释 串珠 康来昌 原文 典藏 |
1:16 | 耶稣呼召四个掠鱼人(太4:18-22;路5:1-11)耶稣经过加利利湖边ê时,看tio̍h西门kah伊ê兄弟安得烈tī湖里teh抛网,in是掠鱼人。 | 注释 串珠 康来昌 字典 原文 典藏 |
1:17 | 耶稣kā in讲:「来tòe我,我beh hō͘ lín得tio̍h人亲像掠鱼人得tio̍h鱼。」 | C注释 注释 串珠 康来昌 原文 典藏 |
1:18 | In随时放落鱼网去tòe耶稣。 | 注释 串珠 康来昌 字典 原文 典藏 |
1:19 | Koh略á行进前,耶稣看tio̍h西庇太ê kiáⁿ雅各kah伊ê兄弟约翰tī船顶teh补鱼网。 | 注释 串珠 康来昌 字典 原文 典藏 |
1:20 | 耶稣随时呼召in。Into̍h kah in老父西庇太kah 倩工相辞来tòe耶稣去。 | 注释 串珠 康来昌 字典 原文 典藏 |
1:21 | 耶稣医好邪神附身ê人(路4:31-37)耶稣kah门徒来到迦百农。安息日一下到,他to̍h入去会堂教示人。 | 注释 串珠 康来昌 字典 原文 典藏 |
1:22 | 听tio̍h耶稣教示ê人lóng感觉真奇妙,因为他ê教示真有权威,无亲像hiahê经学教师。 | 注释 串珠 康来昌 原文 典藏 |
1:23 | Hit时,会堂内有一个hō͘邪神附身ê人大声hoah: | 注释 串珠 康来昌 字典 原文 典藏 |
1:24 | 「拿撒勒人耶稣,祢何必tio̍h来干涉阮?祢beh来毁灭阮,是无?我知祢是啥人,祢是上帝ê圣ê。」 | C注释 注释 串珠 康来昌 康来昌 原文 典藏 |
1:25 | 耶稣责备邪神讲:「恬去!Tùi chitê人出去!」 | 注释 串珠 康来昌 原文 典藏 |
1:26 | 邪神hō͘ hitê人抽chhoah了后,大声hoah一声,to̍h对hitê人出去。 | 注释 串珠 康来昌 原文 典藏 |
1:27 | 众人lóng tio̍h惊kah gāng去,就议论纷纷,讲:「这是án怎?Kám是新ê教示?他用权能命令邪神,连邪神都屈服。」 | C注释 注释 串珠 康来昌 异文 原文 典藏 |
1:28 | 耶稣ê名声随时传到加利利省ê ta̍k所在。 | 注释 串珠 康来昌 原文 典藏 |
1:29 | 耶稣医好真Chē人(太8:14-17;路4:38-41)耶稣一下行出会堂,随时chhōa雅各kah约翰入去西门kah安得烈ê厝。 | 注释 串珠 康来昌 异文 字典 原文 典藏 |
1:30 | 西门ê丈姆tú-teh发烧,倒tī眠床。In随时kā她ê情况kā耶稣讲。 | 注释 串珠 康来昌 原文 典藏 |
1:31 | 耶稣óa去牵她ê手,kā她扶起来,她ê热就退。Chitê妇人人to̍h接待in。 | 注释 串珠 康来昌 原文 典藏 |
1:32 | 到黄昏日头落山了后,众人to̍h chhōa破病ê kah hō͘邪神附身ê人来耶稣hia。 | 注释 串珠 康来昌 原文 典藏 |
1:33 | 全城ê人lóng聚集tī门口。 | 注释 串珠 康来昌 字典 原文 典藏 |
1:34 | 耶稣医好ta̍k种ê病人,koh赶真chē鬼。耶稣m̄准邪神讲话,因为in知他是啥人。 | 注释 串珠 康来昌 异文 原文 典藏 |
1:35 | 耶稣tī加利利省传道(路4:42-44)隔tńg早起天iáu未光,耶稣to̍h起来,出去旷野ê所在,tī hia祈祷。 | 注释 串珠 康来昌 原文 典藏 |
1:36 | 西门kah同伴出去chhōe他。 | 注释 串珠 康来昌 原文 典藏 |
1:37 | Chhōe tio̍h了后to̍h kā他讲:「众人lóng teh chhōe祢。」 | 注释 串珠 康来昌 原文 典藏 |
1:38 | 耶稣应讲:「咱继续来去附近ê庄头,hō͘我thang tī hia传福音;因为这是我出来ê使命。」 | 注释 串珠 康来昌 原文 典藏 |
1:39 | 耶稣to̍h去访问加利利省ê ta̍k所在,入去in ê会堂传道koh赶鬼。 | 注释 串珠 康来昌 异文 字典 原文 典藏 |
1:40 | 耶稣医好癞ko病人(太8:1-4;路5:12-16)有一个癞ko ê病人来到耶稣ê面前,跪落去kā他求,讲:「祢若肯,to̍h ē tàng hō͘我清气。」 | 注释 串珠 康来昌 异文 原文 典藏 |
1:41 | 耶稣满心怜悯,伸手kā伊摸,讲:「我肯,你thang清气。」 | C注释 注释 串珠 康来昌 异文 原文 典藏 |
1:42 | Hitê人ê癞ko随时除去,伊to̍h清气。 | 注释 串珠 康来昌 原文 典藏 |
1:43 | 耶稣随时叫伊离开,严严kā伊警戒讲: | 注释 串珠 康来昌 原文 典藏 |
1:44 | 「你tio̍h谨慎,绝对m̄ thang kā人讲啥物;独独你tio̍h去hō͘祭司验你ê身躯,mā ài为tio̍h你得tio̍h清气去献摩西所吩咐ê祭,来对众人证明你已经清气à。」 | 注释 串珠 康来昌 原文 典藏 |
1:45 | 总是,hitê人一下出去,to̍h四界宣扬chitê消息,致使耶稣无法度koh公然入城,soah tio̍h tòa tī外面旷野ê所在。众人犹原tùi ta̍k所在来chhōe耶稣。 | 注释 串珠 康来昌 原文 典藏 |