章节 | 全民台语圣经汉罗经文 | 注释 |
20:1 | 葡萄园ê工人「天国亲像一个葡萄园ê主人透早出去倩工人入去伊ê园做工。 | 注释 串珠 康来昌 字典 原文 典藏 |
20:2 | 伊kah工人约定一日一钱ê银á,to̍h差in入去伊ê园做工。 | 注释 串珠 康来昌 字典 原文 典藏 |
20:3 | 早起时九点ê时,伊koh出去,看tio̍h有人闲闲khiā tī大路口, | 注释 串珠 康来昌 字典 原文 典藏 |
20:4 | to̍h kā in讲:『Lín mā去葡萄园做工,我ē hō͘ lín公道ê工钱。』 | 注释 串珠 康来昌 字典 原文 典藏 |
20:5 | Into̍h入去。中昼十二点kah三点ê时,园主koh出去,mā ánne做。 | 注释 串珠 康来昌 原文 典藏 |
20:6 | 下晡五点ê时园主出去,koh tú tio̍h有人khiā tī hia,to̍h kā in讲:『Lín是án怎kui日闲闲khiā tī chia无teh做啥物?』 | 注释 串珠 康来昌 原文 典藏 |
20:7 | In kā园主讲:『因为无人倩阮。』园主kā in讲:『Lín mā来去葡萄园做工。』 | C注释 注释 串珠 康来昌 字典 原文 典藏 |
20:8 | 到beh暗á ê时,园主kā伊ê管家讲:『叫工人来,发工钱hō͘ in。Tùi路尾来ê开始发,到tāi先来ê为止。』 | 注释 串珠 康来昌 字典 原文 典藏 |
20:9 | Hiahê下晡五点chiah来ê,ta̍k个人lóng领tio̍h一钱ê银á。 | 注释 串珠 康来昌 字典 原文 典藏 |
20:10 | Hiahê chìn前入来做工ê人想讲会领khah chē钱,m̄ koh,ta̍k个人lóng领一钱ê银á。 | 注释 串珠 康来昌 字典 原文 典藏 |
20:11 | In领tio̍h钱了后to̍h对园主nga̍uh-nga̍uh念。 | 注释 串珠 康来昌 原文 典藏 |
20:12 | In埋怨讲:『阮kui日做工hō͘日头曝。Hiahê路尾来ê人做工一点钟,你竟然hō͘ in kah阮平chē钱。』 | 注释 串珠 康来昌 原文 典藏 |
20:13 | 园主对in其中一个人讲:『朋友,我m̄是对你无公道。你kám m̄是kah我约定工钱一钱ê银á? | 注释 串珠 康来昌 字典 原文 典藏 |
20:14 | The̍h你ê工钱做你tńg去。我beh hō͘ chitê路尾来ê人kah你领平chē。 | 注释 串珠 康来昌 原文 典藏 |
20:15 | 我用kakī ê钱做我ài做ê,kám bē做得?我对in慷慨,你soah teh目孔赤,是无?』 | 注释 串珠 康来昌 原文 典藏 |
20:16 | 亲像ánne,路尾ê beh做tāi先,tāi先ê beh做路尾。」 | 注释 串珠 康来昌 原文 典藏 |
20:17 | 耶稣第三pái预言他ê死亡kah Koh活(可10:32-34;路18:31-34)耶稣tī上耶路撒冷ê路中,叫十二使徒来边á,kā in讲: | 注释 串珠 康来昌 字典 原文 典藏 |
20:18 | 「Taⁿ咱beh上耶路撒冷去。人子ē受出卖hō͘ hiahê祭司长kah经学教师,inē kā他定死罪。 | 注释 串珠 康来昌 原文 典藏 |
20:19 | 后来,kā他交hō͘外邦人,koh kā他戏弄、鞭phah,钉十字架,第三日上帝ē hō͘他koh活。」 | 注释 串珠 康来昌 字典 原文 典藏 |
20:20 | 雅各kah约翰ê老母ê请求(可10:35-45)Hit时,西庇太ê bó͘ chhōa两 个kiáⁿ来见耶稣,跪teh求一项sū。 | 注释 串珠 康来昌 原文 典藏 |
20:21 | 耶稣问她讲:「你ài啥物?」她应讲:「祢做王ê时,hō͘我chit两 个kiáⁿ一个坐tòa祢ê正pêng,一个坐tòa祢ê倒pêng。」 | 注释 串珠 康来昌 原文 典藏 |
20:22 | 耶稣应讲:「Lín m̄知kakī teh求啥物。我所tio̍h lim ê苦杯,lín kám ē tàng lim?」In应讲:「会。」 | C注释 注释 串珠 康来昌 字典 原文 典藏 |
20:23 | 耶稣kā in讲:「Lín真正beh lim我ê杯,总是,坐我ê正pêng倒pêng,m̄是我ē tàng hō͘人ê,独独我ê天父chiah ē tàng决定beh hō͘啥人。」 | C注释 注释 串珠 康来昌 字典 原文 典藏 |
20:24 | 其他十个门徒听tio̍h,to̍h对hit两 个兄弟受气。 | 注释 串珠 康来昌 原文 典藏 |
20:25 | 耶稣叫in来,讲:「Lín知外邦人ê君王来统治in,mā有派领袖teh kā in管辖。 | 注释 串珠 康来昌 原文 典藏 |
20:26 | 独独lín无应该ánne。Lín中间ài做大ê tio̍h做lín ê序细。 | 注释 串珠 康来昌 原文 典藏 |
20:27 | Ài做头人ê人tio̍h做lín ê奴仆。 | 注释 串珠 康来昌 原文 典藏 |
20:28 | Tú亲像人子来,m̄是beh hō͘人服事,是beh服事人,koh甚至牺牲kakī ê性命来赎回真chē人。」 | 注释 串珠 康来昌 原文 典藏 |
20:29 | 耶稣医好两 个Chheⁿ-mê人(可10:46-52;路18:35-43)In离开耶利哥城ê时,有真大阵ê人tòe耶稣去。 | 注释 串珠 康来昌 原文 典藏 |
20:30 | Tú好有两 个chheⁿmê ・ê坐tī路边,听tio̍h耶稣tùi hia经过,to̍h大声hoah:「主,大卫ê kiáⁿ孙ah,怜悯阮!」 | 注释 串珠 康来昌 字典 原文 典藏 |
20:31 | 众人kā in责备,叫in tio̍h恬静,m̄ koh,in koh khah大声hoah:「主,大卫ê kiáⁿ孙ah,怜悯阮!」 | 注释 串珠 康来昌 原文 典藏 |
20:32 | 耶稣停落来,叫in来,讲:「Lín ài我kā lín做啥物?」 | 注释 串珠 康来昌 原文 典藏 |
20:33 | In应讲:「主ah,求祢开阮ê目chiu ,hō͘阮会看见。」 | 注释 串珠 康来昌 原文 典藏 |
20:34 | 耶稣可怜in,摸in ê目chiu 。In随时会看见,就tòe耶稣去。 | 注释 串珠 康来昌 原文 典藏 |