章节 | 全民台语圣经汉罗经文 | 注释 |
4:1 | 金灯台ê异象Hitê kah我讲话ê使者koh来kā我叫醒,亲像人teh困hông叫醒。 | 注释 串珠 原文 典藏 |
4:2 | 伊kā我讲:「你看tio̍h啥物?」我讲:「我看tio̍h,你看,有一个灯台,是kui支用金做ê,顶面有一个油柜,灯台顶有七盏灯,顶面ê灯盏有七支管。 | 注释 串珠 字典 原文 典藏 |
4:3 | Koh有两欉ê橄榄树,一欉tī油柜ê正pêng,一欉tī油柜ê倒pêng。 | 注释 串珠 字典 原文 典藏 |
4:4 | 我问kah我讲话ê使者讲:「我ê主ah,chiahê是啥物?」 | 注释 串珠 原文 典藏 |
4:5 | Kah我讲话ê使者应我讲:「你kám m̄知chiahê是啥物?」我讲:「我ê主ah,我m̄知。」 | 注释 串珠 原文 典藏 |
4:6 | 上帝对所罗巴伯ê应允伊应我讲:「这是上主吩咐所罗巴伯ê话。讲:『M̄是用权势,m̄是用能力,to̍h是用我ê圣神。这是万军ê上主讲ê。』 | 注释 串珠 原文 典藏 |
4:7 | 大山,你是啥物?Tī所罗巴伯ê面前,你ē成做平地。伊ēhō͘厝角头ê石头出来,koh有大欢喜ê声大声hoah:『恩惠,恩惠归他!』」 | 注释 串珠 字典 原文 典藏 |
4:8 | 上主ê话koh临到我,讲: | 注释 串珠 原文 典藏 |
4:9 | 「所罗巴伯ê手有hē chit间殿ê地基,伊ê手mā beh完成chitê工,你to̍h ē知是万军ê上主差派我来到lín chia。 | 注释 串珠 原文 典藏 |
4:10 | 啥人看轻chitê小khóa tāichì ê日?Chit七个是上主ê目chiu ,tī全地出入,看tio̍h所罗巴伯ê手the̍h绳线to̍h欢喜。 | 注释 串珠 原文 典藏 |
4:11 | 我koh问伊讲:「Chitê灯台左右hit两欉橄榄树是啥物意思?」 | 注释 串珠 字典 原文 典藏 |
4:12 | 我koh问伊讲:「橄榄树ê两支,tùi两支金ê管流出金油,是啥物意思?」 | 注释 串珠 字典 原文 典藏 |
4:13 | 伊应我讲:「你kám m̄知chiahê是啥物意思?」我讲:「我ê主ah,我m̄知。」 | 注释 串珠 原文 典藏 |
4:14 | 伊讲:「这是两 个受抹油ê,khiā tī普天下ê主ê边á。」 | 注释 串珠 字典 原文 典藏 |