章节 | 全民台语圣经汉罗经文 | 注释 |
10:1 | Tī底格里斯大河边看见ê异象波斯王古列第三年,有tāichì显示hō͘叫做Bel-ti-sia-chal ê但以理。Chitê tāichì是真实,是讲tio̍h大交战;但以理通达chitê tāichì,明白chitê异象。 | 注释 串珠 原文 典藏 |
10:2 | Hit时,我—但以理忧闷三个七日期。 | 注释 串珠 原文 典藏 |
10:3 | 好ê物我无食,肉kah酒无入我ê嘴,mā无用油抹我ê身躯,一直到满三个七日期。 | 注释 串珠 字典 原文 典藏 |
10:4 | 正月二十四,我tī底格里斯大河边, | 注释 串珠 原文 典藏 |
10:5 | gia̍h头teh看,你看,有一个人身躯穿幼苎布ê衫,腰縖U-hoah ê纯金。 | 注释 串珠 字典 原文 典藏 |
10:6 | 伊ê身躯亲像黄玉,面貌亲像sihnà ê款,伊ê目chiu 亲像火把,伊ê手kah脚色致亲像磨光ê铜,伊讲话ê声亲像kui阵人ê声。 | 注释 串珠 字典 原文 典藏 |
10:7 | Chitê异象只有我—但以理一个人看tio̍h,因为kah我同在ê人无看tio̍h hitê异象,kantaⁿ phi̍h-phi̍h chhoah,走去bih。 | 注释 串珠 原文 典藏 |
10:8 | Chhun我kakī tī hia。我看tio̍h chitê大异象,身躯lóng无气力,而且我面貌ê súi色变bái,致到lóng无力。 | 注释 串珠 原文 典藏 |
10:9 | 总是,我听tio̍h伊讲话ê声,听tio̍h伊讲话ê时,我仆落地,面àⁿ地,就困重眠。 | 注释 串珠 原文 典藏 |
10:10 | 你看,有一支手摸我,hō͘我ê脚头u kah手掌贴tī地里teh chhoah。 | 注释 串珠 原文 典藏 |
10:11 | 伊to̍h对我讲:「大大得tio̍h宠爱ê人—但以理,你tio̍h明白我kah你所讲chiahê话。Khiā起来,因为我taⁿ奉差遣来到你chia。」伊对我讲chitê话,我to̍h khiā-teh gī-gī chhoah。 | 注释 串珠 原文 典藏 |
10:12 | 伊koh对我讲:「但以理,m̄免惊!因为tùi你头一日tio̍h专心ài明白,koh kakī 谦卑tī你上帝ê面前ê时,你ê话已经得tio̍h听tio̍h;而且我是因为你ê话chiah来。 | 注释 串珠 原文 典藏 |
10:13 | M̄ koh,波斯国ê天使阻挡我二十一日。你看,有天使长ê一个—米迦勒,伊来帮赞我,我to̍h停tī hia,kah波斯hiahê王做阵。 | 注释 串珠 原文 典藏 |
10:14 | Taⁿ我来是beh hō͘你明白你ê人民日后所会tú ・tio̍h ê tāichì,因为chitê异象iáu koh 讲tio̍h真chē以后ê日。」 | 注释 串珠 原文 典藏 |
10:15 | 伊kā chiahê话对我讲,我to̍h面ǹg地,恬恬无讲话。 | 注释 串珠 原文 典藏 |
10:16 | 你看,有一位亲像人ê款ê teh摸我ê嘴唇,我to̍h开嘴对hit位khiā tī我ê面前ê讲:「我ê主ah,因为chitê异象,我真忧闷,致使我lóng无力。 | 注释 串珠 原文 典藏 |
10:17 | 我是主ê奴仆,ná ē tàng kah我ê主讲话?因为chit时我ê身躯lóng无力,mā lóng bē喘气。」 | 注释 串珠 原文 典藏 |
10:18 | Koh有一位亲像人ê款ê来摸我,hō͘我koh有力起来。 | 注释 串珠 原文 典藏 |
10:19 | 伊讲:「大大得tio̍h宠爱ê人,m̄免惊,愿你平安!你tio̍h勇壮,tio̍h勇壮。」伊一下对我讲话,我to̍h得tio̍h有力,讲:「我ê主ah,请你讲,因为你已经hō͘我有力。」 | 注释 串珠 原文 典藏 |
10:20 | 伊to̍h讲:「你知我是án怎来你chia?Taⁿ我beh倒tńg去kah波斯ê天使交战,我去了,你看,希腊ê天使teh beh来。 | 注释 串珠 原文 典藏 |
10:21 | 总是,我beh kā记载tī真实ê册ê指示你。除了你ê天使长—米迦勒以外,无一个ē kah阮tàu出力来抵挡in。」 | 注释 串珠 原文 典藏 |