章节 | 全民台语圣经汉罗经文 | 注释 |
1:1 | 便雅悯地亚拿突城ê祭司中,希勒家ê kiáⁿ耶利米ê话记tī下底: | 注释 串珠 原文 典藏 |
1:2 | 当偤大王亚扪ê kiáⁿ约西亚坐位ê十三年,上主ê话临到耶利米。 | 注释 串珠 原文 典藏 |
1:3 | Koh tī偤大王约西亚ê kiáⁿ约雅敬坐位ê时,一直到偤大王约西亚ê kiáⁿ西底家十一年ê路尾,tī五月间,耶路撒冷人受掠ê时,上主ê话临到耶利米。 | 注释 串珠 原文 典藏 |
1:4 | 耶利米蒙选召上主ê话临到我,讲: | 注释 串珠 原文 典藏 |
1:5 | 「我未创造你tī老母腹肚内ê chìn前,我bat你;你未出胎ê chìn前,我kā你分别做圣;设立你做列国ê先知。」 | 注释 串珠 原文 典藏 |
1:6 | 我to̍h讲:「害ah!至koân上主ah,你看,我bē晓讲,因为我是gín-á。」 | 注释 串珠 原文 典藏 |
1:7 | 总是,上主对我讲:「你m̄ thang讲『我是gín-á』。我见若有差你,你tio̍h去;我见若有吩咐你,你tio̍h讲。 | 注释 串珠 原文 典藏 |
1:8 | 你m̄免惊in,因为我kah你同在,我ē救你。这是上主讲ê。」 | 注释 串珠 原文 典藏 |
1:9 | 上主to̍h伸他ê手来摸我ê嘴。上主kā我讲:「你看,我有kā我ê话hē tī你ê嘴。 | 注释 串珠 原文 典藏 |
1:10 | 你看,今á日我tī列邦列国ê顶面设立你,是为tio̍h beh拔出,beh拆毁,beh败坏,beh chhia倒,beh建立,beh栽培。」 | 注释 串珠 原文 典藏 |
1:11 | 两 个异象上主ê话koh临到我讲:「耶利米,你看tio̍h啥物?」我应讲:「我看tio̍h杏树ê一支。」 | 注释 串珠 字典 原文 典藏 |
1:12 | 上主to̍h对我讲:「你所看ê是tio̍h;我teh斟酌我ê话来kā它成。」 | 注释 串珠 原文 典藏 |
1:13 | 上主ê话第二pái临到我讲:「你看tio̍h啥物?」我应讲:「我看tio̍h一个鼎teh滚,它ê面tùi北pêng ǹg过来。」 | 注释 串珠 字典 原文 典藏 |
1:14 | 上主to̍h对我讲:「ē有灾祸tùi北方发出,临到tòa tī chit所在所有ê人民。」 | 注释 串珠 原文 典藏 |
1:15 | 上主讲:「你看,我beh召北方列国ê众族;in ē来,ta̍k个lóng tī耶路撒冷chiahê城门口安座位,四箍围攻击城墙,mā beh攻击偤大所有ê城。 | 注释 串珠 字典 原文 典藏 |
1:16 | 讲tio̍h chiahê人民一切ê pháiⁿ,to̍h是离开我,ǹg别个神明烧香;跪拜in ê手所做ê,我beh讲起我ê判断来kā in攻击。 | 注释 串珠 字典 原文 典藏 |
1:17 | 所以,你tio̍h 縖腰,起来,kā我所吩咐你所有ê话kā in讲;『M̄-thang因为in来惊惶,chiah免得我hō͘你tī in ê面前来惊惶。 | 注释 串珠 原文 典藏 |
1:18 | 你看,因为我今á日hō͘你成做坚固ê城,做铁柱,做铜墙,来抵挡全地,以及偤大ê列王、贵族、祭司kah chit所在ê众人。 | 注释 串珠 字典 原文 典藏 |
1:19 | In beh攻击你,总是,bē tàng赢你;因为我kah你同在,ē kā你拯救。这是上主讲ê。」 | 注释 串珠 原文 典藏 |