| 章节 | 全民台语圣经汉罗经文 | 注释 |
| 31:1 | 我kah我ê目chiu 立约，ná ē注意teh看在室女？ | 注释 串珠 原文 典藏 |
| 31:2 | 因为上帝tùi顶面所定tio̍h ê份额，全能ê tùi顶面所派ê基业是啥物？ | 注释 串珠 原文 典藏 |
| 31:3 | Kám m̄是患难临到不义ê人，灾害临到作孽ê人？ | 注释 串珠 原文 典藏 |
| 31:4 | 上帝kám m̄是teh鉴察我ê路，点算我ê脚步？ | 注释 串珠 字典 原文 典藏 |
| 31:5 | 我若kah虚假做伙行，脚若赶紧tòe诡诈， | 注释 串珠 原文 典藏 |
| 31:6 | 愿我hō͘公道ê天秤来秤（chhìn），hō͘上帝知影我ê纯全。 | 注释 串珠 字典 原文 典藏 |
| 31:7 | 我ê脚步若偏离正路，我ê心若跟tòe我ê目chiu ，若有lahsap黏tī我ê手， | 注释 串珠 字典 原文 典藏 |
| 31:8 | 就愿我所种作ê hō͘别人去食，我所出产ê农作物ê根受拔起来。 | 注释 串珠 原文 典藏 |
| 31:9 | 我ê心若hō͘ chabó͘人引诱去，á是我bih tī厝边ê门teh等chabó͘人， | 注释 串珠 字典 原文 典藏 |
| 31:10 | 就愿我ê chabó͘人kā人挨磨，别人mā kah她同房。 | 注释 串珠 原文 典藏 |
| 31:11 | 因为这是大pháiⁿ，是审判官应该办ê罪； | 注释 串珠 原文 典藏 |
| 31:12 | 这是火，会烧到灭亡，拔除我一切所出产农作物ê根。 | 注释 串珠 原文 典藏 |
| 31:13 | 我ê奴仆女婢kah我辩论ê时，我若有藐视in ê理由， | 注释 串珠 原文 典藏 |
| 31:14 | 上帝兴起，我beh án怎chiah好？他审问ê时，我beh án怎应？ | 注释 串珠 原文 典藏 |
| 31:15 | 造我tī胎里ê上帝kám m̄是mā有造伊？造成阮tī腹肚ê kám m̄是仝一个上帝？ | 注释 串珠 原文 典藏 |
| 31:16 | 我若禁止sànchhiah人ê意愿，á是hō͘寡妇ê目chiu 看到目眩； | 注释 串珠 原文 典藏 |
| 31:17 | á是我kakī 食淡薄物，孤儿食无份； | 注释 串珠 字典 原文 典藏 |
| 31:18 | tùi我少年，伊kah我做伙大汉，ná亲像kah老父仝款；我tùi出老母ê腹肚就牵成寡妇； | 注释 串珠 原文 典藏 |
| 31:19 | 我若看tio̍h人因为无衫来寒死，á是看tio̍h sànchhiah人身躯无thang遮盖， | 注释 串珠 字典 原文 典藏 |
| 31:20 | 伊ê腰若无kā我祝福，伊mā无tùi我ê羊毛来得tio̍h温暖， | 注释 串珠 字典 原文 典藏 |
| 31:21 | 我若因为tī城门口有kā我帮赞，to̍h起手攻击孤儿； | 注释 串珠 字典 原文 典藏 |
| 31:22 | ánne，愿我ê手tùi肩胛lut落去，我ê手节tùi骨受at断； | 注释 串珠 原文 典藏 |
| 31:23 | 因为tùi上帝来ê灾祸hō͘我惊惶，因为他ê威严，我当bē起。 | 注释 串珠 原文 典藏 |
| 31:24 | 我若用黄金做ǹg望，对纯金讲：你是我ê óa靠； | 注释 串珠 原文 典藏 |
| 31:25 | 我若因为财物丰盛，因为我ê手thàn真chē钱来欢喜； | 注释 串珠 原文 典藏 |
| 31:26 | 我若看tio̍h日teh发光，月光光teh行； | 注释 串珠 原文 典藏 |
| 31:27 | 我ê心tī暗中受引诱，á是我ê嘴kah我ê手相chim； | 注释 串珠 原文 典藏 |
| 31:28 | 这mā是审判官应该办ê罪，因为我ánne做是悖逆tī顶面ê上帝。 | 注释 串珠 原文 典藏 |
| 31:29 | 我若掠怨恨我ê人ê灾祸做快乐，á是为tio̍h伊tú tio̍h灾祸来得意； | 注释 串珠 原文 典藏 |
| 31:30 | 其实我无容允我ê嘴犯罪，咒诅求hō͘ in死； | 注释 串珠 原文 典藏 |
| 31:31 | 若我布棚内ê人无讲：啥人ēchhōe tio̍h一个无食上帝ê好物到饱ê？ | 注释 串珠 原文 典藏 |
| 31:32 | 出外人无歇tī街路，我kā行路ê人开门； | 注释 串珠 原文 典藏 |
| 31:33 | 我若亲像亚当遮盖我ê过失，kā我ê罪孽khǹg tī我ê胸前； | 注释 串珠 原文 典藏 |
| 31:34 | 我若为tio̍h惊大阵ê群众，惊宗族ê藐视，致使恬恬m̄敢出门； | 注释 串珠 字典 原文 典藏 |
| 31:35 | 愿有一个teh听我！你看，有我所画ê记号，愿全能ê应我；愿我ē得tio̍h我ê对敌所写ê告状！ | 注释 串珠 字典 原文 典藏 |
| 31:36 | 我一定beh kā伊背tī我ê肩胛头，kā它做冕旒来戴。 | 注释 串珠 原文 典藏 |
| 31:37 | 我beh对他讲明我脚步ê数额，beh亲像君王来见他。 | 注释 串珠 原文 典藏 |
| 31:38 | 我ê田园若出声告我，犁沟做伙啼哭； | 注释 串珠 原文 典藏 |
| 31:39 | 我若食伊ê出产无hō͘伊价钱，á是hō͘业主失落伊ê性命； | 注释 串珠 字典 原文 典藏 |
| 31:40 | 就愿刺á生出来替小麦，pháiⁿ草生出来替大麦。约伯ê话讲soah à。 | 注释 串珠 字典 原文 典藏 |