| 章节 | 全民台语圣经汉罗经文 | 注释 |
| 41:1 | 约瑟为王解梦整整过了两年，法老眠梦，梦见伊khiā tī河边， | 注释 串珠 康来昌 原文 典藏 |
| 41:2 | 看tio̍h七只牛母tùi河里起来，súi koh肥，tī芦竹á内teh食草。 | 注释 串珠 康来昌 字典 原文 典藏 |
| 41:3 | Tòe后koh有七只牛母tùi河里起来，khiap-sì koh瘦，kah前hiahê牛做伙khiā tī河边。 | 注释 串珠 康来昌 字典 原文 典藏 |
| 41:4 | Chiahê khiap-sì koh瘦ê牛母kā hit七只súi koh肥ê牛全部食了了。法老就醒起来。 | 注释 串珠 康来昌 字典 原文 典藏 |
| 41:5 | 法老koh困，第二pái眠梦，梦见一欉麦出七穗，phauh koh好看。 | 注释 串珠 康来昌 原文 典藏 |
| 41:6 | 后来，koh看tio̍h koh出七穗，冇冇（phàⁿ-phàⁿ）koh hō͘东风扫pháiⁿ。 | 注释 串珠 康来昌 原文 典藏 |
| 41:7 | Chiahê冇ê穗kā hit七穗phauh koh饱满ê吞落去。法老醒起来，chiah知是teh眠梦。 | 注释 串珠 康来昌 原文 典藏 |
| 41:8 | 到天光，法老心无平安，to̍h差人召埃及所有ê术士kah星象家来；法老to̍h kā伊所梦见ê kā in讲，in无人ē晓kā法老解梦。 | 注释 串珠 康来昌 原文 典藏 |
| 41:9 | Hit时，酒政长kā法老讲：「我今á日想起我ê罪。 | 注释 串珠 康来昌 原文 典藏 |
| 41:10 | 前法老受气人臣，kā我kah厨房长关tī侍卫长府内ê监。 | 注释 串珠 康来昌 原文 典藏 |
| 41:11 | 我kah伊，两人siâng hit暝有梦见，阮各人ê梦有无仝ê意义。 | 注释 串珠 康来昌 原文 典藏 |
| 41:12 | Tī hia有一个希伯来ê少年人kah阮同在，伊是侍卫长ê奴仆。阮kā伊讲阮ê梦，伊to̍hka7阮解梦；伊是照阮ta̍k人ê梦来解梦。 | 注释 串珠 康来昌 原文 典藏 |
| 41:13 | 后来，tāichì tútú照伊所kā阮解梦ê来实现：你hō͘我复职，hitê人受吊来死。」 | 注释 串珠 康来昌 原文 典藏 |
| 41:14 | 法老to̍h差人去召约瑟来，in to̍h赶紧chhōa伊出监。伊to̍h剃头、换衫，来见法老。 | 注释 串珠 康来昌 字典 原文 典藏 |
| 41:15 | 法老kā约瑟讲：「我梦见一个梦，无人ē晓解梦；我听人讲你若听tio̍h梦to̍h ē晓解。」 | 注释 串珠 康来昌 原文 典藏 |
| 41:16 | 约瑟应法老讲：「这m̄是在tī我；上主ē kā平安指示法老。」 | 注释 串珠 康来昌 原文 典藏 |
| 41:17 | 法老kā约瑟讲：「我梦见我khiā tī河边， | 注释 串珠 康来昌 原文 典藏 |
| 41:18 | 有七只牛母tùi河里起来，肥koh súi，tī芦竹á内teh食草。 | 注释 串珠 康来昌 字典 原文 典藏 |
| 41:19 | Tòe后koh有七只牛母起来，软chiáⁿ，真khiap-sì，koh真瘦。埃及全地，我m̄ bat看过chiah bái ・ê。 | 注释 串珠 康来昌 字典 原文 典藏 |
| 41:20 | Chiahê瘦koh khiap-sì ê牛母kā hit七只肥ê牛母全部食了了。 | 注释 串珠 康来昌 字典 原文 典藏 |
| 41:21 | In有吞落腹，m̄ koh，看bē出有吞落去，因为hitê khiap-sì ê款犹原kah以前仝款。然后，我to̍h醒。 | 注释 串珠 康来昌 原文 典藏 |
| 41:22 | 我tī梦中koh看tio̍h一欉麦出七穗，饱满koh好看。 | 注释 串珠 康来昌 原文 典藏 |
| 41:23 | 后来，koh出七穗，干干，冇冇，koh hō͘东风扫pháiⁿ。 | 注释 串珠 康来昌 原文 典藏 |
| 41:24 | Chiahê冇冇ê穗吞食hit七穗好ê。我讲hō͘术士听，mā无人ē晓kā我解明。」 | 注释 串珠 康来昌 原文 典藏 |
| 41:25 | 约瑟kā法老讲：「法老ê两 个梦是一个意思；上主所beh行ê tāichì，有先指示法老。 | 注释 串珠 康来昌 原文 典藏 |
| 41:26 | 七只好ê牛母是七年，七穗好ê，mā是七年；两 个梦是一个意思。 | 注释 串珠 康来昌 字典 原文 典藏 |
| 41:27 | Hiahê tòe后起来ê七只瘦koh khiap-sì ê牛母，是七年；hiahê七穗空冇koh hō͘东风扫pháiⁿ ê，mā是七年；lóng表示ē有七年ê饥荒。 | 注释 串珠 康来昌 字典 原文 典藏 |
| 41:28 | 上帝所beh做ê tāichì，有显明tī法老；这是我对法老所讲ê。 | 注释 串珠 康来昌 原文 典藏 |
| 41:29 | 你看，埃及全地会tú tio̍h大好年冬七年， | 注释 串珠 康来昌 原文 典藏 |
| 41:30 | tòe后koh ētú tio̍h饥荒七年，甚至tī埃及地lóng ēbē记得以前ê好收成，全地lóngē hō͘饥荒灭掉。 | 注释 串珠 康来昌 原文 典藏 |
| 41:31 | 因为以后ê饥荒siuⁿ伤重，to̍h m̄知以前地方ê好收成。 | 注释 串珠 康来昌 原文 典藏 |
| 41:32 | 法老做两pái ê眠梦，是因为上主定tio̍h chitê tāichì，koh ē真紧来完成。 | 注释 串珠 康来昌 原文 典藏 |
| 41:33 | 「所以，法老tio̍h拣一个聪明koh有智慧ê人，派伊治理埃及地。 | 注释 串珠 康来昌 原文 典藏 |
| 41:34 | 法老tio̍h ánne行，koh设立官员管理chitê地。当七年好年冬ê时，tio̍h kā埃及地所收成ê，五份徵收一份， | 注释 串珠 康来昌 原文 典藏 |
| 41:35 | hō͘ in tī将来ê好年冬，积聚一切ê米粮。Tio̍h聚集五谷，lóng归tī法老ê手头；收藏起来，thang做ta̍k个城ê食物。 | 注释 串珠 康来昌 原文 典藏 |
| 41:36 | 所积聚ê米粮，thang做埃及地将来七年饥荒ê路用，免得chitê地hō͘饥荒所灭。」 | 注释 串珠 康来昌 原文 典藏 |
| 41:37 | 约瑟受命管理埃及法老kah伊所有ê人臣lóng赞成chitê做法。 | 注释 串珠 康来昌 原文 典藏 |
| 41:38 | 法老对伊ê人臣讲：「咱kám ēchhōe tio̍h一个亲像伊chit款ê人，有上帝ê灵tī伊ê内面？」 | 注释 串珠 康来昌 原文 典藏 |
| 41:39 | 法老对约瑟讲：「上帝已经kā chitê tāichì lóng指示你，可见无人亲像你有chit款ê聪明智慧。 | 注释 串珠 康来昌 原文 典藏 |
| 41:40 | 你thang来管理我ê家，我ê人民lóng tio̍h听你ê话，hō͘你管理。独独tī宝座，我比你khah大。」 | 注释 串珠 康来昌 字典 原文 典藏 |
| 41:41 | 法老kā约瑟讲：「我举起你来管辖埃及全地。」 | 注释 串珠 康来昌 原文 典藏 |
| 41:42 | 法老就剥伊手里做印ê手指，挂tī约瑟ê指头á，kā伊穿幼苎衫，koh kā金链á挂tī伊ê颔颈。 | 注释 串珠 康来昌 字典 原文 典藏 |
| 41:43 | 伊koh hō͘约瑟坐伊ê第二号车；开路ê大声hoah：「跪！」Án-ne，法老设立伊来治理埃及全地。 | 注释 串珠 康来昌 字典 原文 典藏 |
| 41:44 | 法老对约瑟讲：「我是法老，若无你出声指示，tī埃及全地，m̄准人随便动脚动手。」 | 注释 串珠 康来昌 原文 典藏 |
| 41:45 | 法老钦赐约瑟ê名叫做Chap-nat-pa-né-ah，koh kā Ong城ê祭司Pho-ti-hoe-la̍h ê chabó͘ kiáⁿ A-se-nat hō͘伊做bó͘。约瑟to̍h出巡埃及地。 | 注释 串珠 康来昌 原文 典藏 |
| 41:46 | 约瑟见埃及王法老ê时，hit年三十岁。约瑟tùi法老ê面前出去，遍行埃及全地。 | 注释 串珠 康来昌 原文 典藏 |
| 41:47 | 七个好年冬ê内面，地ê出产非常丰盛。 | 注释 串珠 康来昌 原文 典藏 |
| 41:48 | 约瑟聚集埃及地七个好年冬所有ê米粮，kā米粮积聚tī ta̍k个城；四箍围田地ê米粮，lóng积聚tī它ê本城。 | 注释 串珠 康来昌 原文 典藏 |
| 41:49 | 约瑟积聚五谷极chē，亲像海边ê沙；伊算kah停止无算，因为算bē了。 | 注释 串珠 康来昌 原文 典藏 |
| 41:50 | 饥荒ê年未到以前，Ong城ê祭司Pho-ti-hoe-la̍h ê chabó͘ kiáⁿ A-se-nat kā约瑟生两 个kiáⁿ。 | 注释 串珠 康来昌 原文 典藏 |
| 41:51 | 约瑟kā大kiáⁿ号名叫做玛拿西，因为伊讲：「上主hō͘我bē记得我一切ê困苦kah我ê老父ê全家。」 | 注释 串珠 康来昌 原文 典藏 |
| 41:52 | 伊kā第二kiáⁿ号名叫做以法连，因为伊讲：「上帝hō͘我tī我受苦ê所在兴旺。」 | 注释 串珠 康来昌 原文 典藏 |
| 41:53 | 埃及第七年好年冬一下结束， | 注释 串珠 康来昌 原文 典藏 |
| 41:54 | 七年ê饥荒to̍h来。Τú-tú照约瑟所讲ê，ta̍k国lóng有饥荒；独独埃及全地有米粮。 | 注释 串珠 康来昌 字典 原文 典藏 |
| 41:55 | 到埃及全地有饥荒，众人对法老哀求米粮。法老对埃及ê人民讲：「Lín去chhōe约瑟，所有伊所讲ê，lín lóng tio̍h照做。」 | 注释 串珠 康来昌 字典 原文 典藏 |
| 41:56 | 当时饥荒遍满天下，约瑟开ta̍k所在ê粟仓，粜米粮hō͘埃及人；tī埃及地饥荒真伤重。 | 注释 串珠 康来昌 原文 典藏 |
| 41:57 | Ta̍k国ê人lóng去埃及，到约瑟hia籴米粮，因为天下饥荒真伤重。 | 注释 串珠 康来昌 原文 典藏 |