章节 | 全民台语圣经汉罗经文 | 注释 |
6:1 | Kah尼希米对敌ê阴谋参巴拉、多比雅、阿拉伯人基善kah阮其他ê对敌,听tio̍h我已经kā城墙起好,其中无留kah一隙(hit时我iáu未有安门扇)。 | 注释 串珠 字典 原文 典藏 |
6:2 | 参巴拉kah基善to̍h差人来见我,讲:「请你来,咱tī阿罗平原一个庄头相会。」In总是想beh害我。 | 注释 串珠 原文 典藏 |
6:3 | 我to̍h差使者去见in,讲:「我taⁿ teh办理大ê工事,bē tàng落去。Ná ē tàng离开工事落去见lín,hō͘ chitê工作停止?」 | 注释 串珠 原文 典藏 |
6:4 | In ánne四pái差人来见我,我lóng ánne kā in应。 | 注释 串珠 原文 典藏 |
6:5 | 参巴拉第五pai2to̍h差伊ê奴仆来见我,手the̍h露封ê phoe。 | 注释 串珠 原文 典藏 |
6:6 | Phoe内写讲:「外邦中有风声,Ga-sîm mā讲:你kah偤大人teh谋反,所以,你起城墙,你beh做in ê王,照chiahê话。 | 注释 串珠 原文 典藏 |
6:7 | 你koh派先知tī耶路撒冷宣布你ê tāichì,讲tī偤大有王。Taⁿ beh照chiahê话奏王,所以,请你来,咱做伙议论。」 | 注释 串珠 原文 典藏 |
6:8 | 我to̍h差人去见伊,讲:「你所讲chitê tāichì,lóng是无影,是你ê心捏(lia̍p)造出来ê。」 | 注释 串珠 原文 典藏 |
6:9 | 因为in lóng ài hō͘阮惊,意思是beh hō͘阮ê手会酸软,致使工事做bē成。上帝ah,求祢坚固我ê手! | 注释 串珠 原文 典藏 |
6:10 | 后来,我去到Me-he-tha-bel ê孙,第莱雅ê kiáⁿ示玛雅ê厝。Hit时,伊kā门关teh无出来。伊讲:「咱tio̍h tī上主ê殿相会,tī殿里kā殿门关起来,因为in beh来thâi你,to̍h是tī暗时beh来thâi你。」 | 注释 串珠 字典 原文 典藏 |
6:11 | 我讲:「亲像我chit款人,kám thang走?亲像我chit款人,kám thang入殿来保全性命?我m̄入去。」 | 注释 串珠 字典 原文 典藏 |
6:12 | 我看出,我知上帝无差伊,是伊kakī 讲chitê先知话来攻击我,是多比雅kah参巴拉kā伊乌纱。 | 注释 串珠 原文 典藏 |
6:13 | 乌纱ê缘故是beh hō͘我惊,hō͘我ánne做来犯罪,in thang宣扬pháiⁿ话来kā我毁谤。 | 注释 串珠 原文 典藏 |
6:14 | 我ê上帝ah,多比雅、参巴拉、女先知No-a-tiah kah其他hiahê先知,lóng是beh hō͘我惊。求祢ē记得in ê所做。 | 注释 串珠 原文 典藏 |
6:15 | E-lot月二五,城墙已经起好,共五十二日。 | 注释 串珠 原文 典藏 |
6:16 | 工程结束阮所有ê对敌听tio̍h,四箍围ê外邦人lóng tio̍h惊,kakī 看做是失败,因为看tio̍h chitê工事做成,是出tī咱ê上帝。 | 注释 串珠 原文 典藏 |
6:17 | 当hiahê日,偤大ê贵族tiāⁿ-tiāⁿ 寄phoe hō͘多比雅,多比雅mā用phoe kā in回覆。 | 注释 串珠 原文 典藏 |
6:18 | 因为tī偤大有真chē人kah伊结盟;因为伊是亚拉ê kiáⁿ,示迦尼ê kiáⁿ婿,而且伊ê kiáⁿ约哈难娶比利家ê kiáⁿ米书兰ê chabó͘ kiáⁿ做bó͘。 | 注释 串珠 原文 典藏 |
6:19 | In tiāⁿ-tiāⁿ tī我ê面前讲起伊ê好所行,mā kā我ê话传hō͘伊。多比雅koh tiāⁿ-tiāⁿ 寄phoe hō͘我,beh hō͘我惊。 | 注释 串珠 原文 典藏 |