章节 | 全民台语圣经汉罗经文 | 注释 |
1:1 | 古列王下令偤太人回国当波斯王古列元年,因为beh应验上主托耶利米所讲ê话,上主就激动波斯王古列ê心,hō͘伊宣布tī 全国,koh写命令,讲: | 注释 串珠 原文 典藏 |
1:2 | 波斯王古列ánne讲:『天顶ê上帝—上主kā天下ê万国赏赐hō͘我,koh命令我tī偤大ê耶路撒冷kā他起殿。 | 注释 串珠 原文 典藏 |
1:3 | Lín中间见若做他ê子民ê,thang上去偤大ê耶路撒冷,tī耶路撒冷koh起上主—以色列上帝ê殿。愿伊ê上帝kah伊同在(他真正是上帝)。 | 注释 串珠 原文 典藏 |
1:4 | 见若所chhun落来ê人,无论寄脚tī啥物所在,hit所在ê人tio̍h用金银、财物kah chengseⁿ,kā伊帮赞,另外mā tio̍h为耶路撒冷上帝ê殿,甘心献礼物。』」 | 注释 串珠 字典 原文 典藏 |
1:5 | 就ánne,偤大kah便雅悯ê族长、祭司、利未人,见若hō͘上主激动伊ê心ê,lóng起来,beh上去耶路撒冷,起上主ê殿。 | 注释 串珠 原文 典藏 |
1:6 | In四箍围ê人to̍h用银器、用金、财物、chengseⁿ、宝贝补助in,另外koh有甘心献ê礼物。 | 注释 串珠 原文 典藏 |
1:7 | 古列王mā kā上主殿内ê器具the̍h出来,to̍h是前尼布甲尼撒tùi耶路撒冷搬来ê,hē tī伊hiahê神明ê庙ê。 | 注释 串珠 字典 原文 典藏 |
1:8 | Chiahê器具,波斯王古列托管库房ê Mit-le-tat the̍h出来点算,交hō͘偤大ê首领Se-si-ba-chal。 | 注释 串珠 原文 典藏 |
1:9 | In ê数额记tī下面:金盘三十块,银盘一千块,刀二十九支, | 注释 串珠 字典 原文 典藏 |
1:10 | 金碗三十块,第二级ê银碗四百十块,别种ê器具一千件。金银ê器具共五千四百件。 | 注释 串珠 字典 原文 典藏 |
1:11 | Chhōa受掠ê人tùi巴比伦来到耶路撒冷ê时,Se-si-ba-chal kā chiahê lóng带去。 | 注释 串珠 原文 典藏 |