章节 | 全民台语圣经汉罗经文 | 注释 |
36:1 | 约西亚kah约哈斯(王下23:30-35)人民kā约西亚ê kiáⁿ约哈斯设立做王,tī耶路撒冷续接伊ê老父。 | 注释 串珠 原文 典藏 |
36:2 | 约哈斯坐位ê时二十三岁,tī耶路撒冷做王经过三月日。 | 注释 串珠 原文 典藏 |
36:3 | 埃及王tī耶路撒冷kā伊废掉,koh罚hit国进贡银一百他连得kah金一他连得。 | 注释 串珠 字典 原文 典藏 |
36:4 | 埃及王设立伊ê阿兄E-li-a-kim做偤大kah耶路撒冷ê王,kā伊ê名换做约雅敬。尼哥chhōa伊ê小弟约哈斯来到埃及。 | 注释 串珠 原文 典藏 |
36:5 | 偤大ê约雅敬王(王下23:36-24:7)约雅敬坐位ê时二十五岁,tī耶路撒冷做王共十一年。伊行上主—伊ê上帝所看做pháiⁿ ê tāichì。 | 注释 串珠 原文 典藏 |
36:6 | 巴比伦王尼布甲尼撒to̍h来kā伊攻击,用铜链kā伊缚起来,beh kā伊押来巴比伦。 | 注释 串珠 字典 原文 典藏 |
36:7 | 尼布甲尼撒koh kā上主殿内ê器具带到巴比伦,hē tī巴比伦伊ê庙内。 | 注释 串珠 字典 原文 典藏 |
36:8 | 约雅敬其他ê tāichì kah伊所行可恶ê tāichì,以及伊ê不正,lóng记tī以色列kah偤大列王ê记录中。伊ê kiáⁿ约雅斤续接伊做王。 | 注释 串珠 字典 原文 典藏 |
36:9 | 偤大王约雅斤(王下24:8-17)约雅斤坐位ê时八岁,tī耶路撒冷做王三月日koh十工,伊行上主所看做pháiⁿ ê tāichì。 | 注释 串珠 原文 典藏 |
36:10 | 隔tńg年,尼布甲尼撒差人带伊kah上主殿内hiahê宝贝ê器具来到巴比伦,to̍h设立伊ê阿叔西底家做偤大kah耶路撒冷ê王。 | 注释 串珠 原文 典藏 |
36:11 | 偤大王西底家(王下24:18-20;耶52:1-3)西底家坐位ê时二十一岁,tī耶路撒冷做王共十一年。 | 注释 串珠 原文 典藏 |
36:12 | 伊行上主—伊ê上帝所看做pháiⁿ ê tāichì。耶利米先知kā上主所吩咐ê传hō͘伊,tī上主ê面前,伊犹原无kakī 谦卑。 | 注释 串珠 原文 典藏 |
36:13 | 耶路撒冷陷落(王下25:1-21;耶52:3-11)尼布甲尼撒王bat kah伊kí上帝来chiùchōa,总是,伊背叛,硬伊ê颔颈,固执伊ê心,m̄归顺上主—以色列ê上帝。 | 注释 串珠 原文 典藏 |
36:14 | 而且hiahê祭司ê头目kah人民mā犯大罪,学外邦所有可恶ê tāichì,tī耶路撒冷分别做圣ê殿òe lahsap上主。 | 注释 串珠 原文 典藏 |
36:15 | 上主—in祖先ê上帝托他hiahê使者,差in去人民hia,是透早to̍h起来差伊,因为他怜悯他ê子民kah他tòa ê所在。 | 注释 串珠 原文 典藏 |
36:16 | 总是,in耻笑上帝ê使者,藐视他ê话,khau洗他ê先知,一直到上主对他ê子民大受气,无法度thang医治。 | 注释 串珠 原文 典藏 |
36:17 | 所以,上帝chhōa迦勒底人ê王来kā in攻击,tī in圣所ê厝用刀kā in ê少年人thâi死,无怜悯in少年ê chapo͘丁,á是在室女,á是老kah白头毛ê。上帝kā in lóng交tī迦勒底人ê王ê手。 | 注释 串珠 字典 原文 典藏 |
36:18 | 伊koh kā上主ê殿内ê大细器具kah财宝,以及王kah hiahê首领ê财宝,lóng带来到巴比伦。 | 注释 串珠 原文 典藏 |
36:19 | In烧上帝ê厝,拆毁耶路撒冷ê城墙,用火烧hiahê宫殿,毁坏hiahê宝贝ê器具。 | 注释 串珠 字典 原文 典藏 |
36:20 | 见若脱离刀剑ê,伊kā in带到巴比伦,hō͘ in做伊kah伊ê kiáⁿ孙ê奴仆,到波斯国兴起为止。 | 注释 串珠 字典 原文 典藏 |
36:21 | 这是应验上主托耶利米所讲ê话:thèng候土地享受它ê安息,因为它抛荒ê时守安息,到满七十年。 | 注释 串珠 原文 典藏 |
36:22 | 古列王下令偤大人回国(拉 1:1-4)当波斯王古列元年,因为beh应验上主托耶利米所讲ê话,上主就激动波斯王古列ê心,hō͘伊宣布tī 全国,koh写命令,讲: | 注释 串珠 原文 典藏 |
36:23 | 「波斯王古列ánne讲:天顶ê上帝—上主kā天下ê万国赏赐hō͘我,koh命令我tī偤大ê耶路撒冷kā他起殿。Lín中间见若做他ê子民ê,thang上去,愿上主—伊ê上帝kah伊同在。」 | 注释 串珠 原文 典藏 |